ಐಸಿಡಬ್ಲ್ಯೂನಲ್ಲಿ ಮಿಂಚಿದ ಮಿಂಚು ಕಂಗಳ ಚೆಲುವೆ ಇಲಿಯಾನಾ ಡಿಕ್ರೂಸ್

ಸುಲಕ್ಷಣಾ ಧಿರಿಸುಗಳು ಐಸಿಡಬ್ಲ್ಯೂ 2014 ರ ಕೊನೆಯ ದಿನದಂದು ಆಕರ್ಷಕವಾಗಿದ್ದವು. ಈ ವಿನ್ಯಾಸದ ಧಿರಿಸಿಗೆ ತಮ್ಮನ್ನು ಪ್ರದರ್ಶಿಸಿಕೊಂಡ ಇಲಿಯಾನಾ ಡಿಕ್ರೂಸ್ ಗುಲಾಬಿ ಬಣ್ಣದ ಸೀರೆ ಗೌನ್‌ನಲ್ಲಿ ಮನಸೆಳೆಯುವಂತಿದ್ದರು. ಚಿನ್ನ, ಎಳೆ ಮತ್ತು ಲೇಸ್‌ ಹೊಂದಿರುವ ಈ ಸೀರೆ ಗೌನ್ ಒಳಗೊಂಡಿದ್ದು ಅದ್ಭುತವಾಗಿ ಕಂಡುಬರುತ್ತಿತ್ತು.

ಇಲಿಯಾನಾ ಗುಲಾಬಿ ಬಣ್ಣದ ಸೀರೆಯಲ್ಲಿ ಮಾಡಿದ ರಾಂಪ್ ವಾಕ್ ಅಂತೂ ಕಣ್ಮನ ಸೆಳೆಯುವಂತಿತ್ತು. ಸುಲಕ್ಷಣಾ ಸಂಗ್ರಹದ ಗುಲಾಬಿ ಬಣ್ಣದ ನೆಟ್ ಸೀರೆಯನ್ನು ಧರಿಸಿದ್ದ ಇಲಿಯಾನಾ ತಮ್ಮ ಸೀರೆಯಲ್ಲಿ ಎಂಬ್ರಾಯಿಡರಿ ವಿನ್ಯಾಸವನ್ನು ಹೊಂದಿದ್ದರು. ಇದು ಚಿನ್ನ ಮತ್ತು ನೆಟ್ ಮಾದರಿಯಲ್ಲಿತ್ತು. ಇದರ ರವಿಕೆಯನ್ನು ಫ್ಲೋರಲ್ ಮಾದರಿಯಲ್ಲಿ ರೂಪಿಸಲಾಗಿತ್ತು. ಸುಲಕ್ಷಣಾ ವಿನ್ಯಾಸಕಿ ವಿನ್ಯಾಸಪಡಿಸಿದ ಈ ಸೀರೆ ಇಲಿಯಾನಾರಿಗೆ ಅದ್ಭುತವಾಗಿ ಕಾಣುತ್ತಿತ್ತು.

ಇನ್ನೂ ಹೆಚ್ಚಾಗಿ ಹೇಳಬೇಕೆಂದರೆ, ಐಸಿಡಬ್ಲ್ಯೂ 2014 ರ ಅಂತಿಮ ಸುತ್ತಿನಲ್ಲಿ, ಅದ್ಭುತ ಶೋಸ್ಟೋಪರ್ ಆಗಿದ್ದರು. ಧರೆಗಿಳಿದ ಅಪ್ಸರೆಯಂತೆ ಮಿಂಚುತ್ತಿದ್ದ ಈ ಚೆಲುವೆ ತಮ್ಮ ಸುಂದರ ದೇಹಸಿರಿಯನ್ನು ಈ ಸೀರೆಯಲ್ಲಿ ಪ್ರದರ್ಶಿಸಿದ್ದಾರೆ.

ಐಸಿಡಬ್ಲ್ಯೂ 2014: ರೋಹಿತ್ ಬಾಲಾ ಅವರ ಮನಸೆಳೆಯುವ ಸಂಗ್ರಹ

ಸುಲಕ್ಷಣಾ ಸಂಗ್ರಹದ ಸೀರೆಯಲ್ಲಿ ಇಲಿಯಾನಾ ಮಾಡಿದ ರಾಂಪ್ ವಾಕ್ ಅಂತೂ ಮನಸೆಳೆಯುವಂತಿತ್ತು. ಈ ಸುಂದರಿ ಹೆಜ್ಜೆ ಮೇಲೆ ಹೆಜ್ಜೆ ಹಾಕಿ ಗುಲಾಬಿ ಸೀರೆಯಲ್ಲಿ ತಮ್ಮನ್ನು ತೆರೆದಿಟ್ಟ ಕ್ಷಣ ಹೆಚ್ಚು ಮನೋಹರವಾಗಿತ್ತು.

ಯಾವುದೇ ಆಭರಣಗಳಿಲ್ಲದೆ ರವಿಕೆಯಲ್ಲಿ ಮಾಡಿದ ವಿನ್ಯಾಸವು ಇಲಿಯಾನಾರಿಗೆ ಹೆಚ್ಚು ಶೋಭಾಯಮಾನವಾಗಿತ್ತು ಎಂದೇ ಹೇಳಬಹುದು. ಸರಳ ಪೋನಿಟೈಲ್ ಅನ್ನು ಹಾಕಿದ್ದ ಬೆಡಗಿ ಸರಳ ಮೇಕಪ್‌ನಲ್ಲಿ ಗಮನಸೆಳೆಯುವಂತಿದ್ದರು.