ಡ್ರೈ ಕೂದಲೇ? ಕಾರಣ ತಿಳಿಯಿರಿ, ಪರಿಹಾರ ಸಿಗುತ್ತೆ

| Updated: Monday, October 15, 2012, 17:20 [IST]

ಕೂದಲಿಗೆ ಸಂಬಂಧಿಸಿದ ಸಮಸ್ಯೆ ಹೆಚ್ಚಿನವರಲ್ಲಿ ಕಂಡು ಬರುತ್ತದೆ. ಕೂದಲು ಉದುರುವುದು, ತಲೆಹೊಟ್ಟು, ಅಕಾಲಿಕ ನೆರೆ ಹೀಗೆ ಒಂದಲ್ಲಾ ಒಂದು ಸಮಸ್ಯೆ ಕಂಡು ಬರುತ್ತಾ ಇರುತ್ತದೆ. ಈ ಸಮಸ್ಯೆಗಳಿಗೆ ಮುಖ್ಯ ಕಾರಣ ಕೂದಲು ಒರಟಾಗಿರುವುದು.

ಯಾವುದೇ ಸಮಸ್ಯೆಗೂ ಕಾರಣ ಕಂಡು ಹಿಡಿದರೆ ಮಾತ್ರ ಪರಿಹಾರ ಪಡೆಯಲು ಸಾಧ್ಯ. ಒಂದು ವೇಳೆ ನಿಮ್ಮ ಕೂದಲು ಒಣಗುತ್ತಿದ್ದರೆ ಈ ಕೆಳಗಿನ ಯಾವುದೋ ಒಂದು ಕಾರಣದಿಂದ ಆಗುತ್ತಿರುತ್ತದೆ. ಸಮಸ್ಯೆಗೆ ಕಾರಣ ತಿಳಿದರೆ ಪರಿಹಾರ ಸುಲಭ...

ಡ್ರೈ ಕೂದಲಿಗೆ ಕಾರಣಗಳು:

ಶ್ಯಾಂಪೂ: ಅಧಿಕ ರಾಸಾಯನಿಕವಿರುವ ಶ್ಯಾಂಪೂ ಬಳಿಸಿದರೆ ಕೂದಲು ಡ್ರೈಯಾಗುತ್ತದೆ. ಆದ್ದರಿಂದ ಮೃದುವಾದ ಶ್ಯಾಂಪೂ ಬಳಸುವುದು ಒಳ್ಳೆಯದು.

ಮಾಲಿನ್ಯ: ತುಂಬಾ ದೂಳಿನಲ್ಲಿ ಓಡಾಡುತ್ತಿದ್ದರೆ ಕೂದಲು ಹಾಳಾಗುತ್ತದೆ, ಆದ್ದರಿಂದ ದೂಳಿನಲ್ಲಿ ಅಥವಾ ಗಾಡಿಯಲ್ಲಿ ಓಡಾಡುವಾಗ ತಲೆಗೆ ಬಟ್ಟೆ ಕಟ್ಟುವುದು ಒಳ್ಳೆಯದು.

ಆಹಾರ: ಸರಿಯಾದ ಆಹಾರಕ್ರಮ ಪಾಲಿಸದಿದ್ದರೆ ಆಹಾರದಲ್ಲಿ ವಿಟಮಿನ್ ಕೊರತೆ ಇದ್ದರೆ ಕೂದಲು ಉದುರುತ್ತದೆ. ಅದರಲ್ಲೂ ವಿಟಮಿನ್ ಸಿ ಹಾಗೂ ಸತುವಿನಂಶವಿದ್ದರೆ ಕೂದಲು ಬೇಗನೆ ಉದುರುತ್ತದೆ.

ಶ್ಯಾಂಪೂ, ಕಂಡೀಷನರ್ ಬದಲಾಯಿಸುವುದು: ಆಗಾಗ ಶ್ಯಾಂಪೂ, ಕಂಡೀಷನರ್ ಬದಲಾಯಿಸುತ್ತಿದ್ದರೆ ಕೂದಲು ಒಣಗುವುದು ಹಾಗೂ ಉದುರಲಾರಂಭಿಸುತ್ತದೆ.

ಕಾಯಿಲೆ: ಥೈರಾಯ್ಡ್, ಕ್ಯಾನ್ಸರ್, ಪೋಷಕಾಂಶಗಳ ಕೊರತೆ, ಟೈಫಾಯ್ಡ್, ಸರ್ಜರಿ ಹೀಗೆ ಕಾಯಿಲೆಗಳಿದ್ದರೆ ಕೂದಲು ಒಣಗುವುದು ಹಾಗೂ ಉದುರಲಾರಂಭಿಸುತ್ತದೆ.

ಎಣ್ಣೆಯಂಶ ಇಲ್ಲದಿರುವುದು: ಕೂದಲಿಗೆ ಸರಿಯಾಗಿ ಎಣ್ಣೆ ಹಾಕಿ ಎಣ್ಣೆ ಮಸಜ್ ಮಾಡದೆ ಇದ್ದರೆ ಕೂದಲಿನ ಬುಡ ಒಣಗುವುದು. ಆದ್ದರಿಂದ ವಾರಕ್ಕೆ 2 ಬಾರಿ ಎಣ್ಣೆ ಮಸಾಜ್ ಮಾಡಬೇಕು.