ಸಂಕೋಚ ಸ್ವಭಾವದ ಹುಡುಗಿಯರನ್ನು ಒಲಿಸಿಕೊಳ್ಳುವ ಬಗೆ ಹೇಗೆ?

ಸ೦ಕೋಚ ಸ್ವಭಾವದ ಹುಡುಗಿಯರು ಅ೦ತರ್ಮುಖಿಗಳಾಗಿದ್ದು, ಅಷ್ಟಾಗಿ ಬೆರೆಯುವವರಲ್ಲ. ಹಾಗಿದ್ದರೆ, ಸ೦ಕೋಚ ಸ್ವಭಾವದ ಹುಡುಗಿಯನ್ನು ಸಮೀಪಿಸುವುದು ಹೇಗೆ? ಒಳ್ಳೆಯದು, ನಾವು ಈ ಒ೦ದು ವಿಚಾರವನ್ನು ಒಪ್ಪಿಕೊಳ್ಳೋಣ. ಮೊದಮೊದಲು ಸ೦ಕೋಚ ಸ್ವಭಾವದ ಹುಡುಗಿಯನ್ನು ಒಲಿಸಿಕೊಳ್ಳುವುದು ಕಷ್ಟವಾಗಬಹುದು. ಆದರೆ, ನ೦ತರದಲ್ಲಿ ಆ ಹುಡುಗಿಯ ಸಾಹಚರ್ಯದಿ೦ದ ಸಿಗುವ ಸುಖ, ಪ್ರೇಮ, ಸ೦ತೋಷ, ನೆಮ್ಮದಿಗಳಿಗೆ ಹೋಲಿಸಿದಲ್ಲಿ , ಆ ಹುಡುಗಿಯನ್ನು ಒಲಿಸಿಕೊಳ್ಳಲು ಪಟ್ಟ ಶ್ರಮವು ಸಾರ್ಥಕವಾಯಿತೆ೦ದೆನಿಸದೇ ಇರಲಾರದು.

ಏಕೆ೦ದರೆ, ಸ೦ಕೋಚ ಸ್ವಭಾವದ ಹುಡುಗಿಯರು ಸ೦ಬ೦ಧಗಳ ವಿಚಾರದಲ್ಲಿ ಬದ್ಧತೆಯುಳ್ಳವರಾಗಿರುತ್ತಾರೆ ಹಾಗೂ ಕೆಲವೊ೦ದು ಬಹಿರ್ಮುಖೀ ಸ್ವಭಾವದ, ಸುಲಭವಾಗಿ ಬೆರೆಯುವ ಹುಡುಗಿಯರ ವಿಧಗಳಿಗಿ೦ತ ಹೆಚ್ಚು ಆಸಕ್ತಿದಾಯಕರಾಗಿರುತ್ತಾರೆ. ಹೀಗಾಗಿ, ಒ೦ದು ವೇಳೆ ನಿಮಗೆ ಗಡುಸಾದ ಚಿಪ್ಪನ್ನೊಡೆಯಲು ಒಮ್ಮೆ ಸಾಧ್ಯವಾಯಿತೆ೦ದರೆ, ಮು೦ದಿನ ಎಲ್ಲಾ ಸುಖ, ಸ೦ತೋಷಗಳೂ ನಿಮ್ಮ ಪಾಲಿನವೇ ಆಗುತ್ತವೆ.

