Year Ender 2022: ಈ ವರ್ಷ ತುಂಬಾನೇ ಗಮನ ಸೆಳೆದ 6 ಬಗೆಯ ಡೇಟಿಂಗ್‌ ಐಡಿಯಾಗಳಿವು

ಸಾಫ್ಟ್‌ ಲಾಂಚಿಂಗ್

ಸಾಮಾನ್ಯವಾಗಿ ವೆಬ್‌ಸೈಟ್‌ ಲಾಂಚ್ ಮಾಡುವಾಗ ಇಂಥ ಪದ ಬಳಸುತ್ತೇವೆ, ಸಂಬಂಧದಲ್ಲಿ ಈ ಪದವನ್ನು ಹೊಸದಾಗಿ ಡೇಟಿಂಗ್‌ ಮಾಡುವಾಗ ಬಳಸಲಾಗುವುದು. ಒಂದು ಹೊಸ ಸಂಬಂಧದಲ್ಲಿದ್ದೀರಾ ಅಥವಾ ಎಂಗೇಜ್‌ ಆಗಿದೆ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಹೊರ ಜಗತ್ತಿಗೆ ತೋರಿಸಲು ಈ ಟ್ರೆಂಡ್‌ ತುಂಬಾನೇ ಜನಪ್ರಿಯವಾಗಿದೆ, ಇದರಲ್ಲಿ ಏನಪ್ಪಾ ಅಂದರೆ ಇಬ್ಬರು ಕೈ-ಕೈ ಹಿಡಿದ ಫೋಟೋ ಅಥವಾ ಉಂಗುರ ಬದಲಾಯಿಸುವ ಫೋಟೋ ಹಾಕುವುದು, ಆದರೆ ಎಲ್ಲಿಯೂ ತಾನು ಯಾರ ಜೊತೆ ಸಂಬಂಧದಲ್ಲಿದ್ದೇನೆ ಎಂಬುವುದರ ಬಗ್ಗೆ ಮಾಹಿತಿ ಇರಲ್ಲ, ಅವರ ಮುಖ ಕೂಡ ತೋರಿಸಲ್ಲ, ತಮ್ಮ ಫಾಲೋವರ್ಸ್, ಫ್ರೆಂಡ್ಸ್ ಕುತೂಹಲ ಕೆರಳಿಸುವಂತಿರಬೇಕು, ನಾನು ರಿಲೇಷನ್‌ಶಿಪ್‌ನಲ್ಲಿದ್ದೇನೆ ಎಂದು ಬಹಿರಂಗಪಡಿಸಬೇಕು ಎಂಬ ಉದ್ದೇಶದಿಂದ ಇಂಥ ಫೋಟೋ ಹಾಕಲಾಗುವುದು. ಈ ರೀತಿಯ ಡೇಟಿಂಗ್‌ ತುಂಬಾನೇ ಟ್ರೆಂಡ್ ಆಗಿದೆ

ಜೋಂಬೆ ಇಂಗ್

ಈ ಮೊದಲು ಗೋಸ್ಟಿಂಗ್ ಡೇಟಿಂಗ್‌ ಬಗ್ಗೆ ಕೇಳಿರುತ್ತೀರಾ, ಅದರ ಮತ್ತೊಂದು ರೂಪವೇ ಜೋಂಬೆ ಇಂಗ್. ಇದರಲ್ಲಿ ಡೇಟಿಂಗ್ ಮಾಡುವ ವ್ಯಕ್ತಿ ತನ್ನ ಬಗ್ಗೆ ಯಾವುದೇ ಮಾಹಿತಿ ನೀಡಲ್ಲ, ಒಂದು ಫೋಟೋ ಕೂಡ ಹಾಕಲ್ಲ, ಬೇರೆ ಯಾರದೋ ಕವರ್ ಫೋಟೋ ಹಾಕಿ, ಚಾಟ್‌ ಮಾಡುತ್ತಿರುತ್ತಾನೆ/ಳೆ. ಈ ಬಗೆಯ ಡೇಟಿಂಗ್‌ ಬಗ್ಗೆ ತುಂಬಾ ಎಚ್ಚರ! ಏಕೆಂದರೆ ಮೋಸ ಹೋಗುವ ಸಾಧ್ಯತೆ ತುಂಬಾನೇ ಹೆಚ್ಚು, ಇಂಥವರ ಜೊತೆ ಚಾಟ್‌ ಮಾಡದಿರುವುದೇ ಜಾಣತನ.

ವೋಕ್‌ಫಿಶಿಂಗ್‌

ಇದು ಕೂಡ ಅಪಾಯಕಾರಿಯಾದ ಡೇಟಿಂಗ್ ಐಡಿಯಾ. ಏಕೆಂದರೆ ಇದರಲ್ಲೂ ಅಷ್ಟೇ ವ್ಯಕ್ತಿ ತನ್ನ ಗುರುತು ಮರೆಮಾಚಿರುತ್ತಾನೆ/ಳೆ. ಅವರು ಏನು ತೋರ್ಪಡಿಸುತ್ತಾರೋ ಅವರು ಹಾಗೆ ಇರಲ್ಲ, ಪ್ರಸ್ತುತ ಸೋಷಿಯಲ್‌ ಸಮಸ್ಯೆ ಗೊತ್ತಿರುವಂತೆ ಮಾತನಾಡುತ್ತಾರೆ. ಸುಳ್ಳು ಹೇಳುವ ಮೂಲಕ ಇಂಪ್ರೆಸ್‌ ಮಾಡಲು ನೋಡುತ್ತಾರೆ, ಇಂಥವರನ್ನು ನಂಬಿದರೆ ಮೋಸ ಹೋಗುವುದರಲ್ಲಿ ನೋ ಡೌಟ್.

