For Quick Alerts
ALLOW NOTIFICATIONS  
For Daily Alerts

ಹಿರಿಯರಲ್ಲಿ ಖಿನ್ನತೆ ದೂರಮಾಡಲು ಟಿಪ್ಸ್

|

ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ವಿಶ್ವದಾದ್ಯಂತ ಎಲ್ಲಾ ವಯೋಮಾನದ ಸುಮಾರು 350 ಮಿಲಿಯನ್ ಮಂದಿಯನ್ನು ಖಿನ್ನತೆ ಸಮಸ್ಯೆ ಕಾಡುತ್ತಿದೆ. ಖಿನ್ನತೆಯಿಂದ ಹೊರಬರುವುದು ಬಹಳ ಕಷ್ಟ. ಅದರಲ್ಲೂ ಮುಖ್ಯವಾಗಿ ನಿಮ್ಮ ಕುಟುಂಬದಲ್ಲಿ ಹಿರಿಯರು ಯಾರಾದರೂ ಈ ಸಮಸ್ಯೆಯಿಂದ ಬಳಲುತ್ತಿದ್ದರೆ ಖಂಡಿತ ಅವರನ್ನು ಖಿನ್ನತೆಯಿಂದ ವಿಮುಖರನ್ನಾಗಿಸುವುದು ಅಷ್ಟು ಸುಲಭದ ಕೆಲಸವಲ್ಲ.

ನಾವಿಲ್ಲಿ ಹಿರಿಯರು ಖಿನ್ನತೆಯಿಂದ ಬಳಲುತ್ತಿದ್ದರೆ ಹೇಗೆ ಅದರಿಂದ ಹೊರಬರಬಹುದು ಎಂಬ ಬಗ್ಗೆ ಕೆಲವು ಪ್ರಯೋಜನಕಾರಿ ಸಲಹೆಗಳನ್ನು ನೀಡುತ್ತಿದ್ದೇವೆ. ಪ್ರಮುಖವಾಗಿ ಈ ಸಲಹೆಗಳು ನಿಮಗೆ ಬಹಳ ಉಪಕಾರಿಯಾಗಿರುತ್ತದೆ.

ನಿದ್ದೆಯ ಸಮಸ್ಯೆಗೆ ಚಿಕಿತ್ಸೆ

ನಿದ್ದೆಯ ಸಮಸ್ಯೆಗೆ ಚಿಕಿತ್ಸೆ

ಹೆಚ್ಚಿನ ಹಿರಿಯರು ಅದರಲ್ಲೂ ಮುಖ್ಯವಾಗಿ ಏಕಾಂಗಿಯಾಗಿ ವಾಸಿಸುತ್ತಿರುವವರು ನಿದ್ದೆಯ ಸಮಸ್ಯೆಯನ್ನು ಎದುರಿಸುತ್ತಿರುತ್ತಾರೆ ಮತ್ತು ಇದು ಖಿನ್ನತೆಯನ್ನುಂಟು ಮಾಡುತ್ತದೆ. ಹಿರಿಯರು ಖಿನ್ನತೆಯಿಂದ ಬಳಲುವುದನ್ನು ತಪ್ಪಿಸುವುದಕ್ಕಾಗಿ ಮುಖ್ಯವಾಗಿ ಅವರಿಗೆ ನಿಯಮಿತವಾಗಿ ನಿದ್ರಿಸುವಂತೆ ಮಾಡಬೇಕು. ಹಗಲಿನಲ್ಲಿ ನಿದ್ರಿಸಿ, ರಾತ್ರಿಯ ವೇಳೆ ಎಚ್ಚರವಿರುವುದನ್ನು ತಪ್ಪಿಸಬೇಕು.

ಒಂದು ವೇಳೆ ವ್ಯಕ್ತಿಯು ಸನ್ಡೌನಿಂಗ್ (ಹಗಲುನಿದ್ದೆ) ಅಥವಾ ನಿದ್ದೆಯ ಇತರೆ ಯಾವುದೇ ರೀತಿಯ ಸಮಸ್ಯೆಯನ್ನು ಎದುರಿಸುತ್ತಿದ್ದಲ್ಲಿ ಅವರು ಬೇರೆಬೇರೆ ಚಟುವಟಿಕೆಗಳಲ್ಲಿ ತಲ್ಲೀನರಾಗುವಂತೆ ಮಾಡಬೇಕು ಮತ್ತು ಅಗತ್ಯ ಚಿಕಿತ್ಸೆಯ ಮೂಲಕ ನಿದ್ದೆಯ ಸಮಸ್ಯೆಯನ್ನು ದೂರ ಮಾಡಿದರೆ ಖಿನ್ನತೆಯಿಂದಲೂ ಕೂಡ ದೂರವಾಗಲು ಸಾಧ್ಯ.

