ಈ ಕಾರ್ಯಗಳನ್ನು ಮಾಡುತ್ತಿದ್ದರೆ, ಆತನಿಗೆ ನಿಮ್ಮೇಲಿರುವುದು ಸ್ನೇಹಕ್ಕಿಂತ ಹೆಚ್ಚು ಪ್ರೀತಿ ಎಂಬುದನ್ನು ಅರಿತುಕೊಳ್ಳಿ..

ಆಗಾಗ ಕರೆ ಮಾಡುತ್ತಾನೆ:

ಮೆಸೇಜ್ ಕಳುಹಿಸಿ, ಸುಖ-ಕಷ್ಟ ವಿಚಾರಿಸುವ ಈ ಕಾಲದಲ್ಲಿ, ಫೋನ್ ಮಾಡಿ, ಮಾತನಾಡುವುದು ಬಹಳ ಕಡಿಮೆ, ಅದೂ ಆ ವಯಸ್ಸಿನಲ್ಲಿ. ಆದರೆ ನಿಮ್ಮ ಸ್ನೇಹಿತ ಹತ್ತಿರದಲ್ಲೇ ಇದ್ದರೂ, ಆಗಾಗ ಕರೆ ಮಾಡಿ, ನಿಮ್ಮ ದೈನಂದಿನ ಯೋಜನೆ, ದಿನ ಹೇಗಿತ್ತು? ಎಂಬಿತ್ಯಾದಿಗಳ ಬಗ್ಗೆ ವಿಚಾರಿಸುತ್ತಿದ್ದಾನೆ ಅಂದರೆ ಆತನಿಗೆ ನಿಮ್ಮ ಮೇಲೆ ಪ್ರೀತಿಯಾಗಿದೆ ಎಂದರ್ಥ. ಯಾವುದೇ ಕಾರಣವಿಲ್ಲದೇ, ಕೇವಲ ನಿಮ್ಮ ಬಳ ಮಾತನಾಡುವ ಉದ್ದೇಶದಿಂದಲೇ, ಆಗಾಗ ಕರೆ ಮಾಡುತ್ತಿದ್ದಾನೆ ಎಂದರೆ ಅವರಿಗೆ ನೀವು ಸ್ನೇಹಿತೆಗಿಂತ ಹೆಚ್ಚು.

ನೀವೇಗೇ ಎಂದು ತಿಳಿಯಲು ಬಯಸುತ್ತಾನೆ:

ಆತ ನಿಮ್ಮ ಅಂತರಂಗದ ಭಯ, ಸಂತೋಷ ಕೊಡುವ ಅಂಶಗಳು ಜೊತೆಗೆ ನಿಮ್ಮಲ್ಲಿ ಅಡಗಿರುವ ಕರಾಳ ರಹಸ್ಯಗಳ ಬಗ್ಗೆ ಕೇಳುತ್ತಾನೆ. ಇದು ಆತ ನಿನ್ನನ್ನು ಇಷ್ಟಪಡುತ್ತಾನೆ ಎಂಬುದರ ಸಂಕೇತವಾಗಿದೆ. ಅವನೆಂದಿಗೂ ನಿಮ್ಮನ್ನು ನೀರಸ ಸಂಭಾಷಣೆಯಲ್ಲಿ ತೊಡಗಿಸಿಕೊಳ್ಳುವುದಿಲ್ಲ, ನಿಮಗೆ ಆಸಕ್ತಿ ಇರುವ ವಿಚಾರಗಳು, ನಿಮ್ಮ ಆಲೋಚನೆಗಳ ಕುರಿತೇ ಹೆಚ್ಚೆಚ್ಚು ಮಾತನಾಡುತ್ತಾನೆ.

ನಿಮ್ಮೆಲ್ಲಾ ಆಸಕ್ತಿಗಳನ್ನು ನೆನಪಿಡುತ್ತಾನೆ:

