ನಂದಿನಿ ಹಾಲಿನ ದರ ಏರಿಕೆ: ಬಜೆಟ್ ಬಿಸಿ ತಟ್ಟದಂತೆ ಪ್ರೋಟೀನ್, ಕ್ಯಾಲ್ಸಿಯಂ ಪಡೆಯುವುದು ಹೇಗೆ?

ಇಂದಿನಿಂದ, ಅಂದರೆ ನವೆಂಬರ್ 1ರಿಂದ ರಾಜ್ಯಾದ್ಯಂತ ನಂದಿನಿ ಹಾಲು ಮತ್ತು ಮೊಸರಿನ ದರ ಹೆಚ್ಚಳವಾಗಿದೆ. ನೀಲಿ ಬಣ್ಣದ ಟೋನ್ಡ್ ಹಾಲಿನ ದರ ಲೀಟರ್‌ಗೆ ₹54ಕ್ಕೆ ಏರಿಕೆಯಾಗಿದ್ದರೆ, ಹೋಮೋಜಿನೈಸ್ಡ್ ಟೋನ್ಡ್ ಹಾಲು ₹56, ಶುಭಂ ಮತ್ತು ಸ್ಪೆಷಲ್ ಟೋನ್ಡ್ ಹಾಲು ₹64 ಹಾಗೂ 1 ಕೆಜಿ ಮೊಸರಿನ ಪೌಚ್ ಬೆಲೆ ₹68ಕ್ಕೆ ತಲುಪಿದೆ. ಫ್ಯಾಟ್ ಪ್ರಮಾಣವನ್ನು ಆಧರಿಸಿ ದರಗಳಲ್ಲಿ ವ್ಯತ್ಯಾಸವಾಗಲಿದ್ದು, ಮೂಲ ಬೆಲೆ ಏರಿಕೆಗೆ ಈ ವಾರದ ಆರಂಭದಲ್ಲಷ್ಟೇ ಸಚಿವ ಸಂಪುಟ ಒಪ್ಪಿಗೆ ನೀಡಿತ್ತು ಎಂದು ಕೆಎಂಎಫ್ ಅಧಿಕಾರಿಗಳು ತಿಳಿಸಿದ್ದಾರೆ.

ದರ ಪರಿಷ್ಕರಣೆ ಕುರಿತು ಮಾಹಿತಿ ನೀಡಿದ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್, "ರೈತರಿಗೆ ಆಗುವ ನಷ್ಟ ತಪ್ಪಿಸಲು ಹಾಲಿನ ದರ ಹೆಚ್ಚಿಸಲಾಗಿದೆ" ಎಂದು ಹೇಳಿದ್ದಾರೆ. ದರ ಏರಿಕೆಯಿಂದ ಬರುವ ಹೆಚ್ಚುವರಿ ಹಣದಲ್ಲಿ ₹7 ನೇರವಾಗಿ ರೈತರಿಗೆ ಹಾಗೂ Re 1 ಒಕ್ಕೂಟಗಳಿಗೆ ತಲುಪಲಿದೆ. ಇನ್ನು ದರ ಏರಿಕೆಯ ನಂತರವೂ ಇತರ ರಾಜ್ಯಗಳ ಬ್ರಾಂಡ್‌ಗಳಿಗೆ ಹೋಲಿಸಿದರೆ ನಂದಿನಿ ಹಾಲು ಇಂದಿಗೂ ಅಗ್ಗವಾಗಿದೆ ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

ನಂದಿನಿ ಹಾಲಿನ ದರ ಏರಿಕೆ: ಕಡಿಮೆ ವೆಚ್ಚದಲ್ಲಿ ಪ್ರೋಟೀನ್, ಕ್ಯಾಲ್ಸಿಯಂ ಪಡೆಯಲು ಪರ್ಯಾಯ ಮಾರ್ಗಗಳು

