ಸಂಕ್ರಾಂತಿ ಹಬ್ಬದ ಸ್ಪೆಷಲ್.. ಉದ್ದಿನ ಬೇಳೆಯಿಂದ ಖಿಚಡಿ ಮಾಡಿ! ರುಚಿ ಸೂಪರ್, ತಿಂದ್ರೆ ಮನಸ್ಸು ಕರಗುತ್ತೆ

ಮಕರ ಸಂಕ್ರಾಂತಿ ಸ್ಪೆಷಲ್ ಖಿಚಡಿ! ಸಂಕ್ರಾಂತಿಯಂದು ಈ ಸ್ಪೆಷಲ್ ಉರಡ್ ದಾಲ್ ಖಿಚಡಿ ಮಾಡಿ.. ಇದು ಅದ್ಭುತವಾದ ರುಚಿಯನ್ನು ನೀಡುತ್ತದೆ. ಹೌದು, ಮಕರ ಸಂಕ್ರಾಂತಿ (Makar Sankranti) ಹಬ್ಬದ ಸಂಭ್ರಮಕ್ಕೆ, ಎಳ್ಳು-ಬೆಲ್ಲದ ಜೊತೆಗೆ ವಿಶೇಷ ಉದ್ದಿನ ಬೇಳೆ ಖಿಚಡಿ (Urad Dal Khichdi) ಒಂದು ಪ್ರಮುಖ ಖಾದ್ಯವಾಗಿದೆ. ತುಪ್ಪದ ಒಗ್ಗರಣೆ ಹಾಗೂ ಮಸಾಲೆಗಳ ಸಮ್ಮಿಶ್ರಣದ ಈ ಸ್ವಾದಿಷ್ಟ ಖಿಚಡಿ ಹಬ್ಬದ ರುಚಿಯನ್ನು ಇನ್ನಷ್ಟು ಹೆಚ್ಚಿಸುತ್ತದೆ.

ಮಕರ ಸಂಕ್ರಾಂತಿಯು ಕೇವಲ ಎಳ್ಳು-ಬೆಲ್ಲ ವಿನಿಮಯದ ಹಬ್ಬವಷ್ಟೇ ಅಲ್ಲ. ಇದು ಸುಗ್ಗಿಯ ಸಂಭ್ರಮ ಹಾಗೂ ವೈವಿಧ್ಯಮಯ ಅಡುಗೆಗಳ ಆಚರಣೆಯೂ ಹೌದು. ಉತ್ತರ ಭಾರತದ ಕೆಲವು ಭಾಗಗಳಲ್ಲಿ, ಸಂಕ್ರಾಂತಿಯ ದಿನದಂದು 'ಖಿಚಡಿ' ತಯಾರಿಸುವುದು ಪವಿತ್ರ ಸಂಪ್ರದಾಯವಾಗಿದೆ. ಅದರಲ್ಲೂ ಸಿಪ್ಪೆ ಸಹಿತ ಕಪ್ಪು ಉದ್ದಿನ ಬೇಳೆಯ ಖಿಚಡಿಗೆ ಈ ದಿನ ವಿಶೇಷ ಮಹತ್ವವಿದೆ. ಈ ಸುಲಭವಾದ ರೆಸಿಪಿ ಅನುಸರಿಸಿ, ನಿಮ್ಮ ಮನೆಯಲ್ಲೂ ಸುಲಭವಾಗಿ ಮತ್ತು ರುಚಿಕರವಾಗಿ ಉದ್ದಿನ ಬೇಳೆ ಖಿಚಡಿ (Urad Dal Khichdi Recipe) ತಯಾರಿಸಬಹುದು.

ಶನಿ ಮತ್ತು ಸೂರ್ಯ ದೇವರಿಗೆ ಪ್ರಿಯ

ಭಾರತದಾದ್ಯಂತ ಮಕರ ಸಂಕ್ರಾಂತಿಯನ್ನು ವಿವಿಧ ಹೆಸರುಗಳಿಂದ ಆಚರಿಸಲಾಗುತ್ತದೆ. ಕೆಲವು ಕಡೆ ಇದನ್ನು 'ಖಿಚಡಿ ಹಬ್ಬ' ಎಂದೇ ಕರೆಯುತ್ತಾರೆ. ಸಂಕ್ರಾಂತಿ ದಿನದಂದು ಉದ್ದಿನ ಬೇಳೆ ಮತ್ತು ಅಕ್ಕಿ ಬಳಸಿ ಮಾಡುವ ಈ ಖಿಚಡಿಯು ಶನಿ ಮತ್ತು ಸೂರ್ಯ ದೇವರಿಗೆ ಪ್ರಿಯವಾದುದು ಎಂಬ (Sankranti Khichdi Ritual) ನಂಬಿಕೆಯಿದೆ. ಇದು ಜೀರ್ಣಕ್ರಿಯೆಗೆ ಸುಲಭವಾದ, ಪೌಷ್ಟಿಕಾಂಶ ಸಮೃದ್ಧವಾದ ಖಾದ್ಯವಾಗಿದೆ.

