ಹುಡುಗಿಯರ ಸಮಸ್ಯೆಯನ್ನೂ ಕೂಡ ಅರ್ಥ ಮಾಡಿಕೊಳ್ಳಿ ಸ್ವಾಮಿ!

ಹೆಣ್ಣಾಗಿ ಹುಟ್ಟುವುದು ವರವೋ, ಶಾಪವೋ? ಬಹುಶಃ ಬಹುತೇಕ ಎಲ್ಲಾ ಮಹಿಳೆಯರಿಗು ಈ ಪ್ರಶ್ನೆ ಎದುರಾಗಿರುತ್ತದೆ. ತಾಯಿಯಾಗುವ ಸಂಭ್ರಮ ಬಂದಾಗ ಹೆಣ್ಣಾಗಿ ಹುಟ್ಟಿದ್ದಕ್ಕೆ ಸಂತಸಪಡುವ ಹೆಂಗಸರು, ವೈಯುಕ್ತಿಕ ಮತ್ತು ಕೌಟುಂಬಿಕ ಸಮಸ್ಯೆಗಳು ಎದುರಾದಾಗ, ಗಂಡಸರು ಎಷ್ಟು ಅದೃಷ್ಟಶಾಲಿಗಳಲ್ಲವೆ ಎಂದು ಚಿಂತಿಸಲಾರಂಭಿಸುತ್ತಾರೆ. ಹುಡುಗಿಯರು ಋತುಚಕ್ರದ ಸಮಸ್ಯೆಯಿಂದ ಬಳಲುತ್ತಾರೆ, ಆದರೆ ಹುಡುಗರಿಗೆ ಋತುಚಕ್ರದ ಸಮಸ್ಯೆಯೆಂದರೆ ಏನು ಎಂಬುದು ಸಹ ತಿಳಿಯದು.

ಹುಡುಗಿಯರು ಈ ವಿಚಾರವಾಗಿ ಹೆಚ್ಚಿಗೆ ಮಾತನಾಡುವುದಿಲ್ಲ ಮತ್ತು ಇತರರ ಬಳಿ ಸಹ ಹೇಳಿಕೊಳ್ಳುವುದಿಲ್ಲ. ಕೆಲವೊಮ್ಮೆ ಹುಡುಗರು ಕೆಲವೊಂದು ಸಂಗತಿಗಳನ್ನು ಹುಡುಗಿಯರು ಇಷ್ಟಪಡುತ್ತಾರೆ ಎಂದು ಭಾವಿಸುತ್ತಾರೆ. ಆದರೆ ವಾಸ್ತವವಾಗಿ ಹುಡುಗಿಯರು ಅದನ್ನು ಇಷ್ಟಪಟ್ಟಿರುವುದಿಲ್ಲ. ಮುಟ್ಟಿನ ಅವಧಿಯ ನೋವು ಮತ್ತು ಮುಜುಗರಗಳನ್ನು ಹುಡುಗರು ಅರ್ಥ ಮಾಡಿಕೊಳ್ಳಲಾಗುವುದಿಲ್ಲ. ಕೇವಲ ಇದೊಂದೆ ಅಲ್ಲ, ಬಹುತೇಕ ವಿಷಯಗಳನ್ನು ಹುಡುಗಿಯರು ವೈಯುಕ್ತಿಕ ಎಂದು ಭಾವಿಸುತ್ತಾರೆ, ಆದರೆ ಗಂಡಸರು ಅದಕ್ಕೆ ಅಡ್ಡಿ ಉಂಟು ಮಾಡುತ್ತಿರುತ್ತಾರೆ. ಈ ಅಂಕಣದಲ್ಲಿ, ಹುಡುಗರು ಅರ್ಥ ಮಾಡಿಕೊಳ್ಳಲಾಗದ ಕೆಲವೊಂದು ಸಮಸ್ಯೆಗಳನ್ನು ವಿವರಿಸಿದ್ದೇವೆ. ಪ್ರೀತಿ, ವಾತ್ಸಲ್ಯವೇ ಅನ್ಯೋನ್ಯ ಸಂಬಂಧಕ್ಕೆ ರಹದಾರಿ