ಬ್ರೆಡ್‌ಕ್ರಬಿಂಗ್

ಈ ವ್ಯಕ್ತಿಗಳು ತುಂಬಾನೇ ಭಿನ್ನ, ಯಾವಾಗಲೊಮ್ಮೆ ತುಂಬಾ ಚಾಟ್‌ ಮಾಡ್ತಾರೆ, ನಂತರ ಅವರ ಸ್ವಲ್ಪ ದಿನ ಅವರ ಅಡ್ರೆಸ್‌ ಇರಲಿಲ್ಲ, ಯಾವ ಕಾಂಟ್ಯಾಕ್ಟ್ ಇಲ್ಲ, ಕಾಲ್ ಮಾಡಿದರೂ ಪಿಕ್ ಮಾಡಲ್ಲ. ಸ್ವಲ್ಪ ದಿನಗಳು ಕಳೆದ ಮೇಲೆ ಮತ್ತೆ ತುಂಬಾ ಚೆನ್ನಾಗಿ ಮಾತನಾಡುತ್ತಾರೆ, ಏನು ಹಾಗೇ ಇಲ್ಲ ಎಂಬಂತೆ ಫ್ಲರ್ಟ್ ಮಾಡ್ತಾರೆ, ಆದರೆ ಸೀರಿಯಸ್‌ ಸಂಬಂಧಕ್ಕೆ ರೆಡಿ ಇರಲ್ಲ. ನೀವು ಸೀರಿಯಸ್‌ ಸಂಬಂಧ ನೋಡುವುದಾದರೆ ಇಂಥ ವ್ಯಕ್ತಿಗಳಿಂದ ದೂರವಿರಿ, ಇಲ್ಲದಿದ್ದರೆ ನೀವು ಅವರನ್ನು ಆಸೆಪಟ್ಟು, ಅವರು ಸಿಗದೆ ನೋವು ಅನುಭವಿಸಬೇಕು.

Hey-ter ಎಂದು ಚಾಟ್‌ ಪ್ರಾರಂಭಿಸುವುದಾದರೆ

ಹೇ, ದೇರ್ ಎಂದೆಲ್ಲಾ ಚಾಟ್‌ ಪ್ರಾರಂಭಿಸಿದರೆ ಅಂಥವರ ಜೊತೆ ಮಾತು ಪ್ರಾರಂಭ ಮಾಡದೇ ಇದ್ದರೆ ಒಳ್ಳೆಯದು. ಈ ರೀತಿ ಮಾತು ಪ್ರಾರಂಭಿಸುವವರು ನಿಮ್ಮನ್ನು ಗೌರವಿಸುತ್ತಾರೆ ಎಂದು ಹೇಳಲು ಸಾಧ್ಯವಿಲ್ಲ.

ಕಾರ್ನೊನೆಸ್ಟಿ

ಕೊರೊನಾವೈರಸ್‌ ಬಂದ ಮೇಲೆ ಈ ಟ್ರೆಂಡ್‌ ಶುರುವಾಗಿದೆ. ಲಾಕ್‌ಡೌನ್‌ ಬಳಿಕ ತುಂಬಾ ಜನ ಕೂಡ ಬದಲಾಗಿದ್ದಾರೆ, ಇದರಲ್ಲಿ ವ್ಯಕ್ತಿಗಳು ತುಂಬಾ ಪ್ರಾಮಾಣಿಕರಾಗಿರುತ್ತಾರೆ. ತಾವ್ಯಾರು, ತಮ್ಮ ಕೆಲಸವೇನು, ತಮ್ಮ ಇಷ್ಟ-ಕಷ್ಟ ಎಲ್ಲವನ್ನು ಪ್ರಾಮಾಣಿಕವಾಗಿ ಒಪ್ಪಿಕೊಳ್ಳುತ್ತಾರೆ. ಇಂಥವರನ್ನು ನಂಬಬಹುದು.

ಇನ್ನು ಸಂಬಂಧದಲ್ಲಿ ನಂಬಿಕೆ, ಪ್ರಾಮಾಣಿಕತೆ, ನಿಯತ್ತು ತುಂಬಾನೇ ಮುಖ್ಯ. ಸುಳ್ಳು ಹೇಳಿ ಸಂಬಂಧ ಮಾಡಿ ನಂತರ ಯಾವತ್ತಾದರೂ ಆ ಸುಳ್ಳು ಗೊತ್ತಾದರೆ ನಿಮ್ಮಿಬ್ಬರ ಸಂಬಂಧದಲ್ಲಿ ಅಂತರ ಬರಬಹುದು. ಅದೇ ಮೊದಲೇ ಸತ್ಯವನ್ನು ಹೇಳಿದರೆ ಯಾವುದೇ ತೊಂದರೆ ಇರಲ್ಲ, ಅವರು ನಿಮ್ಮನ್ನು ನೀವಾಗಿ ಸ್ವೀಕರಿಸುವುದರಿಂದ ಬಾಂಧವ್ಯ ಮತ್ತಷ್ಟು ಗಟ್ಟಿಯಾಗುವುದು.