ಚಳಿಗಾಲಕ್ಕೆ ಆರೋಗ್ಯಕರ ಆಹಾರಕ್ರಮ

Diet Fitness

oi-Reena

By Hema S

Published: Friday, December 16, 2011, 15:42 [IST]

ಕಾಲ ಬದಲಾದಂತೆ ದೇಹಕ್ಕೆ ಆಹಾರದಲ್ಲೂ ವ್ಯತ್ಯಾಸ ಮಾಡಬೇಕು, ಬೇಸಿಗೆಯಲ್ಲಿ ತಂಪು ತರುವ ಆಹಾರಗಳನ್ನು ಸೇವಿಸಿ ಚಳಿಗಾಲದಲ್ಲಿ ತಂಪು ಆಹಾರವನ್ನು ಸೇವಿಸಿದರೆ ಶೀತ, ಕೆಮ್ಮು ಉಂಟಾಗುವುದು. ಈ ಚಳಿಗಾಲಕ್ಕೆ ದೇಹವನ್ನು ಬೆಚ್ಚಗೆ ಮತ್ತು ಆರೋಗ್ಯಕರವಾಗಿ ಇಡಲು ಈ ಕೆಳಗಿನ ಆಹಾರಕ್ರಮವನ್ನು ಅನುಸರಿಸಬಹುದು.

1. ನಾರಿನ ಪದಾರ್ಥ: ಚಳಿಗಾಲದಲ್ಲಿ ಬೆವರು ಬರುವುದಿಲ್ಲವಾದ್ದರಿಂದ ಕಾರ್ಬೋಹೈಡ್ರೇಟ್ ಅಂಶವನ್ನು ಕಡಿಮೆ ತೆಗೆದುಕೊಳ್ಳಬೇಕು. ಆದ್ದರಿಂದ ಅಕ್ಕಿ ಮತ್ತು ಆಲೂಗೆಡ್ಡೆಯನ್ನು ಕಡಿಮೆ ಸೇವಿಸಿ, ಅದಿಕ ನಾರಿನ ಪದಾರ್ಥವಿರುವ ಆಹಾರಗಳನ್ನು ಹೆಚ್ಚಾಗಿ ಸೇವಿಸಬೇಕು.

2.ಪ್ರೊಟೀನ್: ಅಧಿಕ ಫ್ರೊಟೀನ್ ಇರುವ ಆಹಾರವನ್ನು ಅಧಿಕ ಸೇವಿಸಬೇಕು. ಪ್ರೊಟೀನ್ ದೇಹವನ್ನು ಆರೋಗ್ಯವಾಗಿ ಮತ್ತು ಬೆಚ್ಚಗೆ ಇಡಲು ಸಹಾಯ ಮಾಡುತ್ತದೆ.

3. ಸೊಪ್ಪು: ಚಳಿಗಾಲದಲ್ಲಿ ಮಾತ್ರವಲ್ಲ ಎಲ್ಲಾ ಕಾಲದಲ್ಲೂ ಸೊಪ್ಪುವಿನ ಸೇವನೆ ತುಂಬಾ ಒಳ್ಳೆಯದು. ಇದು ದೇಹದಲ್ಲಿ ರೋಗ ವಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ

4.ಹಣ್ಣುಗಳು: ಆಯಾ ಕಾಲದಲ್ಲಿ ಸಿಗುವಹಣ್ಣುಗಳ ಸೇವನೆ ತುಂಬಾ ಒಳ್ಳೆಯದು. ಏಕೆಂದರೆ ಅಂತಹ ಹಣ್ಣುಗಳಲ್ಲಿ ಆಯಾ ಕಾಲಕ್ಕೆ ದೇಹಕ್ಕೆ ಬೇಕಾಗುವ ನ್ಯೂಟ್ರಿಷಿಯಸ್ ಅಂತಹ ಹಣ್ಣುಗಳಲ್ಲಿ ಹೆಚ್ಚಾಗಿ ಇರುತ್ತದೆ. ಅಲ್ಲದೆ ಕಿತ್ತಳೆ, ಕಿವಿ ಹಣ್ಣು, ದಾಳಿಂಬೆ ಇವುಗಳ ಸೇವನೆಯಿಂದ ಕೂಡ ದೇಹಕ್ಕೆ ಅಗತ್ಯವಿರುವ ನ್ಯೂಟ್ರಿಷಿಯಸ್ ಪಡೆಯಬಹುದು. ಅದರಲ್ಲೂ ಸಿಟ್ರಸ್ ಇರುವ ಕೆಂಪು, ಹಳದಿ, ಕಿತ್ತಳೆ ಬಣ್ಣದ ಹಣ್ಣುಗಳನ್ನು ಚಳಿಗಾಲದಲ್ಲಿ ಹೆಚ್ಚಾಗಿ ಸೇವಿಸಬೇಕು.

5. ಮೊಟ್ಟೆ: ಮೊಟ್ಟೆಯಲ್ಲಿ ಅಧಿಕ ಪ್ರೊಟೀನ್ ಇರುವುದರಿಂದ ಚಳಿಗಾಲದಲ್ಲಿ ದೇಹವನ್ನು ಬೆಚ್ಚಗೆ ಇಡುತ್ತದೆ.

6. ಮಾಂಸ: ಮಾಂಸಾಹರವನ್ನು ಕೂಡ ಚಳಿಗಾಲದಲ್ಲಿ ಸೇವಿಸಿವುದು ತುಂಬಾ ಒಳ್ಳೆಯದು. ಮಾಂಸ ದೇಹವನ್ನು ಬೆಚ್ಚಗೆ ಇಡಲು ಸಹಾಯ ಮಾಡುತ್ತದೆ.

7. ಬಿಸಿ ಚಾಕಲೇಟ್: ಬಿಸಿ ಚಾಕಲೇಟ್ ಕುಡಿಯುವುದರಿಂದ ದೇಹವನ್ನು ನೈಸರ್ಗಿಕವಾಗಿ ಬೆಚ್ಚಗಿಡುವಂತೆ ಮಾಡುತ್ತದೆ. ಮಿಲ್ಕ್ ಚಾಕಲೇಟ್ ಬದಲು ಕೋಕಾ ಚಾಕಲೇಟ್ ಸೇವಿಸಿದರೆ ಹೆಚ್ಚು ದಪ್ಪಾಗುವುದಿಲ್ಲ, ದೇಹ ಕೂಡ ಬೆಚ್ಚಗೆ ಇರುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.