ಉತ್ತೇಜಿಸಿ

ಉತ್ತೇಜಿಸಿ

ಜೀವನದ ಉದ್ದೇಶವನ್ನು ಕಳೆದುಕೊಂಡಿರುವ ವ್ಯಕ್ತಿಗಳಲ್ಲಿ ಸಾಮಾನ್ಯವಾಗಿ ಖಿನ್ನತೆ ಸಮಸ್ಯೆ ಇರುತ್ತದೆ. ಏಕಾಂಗಿತನ ಮತ್ತು ಸಂಸಾರದಲ್ಲಿ ಖುಷಿಯಾಗಿ ಇರುವುದಕ್ಕಾಗಿ ತೋಟಗಾರಿಕೆ ಅಥವಾ ಕರಕುಶಲ ವಸ್ತುಗಳ ತಯಾರಿಕೆಯಂತಹ ಕೆಲಸದಲ್ಲಿ ಭಾಗಿಯಾಗಲು ಹೇಳಿ.

ಯೋಗ, ಕಾರ್ಡ್ ಆಡುವುದು ಅಥವಾ ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳುವ ಮೂಲಕ ಬ್ಯುಸಿಯಾಗಿದ್ದರೆ ಜೀವನಕ್ಕೊಂದು ಅವರಿಗೆ ಅರ್ಥ ಸಿಕ್ಕಂತಾಗುತ್ತದೆ ಮತ್ತು ಆ ಮೂಲಕ ನಾನು ಜೀವನದಲ್ಲಿ ಬದುಕಿರುವುದು ಯಾವುದೋ ಉದ್ದೇಶಕ್ಕೆ ಎಂಬ ಭಾವನೆ ಮೂಡುತ್ತದೆ. ಆ ಮೂಲಕ ಖಿನ್ನತೆಯಿಂದ ಹೊರಬರುವುದಕ್ಕೆ ಸಾಧ್ಯವಾಗುತ್ತದೆ.

ಸಾಮಾಜಿಕ ಸಂವಹನ ಪ್ರೋತ್ಸಾಹಿಸಿ

ಸಾಮಾಜಿಕ ಸಂವಹನ ಪ್ರೋತ್ಸಾಹಿಸಿ

ತಮ್ಮಷ್ಟಕ್ಕೇ ತಾವೇ ಖಿನ್ನತೆಗೆ ಒಳಗಾಗಲು ನಿಮ್ಮವರನ್ನು ಬಿಡಬೇಡಿ. ಸ್ನೇಹಿತರು, ಕುಟುಂಬ ಸದಸ್ಯರನ್ನು ಭೇಟಿ ಯಾಗಲು ಅವರನ್ನು ಪ್ರೋತ್ಸಾಹಿಸಿ. ಗುಂಪಿನೊಂದಿಗೆ ಔಟಿಂಗ್ ಹೋಗುವುದು ಮತ್ತು ಸಾಮಾಜಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಪ್ರೋತ್ಸಾಹಿಸಿ.

ಸಕ್ರಿಯವಾಗಿ ಸಾಮಾಜಿಕ ಜೀವನದಲ್ಲಿ ತೊಡಗಿಕೊಳ್ಳುವುದರಿಂದಾಗಿ ದೈಹಿಕ, ಮಾನಸಿಕ ಮತ್ತು ಭಾವನಾತ್ಮಕ ಆರೋಗ್ಯವನ್ನು ಕಾಪಾಡಿಕೊಳ್ಳುವುದಕ್ಕೆ ಸಾಧ್ಯವಿದೆ ಎಂಬುದನ್ನು ಅಧ್ಯಯನವೇ ಬಹಿರಂಗ ಪಡಿಸಿದೆ. ಇದು ಮುಖ್ಯವಾಗಿ ಹಿರಿಯರಲ್ಲಿ ಒಂಟಿತನ ಮತ್ತು ಖಿನ್ನತೆಯನ್ನು ದೂರ ಮಾಡುವುದಕ್ಕೆ ಸಹಕಾರಿಯಾಗಿದೆ.

