ಫಿಟ್ ಆಗ್ಬೇಕಾ? ಹಾಗಾದ್ರೆ ಹಿಂದಕ್ಕೆ ಜಾಗಿಂಗ್ ಮಾಡಿ

Diet Fitness

oi-Sumalatha

By Sumalatha

Published: Wednesday, September 14, 2011, 15:35 [IST]

ನೀವು ಫಿಟ್ ಆಗ್ಬೇಕು ಎಂದು ಬಯಸುತ್ತೀರಾ? ಹಾಗಾದರೆ ಹಿಮ್ಮುಖವಾಗಿ ಜಾಗ್ ಮಾಡಿ. ಕೇಳಲು ಇದು ವಿಚಿತ್ರವೆನಿಸಬಹುದು, ಆದರೆ ಹಿಮ್ಮುಖವಾಗಿ ಜಾಗ್ ಮಾಡಿದರೆ ಕೀಲುಗಳು ಶಕ್ತಿಯುತವಾಗುವುದಲ್ಲದೆ, ಕ್ಯಾಲೊರೀಸ್ ಕೂಡ ಕರಗುತ್ತದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.

ಸಂಶೋಧಕರ ಪ್ರಕಾರ, ಹಿಂದಕ್ಕೆ ಓಡುವುದರಿಂದ ಕೀಲು, ಮಂಡಿ ಮತ್ತು ದೇಹದ ಹಿಂಭಾಗ ಶಕ್ತಿಯುತವಾಗುತ್ತದೆ. ಫಿಟ್ ನೆಸ್ ಬೇಕೆಂದು ಬಯಸುವವರು ಹಿಮ್ಮುಖ ಮಾರ್ಗ ಹಿಡಿದರೆ ಬೇಗನೆ ತಮ್ಮ ಫಿಟ್ ನೆಸ್ ಗುರಿಯನ್ನು ತಲುಪಬಹುದು ಎಂದು ತಿಳಿಸಿದ್ದಾರೆ.

ಒರೆಗಾನ್ ವಿಶ್ವವಿದ್ಯಾಲಯದಲ್ಲಿ ನಡೆಸಿದ ಈ ಸಂಶೋಧನೆಯಿಂದ, ಸಾಮಾನ್ಯ ಓಟಕ್ಕಿಂತ ಹಿಮ್ಮುಖವಾಗಿ ಓಡಿದರೆ ಫಿಟ್ ನೆಸ್ ಉಪಯೋಗವನ್ನು ಬೇಗನೆ ಕಂಡುಕೊಳ್ಳಬಹುದು ಎಂದು ತಿಳಿದುಬಂದಿದೆ. ಹಿಮ್ಮುಖವಾಗಿ ಜಾಗ್ ಮಾಡುವುದು ಹೃದಯದ ಸ್ವಾಸ್ಥ್ಯವನ್ನೂ ಹೆಚ್ಚಿಸುತ್ತದೆ ಎಂದು ಡೈಲಿ ಮೇಲ್ ವರದಿ ಮಾಡಿದೆ.

ಆರು ವಾರಗಳಲ್ಲಿ ಮೂರು ವಾರಗಳನ್ನು ಹಿಮ್ಮುಖವಾಗಿ ಜಾಗ್ ಮಾಡುವಂತೆ ವಿದ್ಯಾರ್ಥಿನಿಯರನ್ನು ಸಂಶೋಧನೆಗೆ ಒಳಪಡಿಸಿದಾಗ ಈ ಫಲಿತಾಂಶ ಲಭ್ಯವಾಗಿದೆ.

ಅಧ್ಯಯನದ ಕೊನೆಯಲ್ಲಿ, ಹಿಮ್ಮುಖವಾಗಿ ಓಡುವವರಲ್ಲಿ ಆಮ್ಲಜನಕದ ಸೇವನೆ ಹೆಚ್ಚಾಗಿದ್ದು, ಈ ಮೂಲಕ ಸುಮಾರು 2.5 % ದೇಹದ ಬೊಜ್ಜನ್ನು ಕಡಿಮೆಮಾಡಿಕೊಂಡು ಫಿಟ್ ಆಗಿದ್ದಾರೆ ಎಂದು ತಿಳಿಸಿದೆ.

ಹಿಮ್ಮುಖವಾಗಿ 100 ಹೆಜ್ಜೆ ಇಡುವುದು ಸಾಮಾನ್ಯ ಜಾಗ್ ನಲ್ಲಿ 1000 ಹೆಜ್ಜೆ ಇಡುವುದಕ್ಕೆ ಸಮ ಎಂದಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.