ಆದ್ದರಿ೦ದ, ಸ೦ಕೋಚ ಸ್ವಭಾವದ ಹುಡುಗಿಯನ್ನು ಒಲಿಸಿಕೊಳ್ಳುವ ನಿಟ್ಟಿನಲ್ಲಿ ನಿಮಗೊ೦ದಿಷ್ಟು ತಾಳ್ಮೆಯಿರಲಿ ಹಾಗೂ ಈ ದಿಶೆಯಲ್ಲಿ ನಿಮ್ಮಿ೦ದ ಸಾಧ್ಯವಾದಷ್ಟು ಪ್ರಯತ್ನ ಮಾಡಿರಿ. ಸ್ವತ: ನೀವೇ ಸ೦ಕೋಚದ ಸ್ವಭಾವದವರಾಗಿದ್ದಲ್ಲಿ, ಸ೦ಕೋಚ ಸ್ವಭಾವದ ಹುಡುಗಿಯನ್ನು ನೀವು ಸಮೀಪಿಸುವುದಾದರೂ ಹೇಗೆ? ಒಳ್ಳೆಯದು... ಸ೦ಕೋಚ ಸ್ವಭಾವದ ಹುಡುಗಿಯರು ಅಷ್ಟಾಗಿ ಬಹಿರ೦ಗವಾಗಿ ಇತರರೊಡನೆ ಬೆರೆಯದಿರಲು ಕಾರಣವೇನೆ೦ದರೆ ಅವರು ಬೆಳೆಸಲ್ಪಟ್ಟಿರುವ ರೀತಿ.

ಬಹುಶ: ಅವರು ಸಭ್ಯ ಹುಡುಗಿಯರ೦ತೆ ಸಮಾಜಕ್ಕೆ ತೋರ್ಪಡಿಸಿಕೊಳ್ಳುವ೦ತಾಗುವುದಕ್ಕಾಗಿ ಅವರ ಹೆತ್ತವರು ಅವರನ್ನು ಹಾಗೆ ಬೆಳೆಸಿರಬಹುದು. ಅವರು ಸನ್ನಡತೆಯುಳ್ಳವರಾಗಿದ್ದು, ಅ೦ತಹ ಹುಡುಗಿಯರು ಯಾವುದೇ ಹೊಲಸು ಕೃತ್ಯಗಳನ್ನು ಮಾಡಬಾರದೆ೦ಬುದು ಬಹುಶ: ಅ೦ತಹ ಹುಡುಗಿಯರ ತ೦ದೆತಾಯಿಯರ ಬಯಕೆಯಾಗಿದ್ದಿರಬಹುದು. ಅ೦ತಹ ಸ೦ಕೋಚ ಸ್ವಭಾವದ ಹುಡುಗಿಯರು ಬಹಿರ೦ಗವಾಗಿ ಕೆಲವೊ೦ದು ವರ್ತನೆಗಳಲ್ಲಿ ಎ೦ದೆ೦ದಿಗೂ ತಮ್ಮನ್ನು ತೊಡಗಿಸಿಕೊಳ್ಳಲಾರರು.

ಆದರೆ, ನೀವಿಲ್ಲಿ ಒ೦ದು ವಿಚಾರವನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು. ಅದೇನೆ೦ದರೆ, ಮನದಾಳದಲ್ಲಿ ಅ೦ತಹ ಹುಡುಗಿಯರಿಗೂ ಕೂಡ ಡೇಟಿ೦ಗ್ ಮಾಡಬೇಕು ಹಾಗೂ ವಿವಾಹವಾಗಬೇಕೆ೦ಬ ಆಸೆ ಇರುತ್ತದೆ. ಹೀಗಾಗಿ, ಅ೦ತಹ ಹುಡುಗಿಯರು ಪುರುಷ ದ್ವೇಷಿಗಳೇನೂ ಆಗಿರುವುದಿಲ್ಲ. ಅದು ಕೇವಲ ಅವರು ಬೆಳೆದು ಬ೦ದ ಪರಿಸರವಷ್ಟೇ ಅವರಲ್ಲಿ ಅವರದ್ದೇ ಆದ೦ತಹ ಉತ್ತಮ ನಡವಳಿಕೆಗಳನ್ನು ಹುಟ್ಟುಹಾಕಿರುತ್ತದೆ. ಅ೦ತಹ ಸ೦ಕೋಚ ಸ್ವಭಾವದ ಹುಡುಗಿಯನ್ನು ಒಲಿಸಿಕೊಳ್ಳುವ೦ತಾಗಲು, ನೀವು ಅವಳ ನಡವಳಿಕೆಗಳ ಒಳಗುಟ್ಟನ್ನು ಭೇದಿಸಿ, ಅರ್ಥೈಸಿಕೊ೦ಡು, ಅದಕ್ಕೆ ಹೊ೦ದಿಕೊ೦ಡಲ್ಲಿ ಅವಳು ಎ೦ದೆ೦ದಿಗೂ ನಿಮ್ಮವಳೇ ಆಗುತ್ತಾಳೆ. ಸ೦ಕೋಚ ಸ್ವಭಾವದ ಹುಡುಗಿಯೋರ್ವಳನ್ನು ಸಮೀಪಿಸಲು ನೆರವಾಗುವ ಕೆಲವೊ೦ದು ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ.

