ಆಕರ್ಷಕ ಬಿಳುಪಿನ ಉಗುರಿಗಾಗಿ ಸರಳ ವಿಧಾನ

Body Care

oi-Reena

By Hema S

Published: Saturday, February 25, 2012, 10:54 [IST]

ಅಂದವಾಗಿ ಶೇಪ್ ನೀಡಿದ ಉದ್ದನೆಯ ಉಗುರು ಕೈಯನ್ನು ಮತ್ತಷ್ಟು ಸ್ಟೈಲಿಷ್ ಆಗಿ ಕಾಣುವಂತೆ ಮಾಡುತ್ತದೆ. ಹೀಗೆ ಉದ್ದವಾಗಿರುವ ಉಗುರುಗಳಿಗೆ ಬಣ್ಣ ಹಚ್ಚಿದರೆ ಆಹರ್ಷಕವಾಗಿ ಕಾಣುವುದು. ಆದರೆ ಉಗುರನ್ನು ಬಣ್ಣ ಮೆತ್ತದೆ ಹಾಗೇ ಬಿಟ್ಟರೆ ಮ್ತತಷ್ಟು ಆಕರ್ಷಕವಾಗಿ ಕಾಣುವುದು. ಆದರೆ ಈ ರೀತಿ ಬಣ್ಣ ಹಚ್ಚದ ಉಗುರಿನ ಸ್ವಚ್ಚತೆ ಬಗ್ಗೆ ತುಂಬಾ ಸ್ವಚ್ಚತೆ ವಹಿಸಬೇಕು. ಹಾಗಂತ ದಿನವೂ ಮ್ಯಾನಿಕ್ಯೂರ್ ಮಾಡಲು ಸಮಯವಿರುವುದಿಲ್ಲ. ಆದ್ದರಿಂದ ಉಗುರು ಬೆಳ್ಳಗ್ಗೆ ಆಕರ್ಷಕವಾಗಿ ಕಾಣಲು ಈ ರೀತಿ ಮಾಡಿ:

ಉಗುರು ಬೆಳ್ಳಗ್ಗೆ ಕಾಣುವಂತೆ ಮಾಡಲು ಕೆಲ ಸಲಹೆಗಳು:

1. ಉಗುರಿಗೆ ನಿಂಬೆ ಹಣ್ಣಿನ ತುಂಡನ್ನು ಉಜ್ಜಿ ನಂತರ ತೊಳೆದರೆ ಉಗುರುಗಳು ಬೆಳ್ಳಗ್ಗೆ ಮತ್ತು ಹೊಳಪಿನಿಂದ ಕಾಣುವುದು.

2. ಸೋಪು ನೀರಿಗೆ ಸ್ವಲ್ಪ ನಿಂಬೆ ರಸ ಹಾಕಿ ಅದರಲ್ಲಿ ಬೆರಳುಗಳನ್ನು 4-5 ನಿಮಿಷ ನೆನೆಸಿ ಇಡಬೇಕು. ನಂತರ ಕೈಗಳನ್ನು ತೊಳೆದು ಉಗುರಗಳಿಗೆ ಬಾಡಿಲೊಷನ್ ಹಚ್ಚಬೇಕು.

3. ನಿಂಬೆಹಣ್ಣು ಹಚ್ಚಿದಾಗ ಉಗುರು ಮತ್ತು ಬೆರಳುಗಳನ್ನು ಒಣಗುವಂತೆ ಮಾಡುತ್ತದೆ. ಆದ್ದರಿಂದ ಮಾಯಿಶ್ಚರೈಸರ್ ಹಚ್ಚಲು ಮರೆಯಬಾರದು.

4. ವಾರಕ್ಕೊಮ್ಮೆ ಬಿಸಿನೀರಿಗೆ ಅಡುಗೆ ಸೋಡಾ ಹಾಕಿ ಅದರಿಂದ ಉಗುರುಗಳನ್ನು ಶುಚಿಗೊಳಿಸಬೇಕು.

6. ಬಿಸಿ ನೀರಿಗೆ ಸೋಪಿನ ಲಿಕ್ವಿಡ್ ಹಾಕಿ ಸ್ವಲ್ಪ ನಿನಿಗರ್ ಸೇರಿಸಿ ಆ ಮಿಶ್ರಣದಲ್ಲಿ ಬೆರಳುಗಳನ್ನು 4-5 ನಿಮಿಷ ನೆನೆಸಿ ನಂತರ ಉಗುರುಗಳನ್ನು ಶುಚಿಗೊಳಿಸಿದರೆ ಉಗುರಿನ ಅಂದ ಹೆಚ್ಚುವುದು.

7.ನಿಂಬೆ ರಸಕ್ಕೆ ಸ್ವಲ್ಪ ಉಪ್ಪು ಹಾಕಿ ಅದರಿಂದ ಉಗುರುಗಳನ್ನು ಉಜ್ಜಿದರೆ ಉಗುರು ಬೆಳ್ಳಗ್ಗೆ ಕಾಣುವುದು.