ಉದ್ದಿನ ಬೇಳೆ ಖಿಚಡಿಗೆ ಬೇಕಾಗುವ ಸಾಮಗ್ರಿಗಳು

• ಅಕ್ಕಿ
• ಉದ್ದಿನ ಬೇಳೆ (ಸಿಪ್ಪೆ ತೆಗೆದದ್ದು ಅಥವಾ ಕಪ್ಪು ಉದ್ದಿನ ಬೇಳೆ)
• ತುಪ್ಪ
• ಜೀರಿಗೆ
• ಪಲಾವ್ ಎಲೆ
• ಶುಂಠಿ
• ಇಂಗು
• ಅರಿಶಿನ ಪುಡಿ
• ರುಚಿಗೆ ತಕ್ಕಷ್ಟು ಉಪ್ಪು
• ನೀರು

ಉದ್ದಿನ ಬೇಳೆ ಖಿಚಡಿ ತಯಾರಿಸುವ ವಿಧಾನ

- ಮೊದಲು ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ಚೆನ್ನಾಗಿ ತೊಳೆದುಕೊಳ್ಳಿ.

- ನಂತರ ಅದನ್ನು ಸುಮಾರು 20 ರಿಂದ 30 ನಿಮಿಷಗಳ ಕಾಲ ನೀರಿನಲ್ಲಿ ನೆನೆಸಿಡಿ. ಹೀಗೆ ಮಾಡುವುದರಿಂದ ಖಿಚಡಿ ಮೃದುವಾಗಿ, ಹೆಚ್ಚು ರುಚಿಯಾಗಿ ಬರುತ್ತದೆ.

- ಪ್ರೆಶರ್ ಕುಕ್ಕರ್ ಅನ್ನು ಒಲೆಯ ಮೇಲಿಟ್ಟು 3-4 ಚಮಚ ತುಪ್ಪ ಹಾಕಿ. ತುಪ್ಪ ಕಾದ ನಂತರ ಜೀರಿಗೆ, ಪಲಾವ್ ಎಲೆ, ಇಂಗು ಮತ್ತು ತುರಿದ ಶುಂಠಿಯನ್ನು ಸೇರಿಸಿ. ಈ ಮಸಾಲೆಗಳು ಘಮ ಬರುವವರೆಗೆ ಸ್ವಲ್ಪ ಕಾಲ ಫ್ರೈ ಮಾಡಿ.

- ಈಗ ನೀರನ್ನು ಬಸಿದು ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ಕುಕ್ಕರ್‌ಗೆ ಸೇರಿಸಿ. ತುಪ್ಪದಲ್ಲಿ ಅಕ್ಕಿ ಮತ್ತು ಬೇಳೆಯನ್ನು 3-4 ನಿಮಿಷಗಳ ಕಾಲ ಚೆನ್ನಾಗಿ ಹುರಿಯಿರಿ. ಹೀಗೆ ಹುರಿಯುವುದರಿಂದ ಖಿಚಡಿ ಹೆಚ್ಚು ಸ್ವಾದಿಷ್ಟವಾಗಿರುತ್ತದೆ.

- ನಂತರ ಇದಕ್ಕೆ ಅರಿಶಿನ ಪುಡಿ, ರುಚಿಗೆ ತಕ್ಕಷ್ಟು ಉಪ್ಪು, ಮತ್ತು 4-5 ಕಪ್ ನೀರನ್ನು ಸೇರಿಸಿ ಚೆನ್ನಾಗಿ ಕಲಸಿ. ಕುಕ್ಕರ್ ಮುಚ್ಚಳವನ್ನು ಮುಚ್ಚಿ ಸುಮಾರು 3 ರಿಂದ 4 ಸೀಟಿ ಬರುವವರೆಗೆ ಬೇಯಿಸಿ. ಕುಕ್ಕರ್‌ನ ಉಗಿ ಪೂರ್ತಿಯಾಗಿ ಇಳಿದ ನಂತರ ಮುಚ್ಚಳ ತೆಗೆದು, ಖಿಚಡಿಯನ್ನು ಹದವಾಗಿ ಮಿಕ್ಸ್ ಮಾಡಿ.

ಹೇಗೆ ಸವಿಯಬೇಕು?

ಬಿಸಿ ಬಿಸಿಯಾದ ಉದ್ದಿನ ಬೇಳೆ ಖಿಚಡಿಯನ್ನು ಒಂದು ಪ್ಲೇಟ್‌ಗೆ ಹಾಕಿಕೊಂಡು, ಅದರ ಮೇಲೆ ಮತ್ತೊಂದು ಚಮಚ ತುಪ್ಪ ಸೇರಿಸಿ ಅದರ ರುಚಿ ದುಪ್ಪಟ್ಟುಗೊಳಿಸಿ. ಇದಕ್ಕೆ ಪೂರಕವಾಗಿ ಮೊಸರುಬಜ್ಜಿ (ರೈತ), ಹಪ್ಪಳ, ಅಥವಾ ಸಂಕ್ರಾಂತಿ ವಿಶೇಷದ ಅವರೆಕಾಳು ಪಲ್ಯದೊಂದಿಗೆ ಸವಿಯಬಹುದು.

ಈ ಖಿಚಡಿಯು ಕೇವಲ ಧಾರ್ಮಿಕ ಪ್ರಾಮುಖ್ಯತೆಯನ್ನು ಹೊಂದಿಲ್ಲ. ಚಳಿಗಾಲದಲ್ಲಿ ದೇಹಕ್ಕೆ ಅಗತ್ಯವಾದ ಪ್ರೋಟೀನ್ ಮತ್ತು ಶಕ್ತಿಯನ್ನು ಒದಗಿಸಲು ಇದು ಅತ್ಯುತ್ತಮ ಆಹಾರವಾಗಿದೆ. ಇದು ಸಮತೋಲಿತ ಮತ್ತು ಪೌಷ್ಟಿಕಾಂಶ ಭರಿತ ಭೋಜನವನ್ನೂ ನೀಡುತ್ತದೆ.