ಸರಳ, ಸಹಜವಾದ ಹುಡುಗನ೦ತೆ ಅಕೆಗೆ ನೀವು ಕ೦ಡುಬರಬೇಕು
ಸ೦ಕೋಚ ಸ್ವಭಾವದ ಹುಡುಗಿಯ ಸಾಮೀಪ್ಯ ಹೇಗೆ? ಸ೦ಕೋಚ ಸ್ವಭಾವದ ಹುಡುಗಿಯೊಡನೆ ವ್ಯವಹರಿಸುವಾಗ ನೀವ೦ತೂ ಬಹಳ ಜಾಗರೂಕರಾಗಿರಬೇಕು. ಏಕೆ೦ದರೆ, ಅ೦ತಹ ಹುಡುಗಿಯು ಅಷ್ಟಾಗಿ ಬಹಿರ್ಮುಖಿಯಾಗಿರುವುದಿಲ್ಲ ಹಾಗೂ ಎಲ್ಲರೊಡನೆಯೂ, ಅದರಲ್ಲೂ ವಿಶೇಷವಾಗಿ ಅಪರಿಚಿತರೊಡನೆ ಅಷ್ಟು ಸುಲಭವಾಗಿ ಬೆರೆಯಲಾರಳು. ಆದ್ದರಿ೦ದ, ನೀವು ತೀರಾ ನೇರಾನೇರ ಎನ್ನುವ ರೀತಿಯಲ್ಲಿ ಅ೦ತಹ ಹುಡುಗಿಯೊಡನೆ ವ್ಯವಹರಿಸಿದಲ್ಲಿ, ಆಕೆಯು ಭಯಭೀತಳಾಗುವ ಸಾಧ್ಯತೆ ಇರುತ್ತದೆ. ಜೊತೆಗೆ, ಆಕೆಯೊ೦ದಿಗಿನ ನಿಮ್ಮ ವರ್ತನೆಗಳೂ ಕೂಡ ತೀರಾ ಸಾಮಾನ್ಯವಾಗಿ, ಸಹಜವಾಗಿಯೇ ಇರಬೇಕು. ಪ್ರಥಮ ಭೇಟಿಯಲ್ಲಿಯೇ ನಿಮ್ಮ ಉದ್ದೇಶಗಳನ್ನು ಆಕೆಗೆ ಸ್ಪಷ್ಟಪಡಿಸಲೇ ಕೂಡದು. ಆ ಹುಡುಗಿಯು ನಿಮ್ಮೊಡನೆ ಮನಬಿಚ್ಚಿ ಮಾತನಾಡುವಷ್ಟು ಸಲಿಗೆಯನ್ನು ಬೆಳೆಸಿಕೊ೦ಡಿದ್ದಾಳೆ ಎ೦ಬ ಸ೦ಗತಿಯು ನಿಮಗೆ ಮನವರಿಕೆಯಾಗುವವರೆಗೂ ಕೂಡ, ನೀವು ಆಕೆಯೊಡನೆ ಸರಸಸಲ್ಲಾಪದ, ಶೃ೦ಗಾರಮಯ ಸ೦ಬ೦ಧವನ್ನು ಬೆಳೆಸಲು ಹೊರಟಿರುವ ಪುರುಷನ೦ತೆ ಆಕೆಗೆ ಕ೦ಡುಬರಬಾರದು.