ಮುಟ್ಟನ್ನು ಮುಚ್ಚಿಟ್ಟುಕೊಳ್ಳುವುದು
ಮುಟ್ಟು ಹುಡುಗಿಯರು ಎದುರಿಸುವ ಅತ್ಯಂತ ಕೆಟ್ಟ ಸಮಸ್ಯೆಗಳಲ್ಲಿ ಒಂದು. ಅವರ ಬಟ್ಟೆಯ ಮೇಲೆ ಕಲೆಗಳು ಆಗದಂತೆ ಅವರು ನೋಡಿಕೊಳ್ಳಬೇಕು. ಅವರ ಬ್ಯಾಗ್‌ನಲ್ಲಿ ಯಾವಾಗಲು ಒಂದು ನ್ಯಾಪ್‍ಕಿನ್ ಇರಬೇಕು. ಯಾವಾಗ ಹುಡುಗರು ಈ ಬ್ಯಾಗನ್ನು ತೆರೆದು ನೋಡಲು ಪ್ರಯತ್ನಿಸುವರೋ, ಆಗ ಅವರಿಗೆ ಮುಜುಗರವಾಗುತ್ತದೆ. ಇಂತಹ ವಿಚಾರಗಳನ್ನು ಹುಡುಗರು ಅರ್ಥ ಮಾಡಿಕೊಳ್ಳುವುದಿಲ್ಲ.

ಎದೆಹಾಲು ಕುಡಿಸುವುದು
ಆಗ ತಾನೆ ತಾಯಿಯಾದ ಯುವತಿಯರು ಮಗುವಿಗೆ ಹಾಲು ಕುಡಿಸುವಲ್ಲಿ ಸಮಸ್ಯೆ ಎದುರಿಸುತ್ತಾರೆ. ಏಕೆಂದರೆ ಆಕೆಯ ಸುತ್ತ ಅನೇಕ ಚಟುವಟಿಕೆಗಳು ನಡೆಯುತ್ತ ಇರುತ್ತವೆ, ಆದರೆ ಅದರ ನಡುವೆ ತನ್ನ ಮಗುವಿಗೆ ಹಾಲು ಕುಡಿಸುವ ಹೊಸ ಪರಿಸ್ಥಿತಿಯು ಆಕೆಯನ್ನು ಸಂದಿಗ್ಧತೆಗೆ ದೂಡುತ್ತದೆ. ಆಗ ಹುಡುಗರು ಆ ಯುವತಿ, ತನ್ನ ತಾಯಿ ಪಾತ್ರವನ್ನು ಸರಿಯಾಗಿ ನಿಭಾಯಿಸುತ್ತಿಲ್ಲ ಎಂದು ಗೊಣಗುತ್ತಾರೆ. ಆದರೆ ಆಕೆಯು ಒಂದು ಹೆಣ್ಣಲ್ಲವೇ?, ಆಕೆಗು ಸ್ವಲ್ಪ ಕಷ್ಟಗಳು ಇರುತ್ತವೆ ಇದನ್ನು ಅವರು ಅರ್ಥ ಮಾಡಿಕೊಳ್ಳುವುದಿಲ್ಲ.