ಲೆಕ್ಕಾಚಾರ ಹೇಗೆ?: ಈ ದರಗಳು ಇಂದಿನ ಬೆಂಗಳೂರಿನ ಮಾರುಕಟ್ಟೆ ದರವನ್ನು ಆಧರಿಸಿವೆ — ಹಾಲು ಲೀಟರ್‌ಗೆ ₹54; ಮೊಸರು ಕೆಜಿಗೆ ₹68; ಮೊಟ್ಟೆ ಒಂದಕ್ಕೆ ₹5.85–6; ಭಾರತ್ ಕಡಲೆ ಬೇಳೆ ಕೆಜಿಗೆ ₹60; ಸೋಯಾ ಚಂಕ್ಸ್ ಕೆಜಿಗೆ ₹137; ಪನ್ನೀರ್ ಕೆಜಿಗೆ ₹408; ರಾಗಿ ಕೆಜಿಗೆ ₹52; ಎಳ್ಳು ಕೆಜಿಗೆ ₹175. ಇಲ್ಲಿನ ಪ್ರೋಟೀನ್ ಮತ್ತು ಕ್ಯಾಲ್ಸಿಯಂ ಮಾಹಿತಿಗಳನ್ನು 'ಇಂಡಿಯನ್ ಫುಡ್ ಕಾಂಪೊಸಿಷನ್ ಟೇಬಲ್ಸ್ 2017' ಆಧರಿಸಿ ನೀಡಲಾಗಿದೆ. ರಾಗಿ, ಎಳ್ಳು ಮತ್ತು ಪನ್ನೀರ್‌ನಲ್ಲಿ ಕ್ಯಾಲ್ಸಿಯಂ ಪ್ರಮಾಣ ಹೆಚ್ಚಾಗಿರುತ್ತದೆ. ಊಟದ ಬಜೆಟ್ ಮೀರಿ ಹೋಗದೆ, ಪೌಷ್ಟಿಕಾಂಶ ಕೊರತೆಯಾಗದಂತೆ ಕಾಯ್ದುಕೊಳ್ಳಲು ಈ ಚಾರ್ಟ್ ಬಳಸಿ.

ಡಯಾಬಿಟಿಸ್ ಮತ್ತು ಲ್ಯಾಕ್ಟೋಸ್ ಅಸಹಿಷ್ಣುತೆ ಇದ್ದವರಿಗೆ ಆಹಾರ ಸಲಹೆಗಳು

ಮಧುಮೇಹ (ಡಯಾಬಿಟಿಸ್) ಇರುವವರು ಕಡಲೆ ಬೇಳೆ, ಸೋಯಾ ಚಂಕ್ಸ್, ಮೊಟ್ಟೆ ಅಥವಾ ಪನ್ನೀರ್ ಜೊತೆಗೆ ತರಕಾರಿ ಸಲಾಡ್‌ಗಳನ್ನು ತಮ್ಮ ಆಹಾರದಲ್ಲಿ ಹೆಚ್ಚಾಗಿ ಸೇರಿಸಿಕೊಳ್ಳಬಹುದು. ಲ್ಯಾಕ್ಟೋಸ್ ಅಸಹಿಷ್ಣುತೆ ಇರುವ ವಯಸ್ಕರಿಗೆ ಮೊಸರು ಮತ್ತು ಪನ್ನೀರ್ ಸಾಮಾನ್ಯವಾಗಿ ಜೀರ್ಣವಾಗುತ್ತದೆ; ಇಲ್ಲದಿದ್ದರೆ ಕ್ಯಾಲ್ಸಿಯಂ ಭರಿತ ಟೋಫು ಅಥವಾ ಫೋರ್ಟಿಫೈಡ್ ಸೋಯಾ ಹಾಲನ್ನು ಬಳಸಬಹುದು. ಮಕ್ಕಳು ಮತ್ತು ಹಿರಿಯರಿಗೆ ರಾಗಿ ಅಂಬಲಿಗೆ ಒಂದು ಚಮಚ ಎಳ್ಳು ಸೇರಿಸಿ ಕೊಡುವುದರಿಂದ ಕ್ಯಾಲ್ಸಿಯಂ ಹೆಚ್ಚುತ್ತದೆ. ದಿನನಿತ್ಯ ಸೇವಿಸಬಹುದಾದ ಸುರಕ್ಷಿತ ಪ್ರಮಾಣ: 30–45 ಗ್ರಾಂ ಹಸಿ ಬೇಳೆ, 50–75 ಗ್ರಾಂ ಪನ್ನೀರ್, 1–2 ಮೊಟ್ಟೆ, 150–200 ಗ್ರಾಂ ಮೊಸರು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.