ಪ್ರೀತಿಯ ಆಳ ಹೆಚ್ಚಿಸುವ ಸಣ್ಣ ಪುಟ್ಟ ಅಂಶಗಳು

Relationship

oi-Reena

By Hema S

Published: Thursday, April 19, 2012, 15:39 [IST]

ಪ್ರೀತಿಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ಆದರೆ ಚಿಕ್ಕಪುಟ್ಟ ವಿಷಯಗಳು ಪ್ರೀತಿಯನ್ನು ಹೆಚ್ಚುಮಾಡುತ್ತದೆ. ಅವರಿಗೆ ಇಷ್ಟಪಟ್ಟು ವಸ್ತುಗಳನ್ನು ನೀಡಿ ಸರ್‌ಫ್ರೈಸ್ ಕೊಡುವುದು, ಅವರ ಇಷ್ಟದ ಅಡುಗೆ ಮಾಡಿಕೊಡುವುದು ಹೀಗೆ ಸಣ್ಣಪುಟ್ಟ ವಿಷಯಗಳೆ ಪ್ರೀತಿಯನ್ನು ಮತ್ತಷ್ಟು ಬೆಸೆಯುವ ಕೊಂಡಿಯಾಗುವುದು.

ಎಷ್ಟೊ ಜನರು ಹೇಳುವುದನ್ನು ಕೇಳಬಹುದು. 'ಪ್ರೀತಿಸಿದ ಶುರುವಿನಲ್ಲಿದ್ದ ಖುಷಿ, ಆಸಕ್ತಿ ಪ್ರೀತಿಸಿ ಸ್ವಲ್ಪ ದಿನಗಳ ಬಳಿಕ ಇಲ್ಲವಾಗಿದೆ. ಪ್ರೀತಿಸುವಾಗ ಸುತ್ತಿ-ಸುತ್ತಿ ಬರುತ್ತಿದ್ದ. ಈಗ ಕೆಲಸ ಕಾರ್ಯ ಎಂದು ಬ್ಯೂಸಿಯಾಗುತ್ತಾನೆ. ಹೊರಗಡೆ ಸುತ್ತಾಡಲು ಅವನಿಗೆ ಸಮಯವಿರುವುದಿಲ್ಲ' ಎಂದು ಬೇಜಾರುಪಟ್ಟುಕೊಳ್ಳುತ್ತಾರೆ. ರೀತಿ ಆದಾಗ ಸಂಬಂಧದಲ್ಲಿ ಜಗಳಗಳು ಪ್ರಾರಂಭವಾಗುತ್ತದೆ.

ಎಲ್ಲಾ ಸಮಯದಲ್ಲಿ ಪ್ರೀತಿ,ಪ್ರೇಮ ಅಂತ ಸುತ್ತಾಡುತ್ತಿದ್ದರೆ ಬದುಕು ಸಾಗುವುದಿಲ್ಲ. ಮುಂದಿನ ಬದುಕಿಗೆ ಗಟ್ಟಿ ಬುನಾದಿ ಹಾಕಲು ಯೌವನದಲ್ಲಿ ಹೆಚ್ಚು ಶ್ರಮದಿಂದ ದುಡಿಯಬೇಕಾಗುತ್ತದೆ. ಅದನ್ನು ಪ್ರೇಮಿಗಳು ಅರ್ಥ ಮಾಡಿಕೊಳ್ಳಬೇಕು. ಆದರೆ ಕೆಲಸದ ಒತ್ತಡಗಳಲ್ಲಿ ಪ್ರೀತಿಯನ್ನು ಕಡೆಗಣಿಸಬಾರದು. ನೀವು ಮಾಡುವ ಚಿಕ್ಕ ಪುಟ್ಟ ವಿಷಯಗಳಿಂದ ನಿಮ್ಮ ಪ್ರೀತಿಯನ್ನು ಮತ್ತಷ್ಟು ಗಟ್ಟಿಯಾಗಿಸಬಹುದು. ಅದಕ್ಕಾಗಿ ಈ ಕೆಳಗಿನ ವಿಧಾನಗಳನ್ನು ಅನುಸರಿಸಬಹುದು.

1. ಈಗೀನ ಕಾಲದಲ್ಲಿ ಯಾರೂ ಪ್ರೇಮ ಪತ್ರ ಬರೆಯಿರಿ ಅಂದರೆ ಹಾಸ್ಯಾಸ್ಪದ ಕೂಡ ಅನಿಸಬಹುದು. ಆದರೆ ನಿಮ್ಮ ಭಾವನೆಗಳನ್ನು ಹೇಳಿಕೊಳ್ಳುವಂತಹ ಒಂದು ಪ್ರೀತಿಯ ಮೆಸೇಜ್ ಟೈಪ್ ಮಾಡಿ ಕಳುಹಿಸಿ.

2. ನಿಮ್ಮ ಪ್ರೀತಿಯ ಸಂಕೇತವಾಗಿ ಇಬ್ಬರು ಒಂದೇ ರೀತಿಯ, ನಿಮಗೆ ಇಷ್ಟವಾದ ಟ್ಯಾಟೂ (ಹಚ್ಚೆ) ಹಾಕಿಸಬಹುದು.

3. ಐಪಾಡ್, ಐಪೋಡ್ ಅಥವಾ ಲ್ಯಾಪ್ ಟಾಪ್ ಇರುವುದು ದೊಡ್ಡ ವಿಷಯವಲ್ಲ. ನಿಮ್ಮ ಪ್ರೇಮಿಗೆ ಇಷ್ಟವಾಗಿರುವ ಹಾಡುಗಳ ಬಗ್ಗೆ ತಿಳಿದುಕೊಂಡು ಅವರಿಗೆ ಗೊತ್ತಾಗದಂತೆ ಅವರ ಐಪೋಡ್ ಅಥವಾ ಲ್ಯಾಪ್ ಟಾಪ್‌ಗಳಲ್ಲಿ ಅವರಿಗೆ ಇಷ್ಟವಾದ ಹಾಡುಗಳನ್ನು ಹಾಕಿಕೊಡಿ. ಈ ರೀತಿ ಮಾಡಲು ಕೆಲವೆ ನಿಮಿಷಗಳು ಸಾಕು.

4. ಸಣ್ಣ-ಪುಟ್ಟ ಗಿಫ್ಟ್‌ಗಳನ್ನು ನೀಡುವುದು, ಹೊರಗಡೆ ಸುತ್ತಾಡುವುದು, ಜೊತೆಗೆ ಕೂತು ತಿನ್ನುವುದು ಇವೆಲ್ಲ ಪ್ರೀತಿಯನ್ನು ಮತ್ತಷ್ಟು ಹೆಚ್ಚಿಸುತ್ತದೆ.

5. ಅವರು ಅಂದರೆ ನಿಮಗೆ ಏಕೆ ಇಷ್ಟ ಎಂದು ಪಟ್ಟಿ ಮಾಡಿ ಅವರ ಪರ್ಸ್‌ನಲ್ಲಿ ಹಾಕಿ. ಬಾಳಸಂಗಾತಿಗೆ ಇಷ್ಟವಾಗದ ವಿಷಯಗಳನ್ನು ಮಾಡದಿರುವುದು ಒಳ್ಳೆಯದು. ಈ ರೀತಿ ಮಾಡಿದರೆ ಜಗಳ ಕಮ್ಮಿಯಾಗುತ್ತದೆ, ಪ್ರೀತಿ ಹೆಚ್ಚಾಗುತ್ತದೆ.