ಮದುವೆಯಾಗದೆ ಇರುವ ಮಹಿಳೆಯರು ಹೆಚ್ಚು ಸಂತೋಷವಾಗಿರುತ್ತಾರಂತೆ!

ನವಯುಗದ ನಾರಿಯರು ಇಂದಿನ ದಿನಗಳಲ್ಲಿ ಹೆಚ್ಚಾಗಿ ತಮ್ಮ ವೃತ್ತಿಯ ಕಡೆ ಗಮನಹರಿಸಲು ಬಯಸುವರು. ಹೀಗಾಗಿ ಅವರು ತಮ್ಮ ಮದುವೆಯನ್ನು ವಿಳಂಬಗೊಳಿಸುವರು. ಇನ್ನು ಕೆಲವರು ಮದುವೆಯಾಗದೆ ಹಾಗೆ ಇರುವರು. ಇಲ್ಲಿ ಮುಖ್ಯವಾಗಿರುವಂತಹ ಅಂಶವೆಂದರೆ ಮದುವೆ ಹಾಗೂ ಮದುವೆ ಬಳಿಕ ಮಕ್ಕಳನ್ನು ಪಡೆಯದೆ ಇರುವಂತಹ ಮಹಿಳೆಯರು ತುಂಬಾ ಸಂತೋಷವಾಗಿರುತ್ತಾರೆ ಎಂದು ವರದಿಗಳು ಹೇಳಿವೆ. ಮದುವೆಯಾಗಿರುವಂತಹ ಮಹಿಳೆಯರಿಗಿಂತ ಹೆಚ್ಚು ಒಂಟಿ ಮಹಿಳೆಯರು ಸಂತೋಷವಾಗಿರುವರು ಎಂದು ಅಧ್ಯಯನ ವರದಿಯೊಂದು ಹೇಳಿದೆ.

ಅಧ್ಯಯನ
ಅಮೆರಿಕನ್ ಟೈಮ್ ಯೂಸ್ ಸರ್ವೇ(ಎಟಿಯುಎಸ್) ನಡೆಸಿರುವಂತಹ ಸಮೀಕ್ಷೆಯಲ್ಲಿ ಸಂತೋಷ ಮತ್ತು ದುಃಖದ ಮಟ್ಟವನ್ನು ಮದುವೆಯಾದ, ಮದುವೆಯಾಗದ, ವಿಚ್ಛೇದಿತ, ಮತ್ತು ವಿಚ್ಛೇದಿತ ಒಂಟಿ ಮಹಿಳೆಯರಲ್ಲಿ ಪರೀಕ್ಷೆ ಮಾಡಿ ನೋಡಲಾಯಿತು.

ಕಂಡುಕೊಂಡ ವಿಚಾರ
ಆಸಕ್ತಿದಾಯಕ ವಿಚಾರವೆಂದರೆ ಮದುವೆಯಾಗಿರುವಂತಹ ಮಹಿಳೆಯರಲ್ಲಿ ಅವರ ಸಂಗಾತಿ ಎದುರು ಇಂತಹ ಪ್ರಶ್ನೆಗಳನ್ನು ಕೇಳಿದರೆ ಮಾತ್ರ ಅವರು ತುಂಬಾ ಸಂತೋಷವಾಗಿ ಇರುತ್ತಾರೆ ಎಂದು ಹೇಳುವರು. ಮದುವೆಯಾಗಿರುವ ಜನರಿಗಿಂತ ಮದುವೆಯಾಗದೆ ಇರುವಂತಹ ಜನರಲ್ಲಿ ಸಂಕಷ್ಟಗಳು ತುಂಬಾ ಕಡಿಮೆ ಎನ್ನಬಹುದು.

ತಜ್ಞರು ಏನು ಹೇಳುತ್ತಾರೆ...
ಲಂಡನ್ ನ ಸ್ಕೂಲ್ ಆಫ್ ಎಕಾನಮಿಕ್ಸ್ ನಲ್ಲಿ ಪ್ರಾಧ್ಯಾಪಕರಾಗಿರುವ ಪೌಲ್ ಡಾಲನ್ ಹೇಳುವ ಪ್ರಕಾರ, ಪುರುಷರಿಗೆ ಮದುವೆ ಬಳಿಕ ಲಾಭವಾಗುತ್ತದೆ ಮತ್ತು ಮಹಿಳೆಯರು ಮದುವೆಗಿಂತ ಮೊದಲು ತುಂಬಾ ಸಂತೋಷವಾಗಿ ಇರುವರು.