ದೈಹಿಕವಾಗಿ ಸಕ್ರಿಯರಾಗಿರಿ

ದೈಹಿಕವಾಗಿ ಸಕ್ರಿಯರಾಗಿರಿ

ವಯಸ್ಸಾದವರಿಗೆ ದೈಹಿಕವಾಗಿ ಚಟುವಟಿಕೆಯಿಂದ ಇರುವುದು ಅವರ ಜೀವರಕ್ಷಕವಾಗುತ್ತದೆ ಎಂಬುದನ್ನು ಸಂಶೋಧನೆಯೇ ಹೇಳಿದೆ. ನಿಧಾನಗತಿಯ ವ್ಯಾಯಾಮಗಳು ಉದಾಹರಣೆಗೆ ನಡೆದಾಡುವುದು, ಮೆಟ್ಟಿಲು ಹತ್ತುವುದು ಮತ್ತು ವಯಸ್ಸಿಗೆ ತಕ್ಕ ಕೆಲವು ವ್ಯಾಯಾಮಗಳು ಹಿರಿಯರಿಗೆ ದೈಹಿಕ, ಮಾನಸಿಕ ಮತ್ತು ಭಾವನಾತ್ಮಕ ಆರೋಗ್ಯ ರಕ್ಷಣೆಗೆ ನೆರವಾಗುತ್ತದೆ.

ಗುಂಪಿನೊಂದಿಗೆ ಕ್ಲಾಸ್ ನಲ್ಲಿ ವಾಯ್ಯಾಯ ಮಾಡುವುದಕ್ಕೂ ಕೂಡ ಹಿರಿಯರನ್ನು ನೀವು ಪ್ರೋತ್ಸಾಹಿಸಬಹುದು. ಉದಾಹರಣೆಗೆ ಯೋಗ, ಥೈ-ಸಿ ಇತ್ಯಾದಿಗಳಿಂದಾಗಿ ಸಮಾನ ಮನಸ್ಸಿನ ಗೆಳೆಯರನ್ನು ಕೂಡ ಹೊಂದಬಹುದು.

ಆರೋಗ್ಯಯುತವಾದ ಆಹಾರ ಸೇವನೆ

ಆರೋಗ್ಯಯುತವಾದ ಆಹಾರ ಸೇವನೆ

ವಯಸ್ಸಾದ ವ್ಯಕ್ತಿಯು ಖಿನ್ನತೆಯಿಂದ ಬಳಲುತ್ತಿರುವುದು ನಿಮಗೆ ತಿಳಿದಿದ್ದರೆ ಅವರಿಗೆ ಎಂತಹ ಆಹಾರ ಸೇವನೆ ಮಾಡಬೇಕು ಎಂಬುದನ್ನು ನೀವು ಅರಿತಿರುವುದು ಒಳ್ಳೆಯದು. ಉತ್ತಮ ಆಹಾರ ಸೇವನೆಯಿಂದ ಕೂಡ ಖಿನ್ನತೆಯಿಂದ ಹೊರಬರಲು ಸಾಧ್ಯ.

ಫೈಬರ್ ಅಧಿಕವಾಗಿರುವ ಆಹಾರಗಳು ಉದಾಹರಣೆಗೆ ಹಣ್ಣುಗಳು ಮತ್ತು ತರಕಾರಿಗಳು ಹಿರಿಯರಿಗೆ ಬಹಳ ಮುಖ್ಯ. ಕಾಳುಗಳು ಕೂಡ ಉತ್ತಮ ಪ್ರೋಟೀನ್ ನ್ನು ಒದಗಿಸುತ್ತದೆ. ಲಘುವಾಗಿ ಬೇಯಿಸಿದ ತರಕಾರಿಗಳು. ಕಡಿಮೆ ಸಕ್ಕರೆ ಅಂಶ,ಪಿಷ್ಟ ಮತ್ತು ಅನಾರೋಗ್ಯಕಾರಿ ಕೊಬ್ಬಿನಾಂಶವು ಆಹಾರದಲ್ಲಿ ಇಲ್ಲದೇ ಇದ್ದರೆ ಬಹಳ ಒಳ್ಳೆಯದು.

English summary

How To Deal With Depression Among Seniors

Here we are discussing about How To Deal With Depression Among Seniors. While coping with depression is tough, it’s even more difficult to watch an aging family member struggle with it. Read more.
Story first published: Monday, May 4, 2020, 16:00 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more
X