ಟೀಯಿಂದ ಹೆಚ್ಚಿಸಬಹುದು ತ್ವಚೆ ಸೌಂದರ್ಯ

Skin Care

oi-Reena

By Hema S

Published: Saturday, August 11, 2012, 12:26 [IST]

ನಮ್ಮ ಮನೆಯಲ್ಲಿ ನಾವು ದಿನನಿತ್ಯ ಬಳಸುವ ವಸ್ತುಗಳಲ್ಲಿಯೇ ಸೌಂದರ್ಯ ವರ್ಧಕ ಗುಣಗಳಿರುತ್ತವೆ. ಆದರೆ ಅದು ನಮಗೆ ಗೊತ್ತಿರುವುದಿಲ್ಲ. ಅದರಲ್ಲೂ ಟೀ ಕುಡಿಯುವ ಅಭ್ಯಾಸ ಇರುವವರು ಟೀ ಕುಡಿದ ನಂತರವೇ ತಮ್ಮ ದಿನಚರಿ ಪ್ರಾರಂಭಿಸುವುದು. ಈ ಟೀ ಮೈಗೆ ಚೈತನ್ಯ ತುಂಬುವುದು ಮಾತ್ರವಲ್ಲ ದೇಹದ ಕಾಂತಿಯನ್ನು ಹೆಚ್ಚಿಸುವ ಗುಣ ಕೂಡ ಹೊಂದಿದೆ.

ಟೀಯನ್ನು ಸೌಂದರ್ಯವರ್ಧಕವಾಗಿ ಈ ಕೆಳಗಿನ ವಿಧಾನದಂತೆ ಬಳಸಿದರೆ ಕಾಂತಿಯುತ ತ್ವಚೆ ನಿಮ್ಮದಾಗುವುದು.

ಟೀ, ಓಟ್ಸ್ ಮತ್ತು ಜೇನಿನ ಮಿಶ್ರಣ: ಅರ್ಧ ಕಪ್ ಓಟ್ ಮೀಲ್ಸ್ ತೆಗೆದುಕೊಂಡು ಅದನ್ನು ನುಣ್ಣಗೆ ಪುಡಿಮಾಡಬೇಕು. ನಂತರ ಇದಕ್ಕೆ ಟೀ ಮತ್ತು 2 ಚಮಚ ಜೇನು ಹಾಕಿ ಪೇಸ್ಟ್ ರೀತಿ ಮಿಶ್ರ ಮಾಡಿ ಮುಖ ಮತ್ತು ಮೈಗೆ ಹಚ್ಚಬೇಕು. ನಂತರ 15 ನಿಮಿಷ ಬಿಟ್ಟು ಸ್ನಾನ ಮಾಡಬೇಕು. ಈ ರೀತಿ ವಾರಕ್ಕೆ ಒಮ್ಮೆ ಮಾಡುತ್ತಾ ಬಂದರೆ ತ್ವಚೆಹೊಳಪು ಹೆಚ್ಚಾಗುವುದು.

ಟೀ, ಅಕ್ಕಿ ಮತ್ತು ನಿಂಬೆರಸ: 3 ಚಮಚ ಅಕ್ಕಿಪುಡಿಗೆ ಅರ್ಧ ಗ್ಲಾಸ್ ಟೀ ಹಾಕಿ, ನಿಂಬೆ ರಸ ಹಾಕಿ ಮಿಶ್ರಣ ಮಾಡಬೇಕು. ನಂತರ ಇದನ್ನು ಮೈಗೆ ಹಚ್ಚಿ 20 ನಿಮಿಷದ ಬಳಿಕ ಸ್ನಾನ ಮಾಡಬೇಕು. ಇದು ಮುಖದಲ್ಲಿರುವ ಕಪ್ಪು ಕಲೆಗಳನ್ನು ಹೋಗಲಾಡಿಸುತ್ತದೆ. ಮೈಕಾಂತಿ ಹೆಚ್ಚಿಸಿಕೊಳ್ಳಲು ಈ ವಿಧಾನ ಕೂಡ ಬಳಸಬಹುದು.

ಟೀ ಮತ್ತು ಕೋಕಾ: ಚಾಕಲೇಟ್ ಮತ್ತು ಟೀಯಲ್ಲಿ antioxidants. ಪ್ರಮಾಣ ಅಧಿಕವಾಗಿದೆ. 3-4 ಚಮಚ ಕೋಕಾ ಪುಡಿಯನ್ನು ಅರ್ಧ ಗ್ಲಾಸ್ ಟೀಯಲ್ಲಿ ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷದ ಬಿಟ್ಟು ಮುಖ ತೊಳೆದರೆ ಮುಖದಲ್ಲಿ ನೆರಿಗೆಗಳು ಇದ್ದರೆ ಮರೆಮಾಚುತ್ತದೆ ಮತ್ತು ಅಕಾಲಿಕ ನೆರಿಗೆ ಬೀಳುವುದನ್ನು ತಡೆಗಟ್ಟುತ್ತದೆ.

ಟೀ ಮತ್ತು ಜೋಳದ ಹಿಟ್ಟು: 3 ಚಮಚ ಜೋಳದ ಹಿಟ್ಟಿಗೆ 3 ಚಮಚ ಟೀ ಹಾಕಿ ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಡಬೇಕು. ನಂತರ ಹದ ಬಿಸಿನೀರಿನಿಂದ ಮುಖ ತೊಳೆಯಬೇಕು. ಈ ರೀತಿ ಮಾಡಿದರೆ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಿ, ತ್ವಚೆ ಆಕರ್ಷಕವಾಗಿ ಕಾಣುವಂತೆ ಮಾಡುತ್ತದೆ.

ಟೀ ಮತ್ತು ಬಾಳೆಹಣ್ಣು: ಬಾಳೆಹಣ್ಣನ್ನು ಪೇಸ್ಟ್ ರೀತಿ ಮಾಡಿ ಅದಕ್ಕೆ 2 ಚಮಚ ಟೀ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷ ಬಿಡಬೇಕು. ನಂತರ ಹದ ಬಿಸಿನೀರಿನಿಂದ ಮುಖ ತೊಳೆಯಬೇಕು. ಒಣ ತ್ವಚೆ ಇರುವವರು ಈ ವಿಧಾನ ಪಾಲಿಸಿದರೆ ಉತ್ತಮ ಪ್ರಯೋಜನ ಪಡೆಯಬಹುದು.