ಡ್ರೈ ಲಿಪ್ಸ್ ಸಮಸ್ಯೆ ಹೋಗಲಾಡಿಸಲು ಬ್ಯೂಟಿ ಟಿಪ್ಸ್

ಜೇನು

ತುಟಿ ತುಂಬಾ ಒಣಗುವುದನ್ನು ತಡೆಯಲು ಜೇನು ಹಚ್ಚಿ. ಜೇನು ತುಟಿಯ ಹೊಳಪನ್ನು ಹೆಚ್ಚಿಸುತ್ತದೆ.

ತೆಂಗಿನ ಹಾಲು

ತೆಂಗಿನ ಹಾಲನ್ನು ತುಟಿಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಮುಖ ತೊಳೆಯಿರಿ. ಈ ರೀತಿ ಮಾಡಿದರೆ ತುಟಿಯಲ್ಲಿರುವ ನಿರ್ಜೀವ ತ್ವಚೆ ಮಾಯವಾಗುತ್ತದೆ.

ಸೌತೆಕಾಯಿ

ಸೌತೆಕಾಯಿ ಮುಖಕ್ಕೆ ಮಾತ್ರವಲ್ಲ, ತುಟಿಗೂ ತುಂಬಾ ಒಳ್ಳೆಯದು. ತುಟಿಗೆ ಸೌತೆಕಾಯಿ ರಸ ಹಚ್ಚುತ್ತಾ ಬಂದರೆ ತುಟಿ ಡ್ರೈಯಾಗುವುದಿಲ್ಲ.

ಲೋಳೆಸರ

ಲೋಳೆಸರ ಸ್ವಲ್ಪ ಕಹಿ ಅನಿಸಿದರೂ ತುಂಬಾ ತುಟಿ ಒಣಗುವ ಸಮಸ್ಯೆ ಇರುವವರಿಗೆ ಇದು ಉತ್ತಮ ಮನೆಮದ್ದಾಗಿದೆ.

ಲಿಪ್ ಸ್ಟಿಕ್ ಹಚ್ಚಬೇಡಿ

ತುಟಿ ಹೊಳಪನ್ನು ಪಡೆಯುವವರೆಗೆ ಲಿಪ್ ಸ್ಟಿಕ್ ಹಚ್ಚಬೇಡಿ. ಲಿಪ್ ಸ್ಟಿಕ್ ಹಚ್ಚಿದರೆ ತುಟಿ ಮತ್ತಷ್ಟು ಒಣಗುತ್ತದೆ.

ಸಾಕಷ್ಟು ನೀರು ಕುಡಿಯಿರಿ

ದೇಹದಲ್ಲಿ ನೀರಿನಂಶ ಕಡಿಮೆಯಾಗದಂತೆ ನೋಡಿಕೊಳ್ಳಿ. ನೀರು ಕಡಿಮೆ ಕುಡಿದರೆ ತ್ವಚೆಯ ಕಾಂತಿ ಕಮ್ಮಿಯಾಗುವುದು.

ಟೊಮೆಟೊ

ಟೊಮೆಟೊ ತ್ವಚೆಗೆ ಮಾತ್ರವಲ್ಲ, ತುಟಿಯ ಸೌಂದರ್ಯ ವೃದ್ಧಿಸುವಲ್ಲೂ ತುಂಬಾ ಸಹಕಾರಿ. ಟೊಮೆಟೊ ರಸವನ್ನು ತುಟಿಗೆ ಹಚ್ಚುವುದರಿಂದ ತುಟಿ ಡ್ರೈಯಾಗುವುದನ್ನು ತಡೆಯಬಹುದು.

ಜೇನು, ನಿಂಬೆ ರಸ

ಜೇನು ಮತ್ತು ನಿಂಬೆ ರಸವನ್ನು ಮಿಶ್ರಣ ಮಾಡಿ ಪೇಸ್ಟ್ ರಿತಿಯಲ್ಲಿ ಮಾಡಿ ತುಟಿಗೆ ಹಚ್ಚುವುದರಿಂದ ಕಪ್ಪು ತುಟಿಯನ್ನು ಹೋಗಲಾಡಿಸುತ್ತದೆ ಹಾಗೂ ತುಟಿ ಒಣಗದಂತೆ ತುಟಿಯ ರಕ್ಷಣೆ ಮಾಡುತ್ತದೆ.

ಸಲಹೆ: ಲಿಪ್ ಸ್ಟಿಕ್ ಹಚ್ಚುವವರು ಲಿಪ್ ಸ್ಟಿಕ್ ತೆಗೆದ ಬಳಿಕ ಸ್ವಲ್ಪ ಜೇನು ತುಟಿಗೆ ಹಚ್ಚಿದರೆ ತುಟಿ ತನ್ನ ಮಾಯಿಶ್ಚರೈಸರ್ ಅನ್ನು ಕಳೆದುಕೊಳ್ಳುವುದಿಲ್ಲ.