ನಿಮಗೆ ಏನು ಇಷ್ಟ, ನಿಮ್ಮ ಆಸಕ್ತಿಗಳೇನು ಎಂಬುದನ್ನು ಎಂದಾದರೂ ಅವನಿಗೆ ಹೇಳಿದ್ದರೆ, ಅದನ್ನು ನೆನಪಿಟ್ಟುಕೊಂಡು, ಈಡೇರಿಸುವ ಪ್ರಯತ್ನ ಮಾಡುತ್ತಾನೆ ಅಥವಾ ಮಾತಿನ ನಡುವೆ ಎಂದಾದರೂ ಆ ವಿಚಾರಗಳು ಬಂದಾಗ, ಆ ಆಸಕ್ತಿಗಳನ್ನೇ ಎತ್ತಿಹಿಡಿಯುತ್ತಾನೆ. ಜೊತೆಗೆ ಆ ಆಸಕ್ತಿಗಳನ್ನು ಆತನು ಅಳವಡಿಸಿಕೊಳ್ಳಲು ಪ್ರಯತ್ನ ಮಾಡುತ್ತಾನೆ. ಇದನ್ನು ಮಾಡುವುದರಿಂದ, ಅವನು ನಿಮ್ಮ ಜೊತೆ ಹೆಚ್ಚು ಸಮಯವನ್ನು ಕಳೆಯಲು ಮತ್ತು ನಿಮ್ಮ ಎಲ್ಲಾ ಅಭಿರುಚಿಗಳಿಗೆ ಹತ್ತಿರವಾಗಲು ಸಾಧ್ಯವಾಗುತ್ತದೆ.

ನಿಮಗೆ ಸುರಕ್ಷಿತ ಭಾವನೆ ನೀಡುತ್ತಾನೆ:

ಹೆಣ್ಣುಮಕ್ಕಳಿಗೆ ಮನದಲ್ಲಿ ಸುರಕ್ಷಿತ ಭಾವನೆ ಹುಟ್ಟುವುದು ತುಂಬಾ ಮುಖ್ಯ. ಅದೇ ರೀತಿ, ಪುರುಷರು, ಇತರರ ನೋವಿಗೆ ಹೆಗಲಾಗಿ, ಸುರಕ್ಷಿತವಾಗಿಡುವುದು ತುಂಬಾ ವಿರಳ, ಅದು ಕೇವಲ ಅವರು ತುಂಬಾ ಇಷ್ಟಪಡುವ ವ್ಯಕ್ತಿಗೆ ನೀಡಬಯಸುತ್ತಾರೆ. ಆ ಸಾಲಿನಲ್ಲಿ ನೀವು ಇದ್ದೀರಿ ಎಂದರೆ ನಿಮ್ಮ ಅದೃಷ್ಠ. ಆತ ನಿಮ್ಮ ಬಗ್ಗೆ ಕಾಳಜಿ ವಹಿಸುತ್ತಾನೆ, ನಿಮ್ಮ ನೆಮ್ಮದಿ-ಖುಷಿಯ ಬಗ್ಗೆ ಆಲೋಚನೆ ಮಾಡುತ್ತಾನೆ. ಈ ವಿಚಾರಗಳನ್ನು ಮನಸ್ಸಿನಲ್ಲಿ ಇಟ್ಟುಕೊಂಡು ಕೆಲಸ ಮಾಡುತ್ತಾನೆ. ಉದಾ: ಚಲನಚಿತ್ರದಲ್ಲಿ ಯಾವುದೇ ಭಯಾನಕ ದೃಶ್ಯವು ಬಂದಾಗ ನಿಮ್ಮನ್ನು ಮನೆಗೆ ಕರೆದೊಯ್ಯುವ ಮೂಲಕ ಅಥವಾ ಅಪ್ಪಿಕೊಳ್ಳುವ ಮೂಲಕ ನಿಮಗೆ ಭರವಸೆ ನೀಡುತ್ತಾನೆ.

ನಿಮಗೆ ಅಡ್ಡಹೆಸರುಗಳನ್ನು ನೀಡುತ್ತಾನೆ:

ಇದು ತುಂಬಾ ಸಾಮಾನ್ಯವೆಂದು ತೋರಿದರೂ, ನಿಮಗಾಗಿ ಆತ ಅಡ್ಡಹೆಸರು ಇಟ್ಟಿದ್ದರೆ, ನೀವು ಅವನಿಗೆ ಒಬ್ಬ ವಿಶೇಷ ವ್ಯಕ್ತಿ.ನಿಮ್ಮನ್ನು ಸಿಹಿ ಅಥವಾ ತಮಾಷೆಯ ಅಡ್ಡಹೆಸರುಗಳಿಂದ ಕರೆಯುವುದು, ನಿಮ್ಮ ಮೇಲಿನ ಪ್ರೀತಿ ಮತ್ತು ಕಾಳಜಿಯ ಭಾವನೆಗಳನ್ನು ಪ್ರತಿಬಿಂಬಿಸುತ್ತದೆ. ಇದು ಅವನ ಪ್ರೀತಿಯನ್ನು ತೋರಿಸುವ ಮಾರ್ಗವಾಗಿದೆ.