ಪುರುಷರಿಗೆ ಮದುವೆಯಿಂದ ಲಾಭ
ಪುರುಷರು ಮದುವೆಯ ಬಳಿಕ ತುಂಬಾ ಶಾಂತರಾಗುವರು, ಕಡಿಮೆ ಅಪಾಯ ಎದುರಿಸುವರು, ಹೆಚ್ಚು ಆದಾಯ ಪಡೆಯುವರು ಮತ್ತು ದೀರ್ಘಕಾಲ ಬದುಕುವರು ಎಂದು ಡಾಲನ್ ಅವರು ತಮ್ಮ ಅಧ್ಯಯನ ವರದಿಯಲ್ಲಿ ಹೇಳಿರುವರು.

ಮಹಿಳೆಯರು ಬಗ್ಗೆ ಏನು?
ಮಹಿಳೆಯರ ಬಗ್ಗೆ ಹೇಳುವುದಾದರೆ ಮದುವೆಯಿಂದ ಅವರ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು ಮತ್ತು ಮದುವೆಯಾಗದೆ ಇದ್ದರೆ ಅಥವಾ ಮಕ್ಕಳನ್ನು ಪಡೆಯದೆ ಇದ್ದರೆ ಆಗ ಅವರು ತುಂಬಾ ಸಂತೋಷ ಹಾಗೂ ಆರೋಗ್ಯವಾಗಿ ಇರುವರು.

ಅಧ್ಯಯನಗಳು ಏನು ಸಲಹೆ ನೀಡುತ್ತದೆ..
ಮಾರುಕಟ್ಟೆ ಗುಪ್ತಚರ ಕಂಪೆನಿಯೊಂದು ನಡೆಸಿರುವಂತಹ ಅಧ್ಯಯನದ ಪ್ರಕಾರ ಮದುವೆಯಾಗದೆ ಇರುವಂತಹ ಮಹಿಳೆಯರು ತುಂಬಾ ಸಂತೋಷವಾಗಿ ಇರುವರು. ಇದನ್ನು ಶೇ.61ರಷ್ಟು ಮಹಿಳೆಯರು ಒಪ್ಪಿಕೊಂಡಿದ್ದಾರೆ. ಶೇ.75ರಷ್ಟು ಮಂದಿ ಜನರು ತಮ್ಮ ಸಂಗಾತಿ ಬಗ್ಗೆ ಯೋಚನೆ ಕೂಡ ಮಾಡಿಲ್ಲ.

ಇದು ಏನನ್ನು ಸೂಚಿಸುತ್ತದೆ...
ಸಮಯವು ಬದಲಾಗುತ್ತಿದೆ ಮತ್ತು ಮದುವೆ ಹಾಗೂ ಮಕ್ಕಳನ್ನು ಪಡೆಯುವುದು ಮಾತ್ರ ಇಂದಿನ ಮಹಿಳೆಯರ ಪ್ರಾಮುಖ್ಯತೆಯಲ್ಲ ಎನ್ನುವುದನ್ನು ಈ ಅಧ್ಯಯನದಿಂದ ಕಂಡುಕೊಳ್ಳಲಾಗಿದೆ. ಮಹಿಳೆಯು ತಾನು ಯಾರೊಂದಿಗೆ, ಯಾವಾಗ ಮತ್ತು ಯಾವ ವಯಸ್ಸಿನಲ್ಲಿ ಮದುವೆಯಾಗಬೇಕು ಎಂದು ನಿರ್ಧರಿಸುವಲು ಮತ್ತು ಮದುವೆಯಾಗದೆ ಇರಲು ನಿರ್ಧರಿಸಬಹುದು. ಇದು ಅವರವರ ನಿರ್ಧಾರವಾಗಿರುವುದು.