ಔಟ್‌ಫಿಟ್
ಔಟ್‌ಫಿಟ್ ಹುಡುಗಿಯರು ಎದುರಿಸುವ ಮತ್ತೊಂದು ಸಮಸ್ಯೆ, ಇದನ್ನು ಹುಡುಗರು ಅರ್ಥ ಮಾಡಿಕೊಳ್ಳುವುದಿಲ್ಲ. ಸಾಮಾನ್ಯವಾಗಿ ಹುಡುಗಿಯರು ತಮಗಿಷ್ಟವಾದ ಔಟ್‌ಫಿಟ್ ಅಥವಾ ಬಟ್ಟೆ ಬರೆಗಳನ್ನು ಧರಿಸಿಕೊಂಡು ಆರಾಮವಾಗಿ ಇರುತ್ತಾರೆ. ಆದರೆ, ಹುಡುಗರಿಗೆ ತಮ್ಮ ಹುಡುಗಿ ಇಂತಹದೆ ಬಟ್ಟೆಯಲ್ಲಿ ತನಗೆ ಕಾಣಬೇಕು ಎಂಬ ಹಂಬಲವಿರುತ್ತದೆ. ಆಗ ನೋಡಿ ಅವರಿಗೆ ಫಜೀತಿಯುಂಟಾಗುತ್ತದೆ. ಹೇಗೋ ಆ ಬಟ್ಟೆಯನ್ನು ಧರಿಸಿದರೂ, ಅದು ಅವರಿಗೆ ಸರಿಹೊಂದದೆ, ಅವರಿಗೆ ಅಸೌಖ್ಯವನ್ನು ತರುತ್ತದೆ. ಇದು ಹುಡುಗರಿಗೆ ಅರ್ಥವಾಗುವುದಿಲ್ಲ. ಅಷ್ಟಕ್ಕೂ ಸುಖಿ ಸಂಸಾರದ ಹಿಂದಿರುವ ಯಶಸ್ಸಿನ ಗುಟ್ಟೇನು?

ಜೀನ್ಸ್ ಸೈಜ್
ನಾವೆಲ್ಲ ಸಾಮಾನ್ಯವಾಗಿ ನೋಡಿರುವಂತೆ, ಹುಡುಗರಿಗೆ ಅವರ ಸೊಂಟದ ಅಳತೆಯಷ್ಟೇ ಜೀನ್ಸ್ ದೊರೆಯುತ್ತದೆ. ಆದರೆ ಹುಡುಗಿಯರು, ಉತ್ಪಾದಕರು ನೀಡಿದ ಸೈಜನ್ನು ಧರಿಸುತ್ತಾರೆ. ಇದರ ಹಿಂದೆ ನಾನಾ ಪಡಿಪಾಟಲು ಇರುತ್ತದೆ. ಅದು ಹುಡುಗರಿಗೆ ಅರ್ಥವಾಗುವುದಿಲ್ಲ ಬಿಡಿ.

ಒತ್ತಡ
ಹುಡುಗಿಯರು ಒಂದೇ ಸಮಯದಲ್ಲಿ ಹಲವಾರು ಕೆಲಸಗಳನು ಮಾಡುತ್ತಾರೆ. ಅವರು ಅಧಿಕ ಒತ್ತಡವನ್ನು ನಿಭಾಯಿಸುತ್ತಾರೆ. ಆದರೆ ಇದು ಹುಡುಗರಿಗೆ ಅರ್ಥವಾಗುವುದಿಲ್ಲ. ಮದುವೆ ಬಗ್ಗೆ ಮಗಳಿಗೆ ತಾಯಿ ಹೇಳಲೇಬೇಕಾದ ಹತ್ತು ರಹಸ್ಯವೇನು?

ವೈಯುಕ್ತಿಕ ಸಮಯ
ನೀವು ದಂಪತಿಗಳಾಗಿದ್ದರು, ಒಂದು ಹುಡುಗಿಗೆ ತನ್ನದೆ ಆದ ವೈಯುಕ್ತಿಕ ಸಮಯದ ಅವಶ್ಯಕತೆ ಇರುತ್ತದೆ. ಆಕೆಗೆ ತನ್ನದೆ ಆದ ಅಭಿರುಚಿಗಳು ಇರುತ್ತವೆ. ಅದನ್ನು ಹುಡುಗರು ಅರ್ಥ ಮಾಡಿಕೊಳ್ಳಬೇಕು.