ಕೋಮಲ ತ್ವಚೆಗಾಗಿ ಈ ಫೇಶಿಯಲ್ ರೆಸಿಪಿ

Skin Care

oi-Reena

By Hema S

Published: Monday, February 20, 2012, 14:13 [IST]

ಕೋಮಲವಾದ ತ್ವಚೆ ಪೇಶಿಯಲ್ ನಿಂದ ಪಡೆಯಬಹುದು. ಫೇಶಿಯಲ್ ಗೆ ಮಾರುಕಟ್ಟೆಯಲ್ಲಿ ಅನೇಕ ಸಾಧನಗಳು ದೊರೆಯುವುದಾದರೂ ನೈಸರ್ಗಿಕ ಸಾಧನಗಳನ್ನು ಬಳಸಿ ಕೆಮಿಕಲ್ ರಹಿತ ಫೇಶಿಯಲ್ ಬಳಸುವುದು ಸೂಕ್ತ. ಮನೆಯಲ್ಲಿಯೆ ಫೇಶಿಯಲ್ ರೆಸಿಪಿ ತಯಾರಿಸುವ ಸುಲಭ ವಿಧಾನ ನೀಡಲಾಗಿದೆ.

ಜೇನಿನ ಫೇಶಿಯಲ್:
* 1 ಚಮಚ ಜೇನು
* 1 ಮೊಟ್ಟೆಯ ಬಿಳಿ
* 1 ಚಮಚ ಆಲೀವ್ ಎಣ್ಣೆ
ಮಾಡುವ ವಿಧಾನ: ಮೊಟ್ಟೆಯ ಬಿಳಿಯನ್ನು ಚೆನ್ನಾಗಿ ಕದಡಬೇಕು. ನಂತರ ಅದಕ್ಕೆ ಎಣ್ಣೆಯನ್ನು ಸೇರಿಸಬೇಕು. ಈಗ ಜೇನನ್ನು ಸೇರಿಸಿ ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಟ್ಟು ಹದ ಬಿಸಿ ನೀರಿನಿಂದ ಮುಖ ತೊಳೆಯಬೇಕು.

ಟೊಮೆಟೊ ಫೇಶಿಯಲ್ :
* ಹಣ್ಣಾದ ಟೊಮೆಟೊ 1
* 1 ಚಮಚ ನಿಂಬೆ ರಸ
* ಒಂದು ಚಮಚ ಓಟ್ ಮೀಲ್ಸ್
ಮಾಡುವ ವಿಧಾನ: ಈ ಮಿಶ್ರಣವನ್ನು ಪೇಸ್ಟ್ ರೀತಿ ಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷ ಬಿಡಬೇಕು. ನಂತರ ಬಿಸಿ ನೀರಿನಿಂದ ಮುಖ ತೊಳೆಯಬೇಕು.

ಜೇನು ಮತ್ತು ಬಾದಾಮಿ ಫೇಶಿಯಲ್:
* 1 ಚಮಚ ಜೇನು
* 1 ಮೊಟ್ಟೆಯ ಬಿಳಿ
* 1/2 ಚಮಚ ಬಾದಾಮಿ ಎಣ್ಣೆ
* 1 ಚಮಚ ಮೊಸರು
ಮಾಡುವ ವಿಧಾನ: ಈ ಎಲ್ಲಾ ಸಾಮಾಗ್ರಿಗಳನ್ನು ಮಿಶ್ರ ಮಾಡಿ ಮುಖಕ್ಕೆ ಹಚ್ಚಬೇಕು. ನಂತರ 15 ನಿಮಿಷ ಬಿಟ್ಟು ಮುಖ ತೊಳೆದರೆ ಕಾಂತಿಯುತ ತ್ವಚೆ ನಿಮ್ಮದಾಗುವುದು.