ಚಳಿಗಾಲದಲ್ಲಿ ಬಿರುಕು ಚರ್ಮದ ರಕ್ಷಣೆ ಹೇಗೆ?

ಚಳಿಗಾಲದಲ್ಲಿ ಚರ್ಮ ರಕ್ಷಣೆ ಹೇಗೆ?

1. ಹೇರಳ ನೀರು: ಮುಖಕ್ಕೆ ಅಥವಾ ದೇಹಕ್ಕೆ ಕ್ರೀಂ ಹಚ್ಚಿಕೊಳ್ಳುವ ಮುನ್ನ ತ್ವಚೆಯ ಅಗತ್ಯತೆ ಬಗ್ಗೆ ಚೆನ್ನಾಗಿ ತಿಳಿದುಕೊಂಡಿಬೇಕು. ನೀರಿನ ಸೇವನೆಯೇ ತ್ವಚೆಯನ್ನು ಸಂರಕ್ಷಿಸುವ ಸುಲಭ ವಿಧಾನವಾದ್ದರಿಂದ ಹೇರಳವಾಗಿ ನೀರು ಕುಡಿಯುವುದು ಒಳ್ಳೆಯದು.

2. ಬೆಚ್ಚಗಿನ ನೀರಿನ ಸ್ನಾನ: ಈ ಕಾಲದಲ್ಲಿ ತುಂಬಾ ಬಿಸಿ ನೀರಿನಿಂದ ಸ್ನಾನ ಮಾಡಬೇಕು ಎನಿಸುವುದು ಸಹಜ. ಆದರೆ ಬೆಚ್ಚಗಿನ ನೀರನ್ನು ಮಾತ್ರ ಬಳಸಿ. ತುಂಬಾ ಬಿಸಿ ನೀರನ್ನು ಸ್ನಾನಕ್ಕೆ ಬಳಸಬೇಡಿ. ಇದರಿಂದ ಚರ್ಮ ಇನ್ನಷ್ಟು ಒಣಗುತ್ತದೆ.

3. ಮಸಾಜ್ : ಒಣತ್ವಚೆ ಮತ್ತು ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಲು ಸ್ನಾನ ಮಾಡುವ ಮುನ್ನ 1 ಕಪ್ ಕೊಬ್ಬರಿ ಎಣ್ಣೆಯೊಂದಿಗೆ ಸ್ವಲ್ಪ ಸಕ್ಕರೆ ಬೆರೆಸಿ ಸ್ಕ್ರಬ್ ನಂತೆ ಮಸಾಜ್ ಮಾಡಿಕೊಂಡು ಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿದರೆ ಚರ್ಮ ಮೃದುವಾಗಿರುತ್ತದೆ.

4. ಎಣ್ಣೆ ಲೇಪನ: ಚರ್ಮ ಸೀಳದಂತೆ ನೋಡಿಕೊಳ್ಳಲು ಆಗಾಗ್ಗೆ ಎಣ್ಣೆ ಮಸಾಜ್ ಮಾಡಿಕೊಳ್ಳಬೇಕು. ಇದು ದೇಹದೊಂದಿಗೆ ಮೆದುಳನ್ನು ರಿಲ್ಯಾಕ್ಸ್ ಮಾಡುತ್ತದೆ. ಚರ್ಮವನ್ನೂ ಸಂರಕ್ಷಿಸುತ್ತದೆ.

5. ಮೃದು ತುಟಿಗೆ: ಚಳಿಗಾಲದಲ್ಲಿ ತುಟಿ ಒಡೆಯುವುದು ಸಹಜ. ಆದ್ದರಿಂದ ತುಟಿಗೆ ಬೆಣ್ಣೆ ಅಥವಾ ತುಪ್ಪವನ್ನು ಆಗಾಗ್ಗೆ ಸವರಿಕೊಳ್ಳುತ್ತಿರಬೇಕು.