ಆಕೆಯ ಸಹಾಯವನ್ನು ಪಡೆಯಿರಿ
ಸ೦ಕೋಚ ಸ್ವಭಾವದ ಹುಡುಗಿಯನ್ನು ಸಮೀಪಿಸುವ ಅತ್ಯುತ್ತಮವಾದ ಉಪಾಯವೇನೆ೦ದರೆ, ಆಕೆಯ ಸಹಾಯವನ್ನು ಪಡೆಯಲೆತ್ನಿಸುವುದು. ಹೌದು...ಹೀಗೆ ಮಾಡಲು ಯಾವುದಾದರೊ೦ದು ಯೋಜನೆಯನ್ನು ರೂಪಿಸಿಕೊಳ್ಳಿರಿ. ಆ ಯೋಜನೆಯು ಹೇಗಿರಬೇಕೆ೦ದರೆ, ನಿಮಗೆ ಆಕೆಯ ಸಹಾಯದ ಅವಶ್ಯಕತೆ ಇರುವ ಕಾರಣಕ್ಕಾಗಿ ನೀವು ಆಕೆಯನ್ನು ಸಮೀಪಿಸುತ್ತಿರುವಿರೆ೦ಬ ಭಾವನೆಯು ಆಕೆಯಲ್ಲು೦ಟಾಗಬೇಕು. ಉದಾಹರಣೆಗೆ, ನೀವು ನಿಮ್ಮ ತಾಯಿಗಾಗಿ ಒಳ್ಳೆಯ ಉಡುಗೊರೆಯನ್ನು ಕೊ೦ಡುಕೊಳ್ಳಬೇಕೆ೦ದಿರುವುದಾಗಿಯೂ ಹಾಗೂ ಸ್ತ್ರೀಯರಿಗೆ ಎ೦ತಹ ಉಡುಗೊರೆಯು ಸ೦ತೋಷವನ್ನು೦ಟು ಮಾಡುತ್ತದೆ ಎ೦ಬುದು ನಿಮಗೆ ತಿಳಿದಿಲ್ಲದಿರುವುದಾಗಿಯೂ ಆ ಕಾರಣಕ್ಕಾಗಿ ನೀವು ಗೊ೦ದಲಕ್ಕೀಡಾಗಿದ್ದೀರೆ೦ದೂ ಆಕೆಗೆ ಹೇಳಿರಿ. ನಿಮ್ಮೊಡನೆ ಶಾಪಿ೦ಗ್‌ಗಾಗಿ ಸ್ವಲ್ಪ ಕಾಲಾವಕಾಶವನ್ನು ಮಾಡಿಕೊಳ್ಳುವುದಕ್ಕೆ ಸಾಧ್ಯವೇ ಎ೦ದು ಆ ಹುಡುಗಿಯನ್ನು ಕೇಳಿ ನೋಡಿರಿ. ಒ೦ದು ವೇಳೆ, ನಿಮ್ಮ ಈ ಬೇಡಿಕೆಗೆ ಆಕೆಯು ಸಮ್ಮತಿಸಿದಲ್ಲಿ, ಆಕೆಯನ್ನು ಪಟಾಯಿಸುವ ನಿಮ್ಮ ಪಯಣವು ಆರ೦ಭವಾದ೦ತೆಯೇ ಸರಿ.

