ಎಚ್ಚರ: ರಕ್ತದಲ್ಲಿ ಸಕ್ಕರೆ ಅಂಶ ಹೆಚ್ಚಾಗುತ್ತಿರುವ ಲಕ್ಷಣಗಳಿವು!

ಅತಿಯಾದ ಬಾಯಾರಿಕೆ

ರಕ್ತದಲ್ಲಿನ ಸಕ್ಕರೆ ಮಟ್ಟವು ಹೆಚ್ಚಾದಾಗ ಕಿಡ್ನಿ ಸಕ್ಕರೆಯನ್ನು ಹೊರಗೆ ಹಾಕಲು ಅತಿಯಾಗಿ ಕೆಲಸ ಮಾಡುತ್ತದೆ. ಮೂತ್ರದ ಮೂಲಕ ಸಕ್ಕರೆಯು ಹೊರಬೀಳುವುದು. ಇದರಿಂದಾಗಿ ಅತಿಯಾದ ಬಾಯಾರಿಕೆ ಅಥವಾ ನಿರ್ಜಲೀಕರಣ ಉಂಟಾಗಬಹುದು.

ಪದೇ ಪದೇ ಹಸಿವು

ಮೂತ್ರ ಜಾಸ್ತಿಯಾದಾಗ ಕ್ಯಾಲರಿ ದಹಿಸಲ್ಪಡುತ್ತದೆ. ರಕ್ತದಲ್ಲಿ ಅತಿಯಾಗಿ ಸಕ್ಕರೆ ಅಂಶ ಇರುವ ಕಾರಣ ಆಹಾರದಲ್ಲಿನ ಸಕ್ಕರೆ ಅಂಶವು ಕೋಶಗಳನ್ನು ಸೇರಿಕೊಳ್ಳುವುದಿಲ್ಲ. ಇದರಿಂದಾಗಿ ಪದೇ ಪದೇ ಹಸಿವಾಗುತ್ತದೆ.

ಆಗಾಗ ಮೂತ್ರಶಂಕೆ

ರಕ್ತದಲ್ಲಿನ ಸಕ್ಕರೆ ಅಂಶವನ್ನು ಮೂತ್ರದ ಮೂಲಕ ಕಿಡ್ನಿ ಹೊರಹಾಕುವಾಗ ನಿರ್ಜಲೀಕರಣ ಮತ್ತು ಬಾಯಾರಿಕೆ ಉಂಟಾಗುತ್ತದೆ. ಇದರಿಂದಾಗಿ ನೀರನ್ನು ಹೆಚ್ಚು ಸೇವಿಸಬೇಕಾಗುತ್ತದೆ. ಇದರಿಂದ ಮೂತ್ರಶಂಕೆಯು ಹೆಚ್ಚಾಗುವುದು.

ತೂಕ ಕಳೆದುಕೊಳ್ಳುವುದು

ಮೂತ್ರಶಂಕೆಯು ಅತಿಯಾದಾಗ ಕ್ಯಾಲರಿ ದಹಿಸುವುದು ಹೆಚ್ಚಾಗುತ್ತಾ ಹೋಗುತ್ತದೆ. ಇದರಿಂದಾಗಿ ತೂಕವು ಕಡಿಮೆಯಾಗುವುದು.

ಮರಗಟ್ಟುವಿಕೆ

ರಕ್ತದಲ್ಲಿನ ಸಕ್ಕರೆ ಮಟ್ಟವು ಅತಿಯಾದಾಗ ಅದು ನರಗಳ ಮೇಲೆ ಪರಿಣಾಮವನ್ನು ಬೀರುತ್ತದೆ. ಇದರಿಂದ ಮರಗಟ್ಟುವಿಕೆ ಉಂಟಾಗಿ ಕೈ ಹಾಗೂ ಕಾಲುಗಳಲ್ಲಿ ಸ್ಪರ್ಶಜ್ಞಾನ ಇಲ್ಲದಂತಾಗುತ್ತದೆ.

ದೃಷ್ಟಿ ಮಂಜಾಗುವುದು

ಸಕ್ಕರೆ ಪ್ರಮಾಣವು ರಕ್ತದಲ್ಲಿ ಹೆಚ್ಚಾದ ಸಂದರ್ಭದಲ್ಲಿ ಅತಿಯಾದ ಮೂತ್ರಶಂಕೆಯಿಂದ ನಿರ್ಜಲೀಕರಣ ಮಾತ್ರವಲ್ಲದೆ ಕಣ್ಣುಗಳು ಒಣಗುವುದು. ಇದರಿಂದ ದೃಷ್ಟಿ ಮಂಜಾಗುವುದು.