ಬೇಸಿಗೆಯಲ್ಲಿ ದಿನಾ ತಲೆಸ್ನಾನ ಮಾಡಬೇಕೆ?

Hair Care

oi-Reena

By Hema S

Published: Saturday, March 17, 2012, 10:59 [IST]

ವಾರಕ್ಕೆ ಎಷ್ಟು ಬಾರಿ ತಲೆಸ್ನಾನ ಮಾಡಬೇಕು ಅನ್ನುವುದೆ ಹೆಚ್ಚಿನ ಹೆಣ್ಣು ಮಕ್ಕಳ ಸಮಸ್ಯೆ. ದಿನಾ ತೊಳೆದರೆ ಕೂದಲು ಹಾಳಾಗುತ್ತದೆ ಅಂತ ಕೆಲವರು ಹೇಳಿದರೆ ದಿನಾ ತೊಳೆಯದಿದ್ದರೆ ತಲೆಯಲ್ಲಿ ಹೊಟ್ಟು ಬರುತ್ತದೆ ಎಂದು ಹೇಳುತ್ತದೆ ಮತ್ತೊಂದು ಗುಂಪು.

ಕೂದಲು ಶುಚಿಯಾಗಿ ಇಟ್ಟುಕೊಳ್ಳದೆ ಇದ್ದರೆ ಕೂದಲು ಉದರಲಾರಂಭಿಸುತ್ತದೆ. ಅದರಲ್ಲೂ ಬೆಂಗಳೂರಿನಂತಹ ನಗರ ಪ್ರದೇಶಕ್ಕೆ ಬಂದರೆ ಕ್ಲೊರೀನ್ ನೀರಿನಿಂದಾಗಿ ಕೂದಲು ಬುಡದಿಂದಲೆ ಕಿತ್ತು ಬರುತ್ತದೆ. ಈ ರೀತಿಯ ಪರಿಸ್ಥಿತಿಯಲ್ಲಿ ಕೂದಲಿನ ಆರೈಕೆ ಮಾಡುವುದು ಹೇಗೆ ತಿಳಿಯಲು ಮುಂದೆ ಓದಿ.

1. ಬೇಸಿಗೆಯಲ್ಲಿ ತಲೆ ವಿಪರೀತ ಬೆವರುವುದರಿಂದ ದಿನವೂ ತಲೆ ತೊಳೆಯದಿದ್ದರೆ ಬೆವರಿನ ವಾಸನೆ ಬರಲಾರಂಭಿಸುತ್ತದೆ. ತಲೆ ತೊಳೆಯದ್ದರೆ ಹೊಟ್ಟಿನ ಸಮಸ್ಯೆ ಶುರುವಾಗುವುದು ಮತ್ತು ಕೂದಲು ಹಾಳಾಗುವುದು.

2. ಪ್ರತಿನಿತ್ಯ ಮೃದು ಶ್ಯಾಂಪೂ ಬಳಸಿ ತೊಳೆದರೆ ಕೂದಲಿನ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಆದರೆ ಉದ್ದ ಕೂದಲಿನವರಿಗೆ ದಿನಾ ತೊಳೆಯುವುದು ಕಷ್ಟವಾದರೆ ವಾರಕ್ಕೆ 2-3 ಬಾರಿ ತೊಳೆಯುವುದು ಒಳ್ಳೆಯದು.

3. ಗಿಡ್ಡ ಕೂದಲಿನವರು ಪ್ರತಿನಿತ್ಯ ತಲೆಸ್ನಾನ ಮಾಡಬೇಕು. ಏಕೆಂದರೆ ಗಿಡ್ಡ ಕೂದಲು ಎಣ್ಣೆಯಾಗುವುದು ಬಹುಬೇಗ. ದಿನಾ ತೊಳೆಯದಿದ್ದರೆ ಕೂದಲು ಜಿಡ್ಡಾಗಿ ಕಾಣುವುದರಿಂದ ಆಕರ್ಷಕವಾಗಿ ಕಾಣುವುದಿಲ್ಲ.

4. ಬೇಸಿಗೆಯಲ್ಲಿ ದೂಳು ಹೆಚ್ಚಾಗಿರುವುದರಿಂದ ಕೂದಲು ಶುಚಿಗೊಳಿಸದಿದ್ದರೆ ಕೂದಲು ಕವಲೊಡೆಯುವ ಸಮಸ್ಯೆ, ಕೂದಲು ಉದುರುವ ಸಮಸ್ಯೆ ಉಂಟಾಗುವುದು.

5. ತಲೆಯಲ್ಲಿ ಬೆವರಿದ್ದರೆ ಬ್ಯಾಕ್ಟೀರಿಯಾಗಳು ಉಂಟಾಗಿ ಕೂದಲು ಹಾಳಾಗುವುದು.

ದಿನಾ ಕೂದಲನ್ನು ತೊಳೆಯುವಾಗ ಕಂಡೀಷನರ್ ಹಚ್ಚುವುದು ಒಳ್ಳೆಯದು. ಅದರಲ್ಲೂ ನೈಸರ್ಗಿಕ ಕಂಡೀಷನರ್ ಬಳಸುವುದು ಒಳ್ಳೆಯದು.