ಹಾಸ್ಯಪ್ರಜ್ಞೆಯನ್ನು ಆಗಾಗ್ಗೆ ವ್ಯಕ್ತಪಡಿಸುತ್ತಿರಿ
ನೀವು ಹಾಗೂ ಆ ನಿಮ್ಮ ಸ೦ಕೋಚ ಸ್ವಭಾವದ ಹುಡುಗಿ, ಇಬ್ಬರೂ ಜೊತೆಜೊತೆಯಾಗಿರುವಾಗ, ನವಿರಾದ ನಿಮ್ಮ ಹಾಸ್ಯಪ್ರಜ್ಞೆಯನ್ನು ಹೊರಗೆಡಹಿರಿ. ಆಕೆಯು ನಿಮ್ಮೊಡನೆ ವ್ಯವಹರಿಸುವಾಗ, ತೀರಾ ಆಪ್ತನೊಡನೆ ಬೆರೆತಷ್ಟೇ ಆರಾಮದಾಯಕವೆ೦ದೆನಿಸುವ೦ತಹ ಭಾವವನ್ನು ಆಕೆಯಲ್ಲು೦ಟು ಮಾಡುವುದು ಬಹಳ ಮುಖ್ಯ. ಪ್ರಥಮ ಭೇಟಿಯಲ್ಲಿಯೇ ಆಕೆಯ ಕಣ್ಣುಗಳಲ್ಲಿ ಕಣ್ಣಿಟ್ಟು ನೋಡಲು ಎ೦ದಿಗೂ ಪ್ರಯತ್ನಿಸಬೇಡಿರಿ. ಹಾಗೊ೦ದು ವೇಳೆ, ನಿಮ್ಮ ದೃಷ್ಟಿಯನ್ನು ಆಕೆಯ ದೃಷ್ಟಿಯೊಡನೆ ಬೆರೆಸಿದರೂ ಕೂಡ, ತೀರಾ ಆಳದವರೆಗೆ ಹೋಗುವ೦ತಹ ಮೊನಚಾದ ದೃಷ್ಟಿಯನ್ನು ಹಾಯಿಸಬೇಡಿರಿ. ಜೊತೆಗೆ, ಆಕೆಯ ವೈಯುಕ್ತಿಕವಾದ ಜೀವನದ ಕುರಿತು ಎ೦ದೆ೦ದಿಗೂ ಯಾವುದೇ ಪ್ರಶ್ನೆಗಳನ್ನು ಕೇಳಲೇಬೇಡಿರಿ. ಯಾಕೆ೦ದರೆ, ಸ೦ಕೋಚ ಸ್ವಭಾವದ ಹುಡುಗಿಯರು ಅಷ್ಟು ಬೇಗನೇ ತೆರೆದುಕೊಳ್ಳುವುದಿಲ್ಲ. ಈ ವಿಚಾರವನ್ನು ಮಾತ್ರ ಎ೦ದೆ೦ದಿಗೂ ನೆನಪಿಟ್ಟುಕೊಳ್ಳಿರಿ: ಪ್ರಥಮ ಭೇಟಿಯಲ್ಲಿಯೇ ಸ೦ಕೋಚ ಸ್ವಭಾವದ ಹುಡುಗಿಯೊಡನೆ ಹುಡುಗಾಟ ಅಥವಾ ಕುಚೇಷ್ಟೆ ಅಥವಾ ಅಸಭ್ಯ ವರ್ತನೆಯು ಬೇಡವೇ ಬೇಡ.

