11 ವರ್ಷ ರಹಸ್ಯ ಸಂಸಾರ: ಕೇರಳ ಜೋಡಿಯ ಇಂಟೆರೆಸ್ಟಿಂಗ್ ಪ್ರೇಮ್‌ ಕಹಾನಿ

ಅಂತರ್‌ ಧರ್ಮದಲ್ಲಿ ಮೂಡಿದ ಪ್ರೇಮ ಸಂಬಂಧ

2010ರಲ್ಲಿ ಸಜಿತಾ ತನ್ನ ಮನೆ ಬಿಟ್ಟು ರೆಹಮಾನ್ ಜೊತೆಗೆ ಬರುತ್ತಾಳೆ. ಆಕೆಯ ಮನೆಯಲ್ಲಿ ಆಕೆಗೋಸ್ಕರ ಸಾಕಷ್ಟು ಹುಡುಕಾಡುತ್ತಾರೆ, ಆದರೆ ಎಲ್ಲಿಯೂ ಕಾಣ ಸಿಗದಿದ್ದಾಗ ಯಾರ ಜೊತೆಯೋ ಓಡಿ ಹೋಗಿದ್ದಾಳೆ ಎಂದು ಭಾವಿಸುತ್ತಾರೆ.

ಇತ್ತ ರೆಹಮಾನ್‌ ಆಕೆಯನ್ನು ತನ್ನ ಮನೆಗೆ ರಹಸ್ಯವಾಗಿ ಕರೆದುಕೊಂಡು ತನ್ನ ಕೋಣೆಯಲ್ಲಿರಿಸುತ್ತಾನೆ. ಅಲ್ಲಿಂದ 11 ವರ್ಷ ಅವಳು ಅದೇ ಕೋಣೆಯಲ್ಲಿ ಅವನ ಜೊತೆ ಕಳೆದಿದ್ದಾಳೆ. ಆದರೆ ಮನೆಯವರಿಗೆ ವಿಷಯನೇ ಗೊತ್ತಾಗಿಲ್ಲ. ರಾತ್ರಿ ಎಲ್ಲರು ಮಲಗಿದ ಮೇಲೆ ಅಥವಾ ಮನೆಯವರೆಲ್ಲಾ ಕೆಲಸಕ್ಕೆ ಹೋದ ಮೇಲೆ ಹೊರ ಬಂದು ಸ್ನಾನ ಇತ್ಯಾದಿಗಳನ್ನು ಮುಗಿಸಿ ಕೋಣೆಗೆ ಹಿಂತಿರುಗುತ್ತಿದ್ದಳು. ಆಕೆಯ ಬಟ್ಟೆಗಳನ್ನು ಕೋಣೆಯೊಳಗೇ ಒಣಗಿಸುತ್ತಿದ್ದಳು. ಆಕೆಗೆ ಕೋಣೆಯೊಳಗೆ ಒಂದು ಟಿವಿ ಕೂಡ ಇರಿಸಿದ್ದ.

11 ವರ್ಷ ರಹಸ್ಯ ಸಂಸಾರ

ಆದರೆ 11 ವರ್ಷ ಆ ಮನೆಯಲ್ಲಿ ಯಾರಿಗೂ ಒಂದಿಷ್ಟೂ ಸುಳಿವು ನೀಡದಂತೆ ಈ ಜೋಡಿ ಬದುಕಿತ್ತು. ರೆಹಮಾನ್ ಮೊದಲೇ ಸಿಡುಕಿನ ಸ್ವಭಾವ, ಅಲ್ಲದೆ ತನ್ನ ಕೋಣೆಗೆ ಯಾರನ್ನೂ ಬರಲು ಬಿಡುತ್ತಿರಲಿಲ್ಲ, ಇದರಿಂದ ಅಪ್ಪ-ಅಮ್ಮ, ಅಣ್ಣ ಆ ಕೋಣೆ ಕಡೆಗೆ ಹೋಗುತ್ತಿರಲಿಲ್ಲ. ಊಟವನ್ನು ತನ್ನ ಕೋಣೆಗೇ ಕೊಂಡೊಯ್ಯುದ್ದು ತಿನ್ನುತ್ತಿದ್ದ.

ಸಜಿತಾ ಬಳಿಯೂ ಯಾವ ಕಾರಣಕ್ಕೂ ಹೊರಗಡೆ ಬರಬಾರದೆಂದು ತಾಕೀತು ಮಾಡಿದ್ದ, ಇದರಿಂದಾಗಿ ಆಕೆಯೂ ಕಾಣಿಸಿಕೊಂಡಿರಲಿಲ್ಲ, ತನ್ನ ಮನೆ ರೆಹಮಾನ್‌ ಮನೆಯ ಸಮೀಪವೇ ಇರುವುದರಿಂದ ಒಂದೆರಡು ಬಾರಿ ತಾಯಿಯನ್ನು ಕಿಟಕಿಯಿಂದ ನೋಡಿದ್ದಾಳೆ ಆದರೆ ಮಾತನಾಡಿಸಲು ಧೈರ್ಯ ಮಾಡಿರಲಿಲ್ಲ.

ಈ ಪ್ರೇಮ ಸಂಬಂಧದ ರಹಸ್ಯ ಹೊರ ಬಂದಿದ್ದೇ ಇನ್ನೂ ಸ್ವಾರಸ್ಯಕರ

ರೆಹಮಾನ್‌ಗೆ ಮನೆಯಲ್ಲಿ ಹುಡುಗಿ ಹುಡುಕುತ್ತಿದ್ದರು. ಆಗ ಆತ ಮದುವೆಗೆ ಒಪ್ಪದೆ ಸಜಿತಾಳೊಂದಿಗೆ ಮನೆ ಬಿಟ್ಟು ಹೋಗಿದ್ದ. ಆಗ ಆತನನ್ನು ಹುಡುಕಿ ಕೊಡುವಂತೆ ಮನೆಯವರು ಪೊಲೀಸರಿಗೆ ದೂರು ನೀಡಿದ್ದರು. ಆಗ ತನ ಪಕ್ಕದ ಊರಿನಲ್ಲಿ ಯುವತಿಯೊಂದಿಗೆ ಬಾಡಿಗೆ ಮನೆಯಲ್ಲಿ ವಾಸವಿರುವುದು ತಿಳಿಯಿತು..

ಕೋರ್ಟ್‌ ಎದುರಿಗೆ ಹಾಜರು ಪಡಿಸಿದಾಗ ಬಯಲಾಯಿತು ಸತ್ಯಾಂಶ

ಕೋರ್ಟ್‌ ಎದುರು ಈ ಜೋಡಿಯನ್ನು ಹಾಜರು ಪಡಿಸಿದಾಗ 11 ವರ್ಷದಿಂದ ನಾವಿಬ್ಬರು ರಹಸ್ಯವಾಗಿ ಆತನ ಮನೆಯಲ್ಲಿ ಸಂಸಾರ ನಡೆಸಿದ ವಿಷಯ ತಿಳಿಸಿ ತಮ್ಮಿಬ್ಬರನ್ನು ಬೇರೆ ಮಾಡದಂತೆ ಮನವಿ ಮಾಡಿದಳು.

ಇವರಿಬ್ಬರ ಪ್ರಿತಿಯ ಆಳ ನೋಡಿ ಈ ಜೋಡಿಯನ್ನು ಬೇರೆಯಾಗುವಂತೆ ಹೇಳಲು ಪೋಷಕರಿಗೆ ತಾನೆ ಹೇಗೆ ಬಂದೀತು ಅಲ್ವಾ?