ಡ್ರೈ ಫ್ರೂಟ್ ಸೇವನೆಯಿಂದ ತೂಕ ಇಳಿಸಬಹುದಾ?

Diet Fitness

oi-Sumalatha

By Sumalatha

Published: Tuesday, November 8, 2011, 17:17 [IST]

ದಿನವೂ ಮಿಶ್ರಿತ ಒಣಹಣ್ಣುಗಳನ್ನು ಸ್ವಲ್ಪ ಸ್ವಲ್ಪ ತಿನ್ನುವುದರಿಂದ ದೇಹದಲ್ಲಿ ಅನಗತ್ಯ ಬೊಜ್ಜು ತುಂಬಿಕೊಳ್ಳುವುದನ್ನು ತಡೆಯುವುದು ಮಾತ್ರವಲ್ಲ, ಆರೋಗ್ಯವನ್ನೂ ಸುಧಾರಿಸುತ್ತದೆ ಎಂದಿದೆ ನೂತನ ಸಂಶೋಧನೆ.

ಡ್ರೈ ಫ್ರೂಟ್ ಸೇವನೆಗೂ ಮತ್ತು ದೇಹದಲ್ಲಿ ಹೃದಯದ ಸ್ವಾಸ್ಥ್ಯ ಹೆಚ್ಚಿಸುವ ಸೆರೊಟೊನಿನ್ ಹಾರ್ಮೋನಿನ ಹೆಚ್ಚಳಕ್ಕೂ ನಡುವಿನ ಸಂಬಂಧವನ್ನು ಪತ್ತೆ ಹಚ್ಚುವಾಗ ಡ್ರೈ ಫ್ರೂಟ್ ಸೇವನೆ ದೇಹಕ್ಕೆ ಹೆಚ್ಚು ಅಗತ್ಯ ಎಂಬ ಅಂಶ ತಿಳಿದುಬಂದಿದೆ.

ಬಾದಾಮಿ, ಅಕ್ರೋಡ (ವಾಲ್ ನಟ್) ಇನ್ನಿತರ ಡ್ರೈ ಫ್ರೂಟ್ ಗಳನ್ನು ಮಿಶ್ರಣ ಮಾಡಿ ದಿನವೂ ಕೇವಲ 30 ಗ್ರಾಂ ಮಾತ್ರವಷ್ಟೇ ತಿನ್ನುತ್ತಾ ಬರುವುದರಿಂದ ಆರೋಗ್ಯದ ಮೇಲೆ ಧನಾತ್ಮಕ ಪರಿಣಾಮ ಉಂಟಾಗುತ್ತದೆ ಎಂದು ಬಾರ್ಸೆಲೊನೊ ವಿಶ್ವವಿದ್ಯಾಲಯದ ಸಂಶೋಧಕರು ತಿಳಿಸಿದ್ದಾರೆ.

ಹೊಟ್ಟೆಯಲ್ಲಿ ಅತಿ ಬೊಜ್ಜನ್ನುಂಟುಮಾಡುವ, ಮಧುಮೇಹ, ರಕ್ತದೊತ್ತಡ ಮುಂತಾದ ಸಮಸ್ಯೆಗೆ ಕಾರಣವಾಗಿರುವ ಮೆಟಬಾಲಿಕ್ ಸಿಂಡ್ರೋಮ್ ಕ್ರಿಯೆಯನ್ನು ಈ ಒಣಹಣ್ಣುಗಳು ಕಡಿಮೆಮಾಡುವಲ್ಲಿ ಸಹಕಾರಿಯಾಗಿವೆ ಎಂದು ತಿಳಿಸಿದ್ದಾರೆ.

ಮೆಟಬಾಲಿಕ್ ಸಿಂಡ್ರೋಮ್ ಸಮಸ್ಯೆಯಲ್ಲಿದ್ದ 22 ಮಂದಿ ರೋಗಿಗಳಿಗೆ 12 ವಾರದ ಅವಧಿ ದಿನವೂ ಒಂದಿಷ್ಟು ನಟ್ಸ್ ತಿನ್ನುವಂತೆ ಹೇಳಲಾಯಿತು. ಆನಂತರ ಈ ರೋಗಿಗಳ ಮೂತ್ರ ಪರೀಕ್ಷೆ ಮಾಡಿದಾಗ, ಒಣಹಣ್ಣುಗಳನ್ನು ಸೇವಿಸದ ರೋಗಿಗಳಿಗಿಂತ, ಇವರಲ್ಲಿ ಸೆರೊಟೊನಿನ್ ಮಟ್ಟ ಹೆಚ್ಚಾಗಿದ್ದುದು ಕಂಡುಬಂದಿದೆ.

ನಟ್ಸ್ ಸೇವನೆಯಿಂದ ಸೆರೊಟೊನಿನ್ ಅಂಶ ಹೆಚ್ಚುಗೊಂಡಿರುವುದನ್ನು ಇದೇ ಮೊದಲ ಬಾರಿಗೆ ಕಂಡುಹಿಡಿಯಲಾಗಿದೆ ಎಂದಿದ್ದಾರೆ. ಆದರೆ ಒಣಹಣ್ಣುಗಳಲ್ಲಿ ಹೆಚ್ಚು ಕ್ಯಾಲೊರಿಯೂ ಇರುವುದರಿಂದ ದಿನಕ್ಕೆ ಸ್ವಲ್ಪ ಮಾತ್ರ ಸೇವಿಸಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.