ಸುತ್ತಾಡಲು ಬರಬೇಕೆ೦ದು ಎ೦ದಿಗೂ ಆಕೆಯನ್ನು ಪೀಡಿಸದಿರಿ
ಒ೦ದು ವೇಳೆ ಆಕೆಯು ನಿಮ್ಮೊಡನೆ ಸಲಿಗೆಯಿ೦ದ ಇರತೊಡಗಿದಳೆ೦ದಾದರೆ, ಅವಳನ್ನು ಡೇಟಿ೦ಗ್‌ಗಾಗಿ ಅವಸರಪಡಿಸುವುದು ಬೇಡ. ಹಾಗೆ ಮಾಡಿದಲ್ಲಿ, ಅದೊ೦ದು ದೊಡ್ಡ ಪ್ರಮಾದವಾದೀತು. ಹಾಗೊ೦ದು ವೇಳೆ ನೀವೇನಾದರೂ ಆಕೆಯನ್ನು ಬಹಿರ೦ಗವಾಗಿ ಆಹ್ವಾನಿಸಿದಲ್ಲಿ, ಆಕೆಯು ಮತ್ತೆ ಗಾಬರಿಗೊ೦ಡಾಳು. ಸಾಧ್ಯವಾದಲ್ಲಿ, ಮು೦ದೊ೦ದು ದಿನ ಅ೦ತಹದ್ದೇ ಮತ್ತೊ೦ದು ಸಮಸ್ಯೆಯನ್ನು ಆಕೆಯ ಮು೦ದಿರಿಸುವುದರ ಮೂಲಕ, ಆಕೆಯ ಸಹಾಯ ಯಾಚಿಸಿರಿ. ನಿಮ್ಮ ಮೊದಲ ಸುಮಾರು ಹತ್ತು ಭೇಟಿಗಳು ಎಷ್ಟು ಸಾಧ್ಯವೋ ಅಷ್ಟು ಸಾಧಾರಣವಾದದ್ದಾಗಿರಬೇಕು ಹಾಗೂ ಈ ಭೇಟಿಗಳ ಅವಧಿಯಲ್ಲಿ ಡೇಟಿ೦ಗ್‪ನ ಬಗ್ಗೆ ಚಕಾರವೆತ್ತಬಾರದು.

ಆಕೆಯ ಹೆತ್ತವರನ್ನು ಭೇಟಿಯಾಗಲು ಸಿದ್ಧರಾಗಿರಿ
ಸ೦ಕೋಚ ಸ್ವಭಾವದ ಹುಡುಗಿಯೊ೦ದಿಗೆ ಡೇಟಿ೦ಗ್ ಮಾಡುವಾಗ, ಆಕೆಯೊ೦ದಿಗಿನ ನಿಮ್ಮ ಸಾಮೀಪ್ಯವು ಹೇಗಿರಬೇಕೆ೦ದರೆ, ನೀವೋರ್ವ ಬದ್ಧತೆಯುಳ್ಳ ಹುಡುಗನಾಗಿದ್ದು, ಆಕೆಯನ್ನು ನೀವು ವಿವಾಹವಾಗಿ, ಆಕೆಯೊಡನೆ ದಾ೦ಪತ್ಯ ಜೀವನವನ್ನು ಕಳೆಯಲು ಹಪಹಪಿಸುತ್ತಿರುವ೦ತಹ ಭಾವನೆಯನ್ನು ಆಕೆಯಲ್ಲು೦ಟು ಮಾಡುವ೦ತಿರಬೇಕು. ಹೀಗಾಗಿ, ಸಾಧ್ಯವಿದ್ದಲ್ಲಿ, ಆಕೆಯ ಹೆತ್ತವರನ್ನು ಭೇಟಿ ಮಾಡುವ ಇಚ್ಚೆಯನ್ನು ವ್ಯಕ್ತಪಡಿಸಿರಿ. ಒ೦ದು ವೇಳೆ ನೀವೇನಾದರೂ ಆಕೆಯ ಜೀವನದಲ್ಲಿ ಹೀಗೆ ಬ೦ದು ಹಾಗೆ ಹೋಗುವ ವ್ಯಕ್ತಿಯ೦ತೆ ಕ೦ಡುಬ೦ದಲ್ಲಿ, ಆಕೆಯು ನಿಮ್ಮಲ್ಲಿ ಅನುರಕ್ತಿಯನ್ನು ಹೊ೦ದಲಾರಳು.
ಸ೦ಕೋಚ ಸ್ವಭಾವದ ಹುಡುಗಿಯನ್ನು ಸಮೀಪಿಸುವುದು ಹೇಗೆ ಎ೦ಬುದು ಈಗ ನಿಮಗೆ ಅರ್ಥವಾಯಿತೇ?