ಪ್ರೇಮಿಗಳ ದಿನಕ್ಕೆ ಕೆಂಪು ಬಣ್ಣದ ಪ್ರೇಮದ ಕೇಕ್

Sweets

oi-Reena

By Hema S

Published: Thursday, February 2, 2012, 16:27 [IST]

ಪ್ರೇಮಿಗಳ ದಿನದಂದು ಹೊರಗೆ ಸುತ್ತಾಡಬೇಕು, ಹೋಟೆಲ್ ನಲ್ಲಿ ತಿನ್ನಬೇಕು, ಸಿನಿಮಾ ನೋಡಬೇಕು ಈ ಎಲ್ಲಾ ಪಟ್ಟಿಗಳಿಗಿಂತ ಸ್ವಲ್ಪ ವಿಭಿನ್ನವಾಗಿ ಆಚರಿಸಬೇಕೆಂದು ಬಯಸುತ್ತಿದ್ದೀರಾ.. ಹಾಗಾದರೆ ಪ್ರೀತಿಯ ಬಣ್ಣವಾದ ಕೆಂಪು ಕೇಕ್ ಮಾಡಿ. ಪ್ರೀತಿಯಿಂದ ಕೈಯಾರೆ ಕೇಕ್ ತಯಾರಿಸಿ ಅದನ್ನು ನಮ್ಮ ಪ್ರೀತಿ ಪಾತ್ರರ ಮುಂದೆ ಹಿಡಿದಾಗ ಸಿಗುವ ಸಂತೋಷ ಯಾವ ಫೈ ಸ್ಟಾರ್ ಹೋಟೆಲ್ ಗೆ ಹೋದರೂ ಸಿಗದು. ಕೆಂಪು ಬಣ್ಣದ ಕೇಕ್ ಅನ್ನು ಆಕರ್ಷಕವಾಗಿ ತಯಾರಿಸುವ ವಿಧಾನ ಇಲ್ಲಿದೆ ನೋಡಿರಿ.

ಬೇಕಾಗುವ ಸಾಮಾಗ್ರಿಗಳು:
* 21/2 ಕಪ್ ಮೈದಾ
* 2 ಚಮಚ ಅಡುಗೆ ಸೋಡಾ
* 2 ಚಮಚ ಕೋಕಾ ಪುಡಿ
* 1 1/2 ಕಪ್ ಸಕ್ಕರೆ
* 2 ಮೊಟ್ಟೆ
* 1 ಚಮಚ ವೆನಿಲ್ಲಾ ರಸ
* 1 ಕಪ್ ಮಜ್ಜಿಗೆ
* 1 ಚಮಚ ವಿನಿಗರ್
* ಸ್ವಲ್ಪ ಉಪ್ಪು
* ಕೆಂಪು ಬಣ್ಣದ ಹಣ್ಣು ( ಸ್ಟ್ರಾಬರಿ)

ತಯಾರಿಸುವ ವಿಧಾನ:

1. ಮೈದಾ, 1 ಚಮಚ ಅಡುಗೆ ಸೋಡಾ ಮತ್ತು ಉಪ್ಪು ಸೇರಿಸಿ ಬೆರೆಸಿ ಪಕ್ಕದಲ್ಲಿಡಬೇಕು.

2. ಮತ್ತೊಂದು ಬಟ್ಟಲಿನಲ್ಲಿ ಕೆಂಪು ಬಣ್ಣ ಕೊಡುವ ಹಣ್ಣು ಮತ್ತು ಕೋಕಾ ಪುಡಿ ಹಾಕಿ ಪೇಸ್ಟ್ ರೀತಿ ಮಾಡಬೇಕು.

3. ಮೊಸರು ಮತ್ತು ಸಕ್ಕರೆ ಹಾಕಿ ಮಿಕ್ಸಿಯಲ್ಲಿ ಆಡಿಸಬೇಕು. ನಂತರ ಅದಕ್ಕೆ ಮೊಟ್ಟೆ, ವೆನಿಲ್ಲಾ, ಕೆಂಪು ಕೋಕಾ ಪೇಸ್ಟ್ ಹಾಕಿ ಚೆನ್ನಾಗಿ ಮಿಶ್ರ ಮಡಬೇಕು.

5. ಈಗ ಈ ಮೊಸರು ಮಿಶ್ರಣವನ್ನು ಮೈದಾಮಿಶ್ರಣದ ಜೊತೆ ಬೆರೆಸಿ ಚೆನ್ನಾಗಿ ಕಲಿಸಬೇಕು.

6. ಈಗ ವಿನಿಗರ್ ಮತ್ತು 1 ಚಮಚ ಅಡುಗೆ ಸೋಡಾವನ್ನು ಸಣ್ಣ ಬಟ್ಟಲಿನಲ್ಲಿ ಮಿಶ್ರ ಮಾಡಿ ಅದನ್ನು ಮೊಸರು ಮತ್ತು ಮೈದಾ ಮಿಶ್ರಣದ ಜೊತೆ ಬೆರೆಸಿ ಮತ್ತೊಮ್ಮೆ ಮಿಶ್ರ ಮಾಡಬೇಕು.

7. ಮೈಕ್ರೋವೇವ್ ಅನ್ನು 350 ಡಿಗ್ರಿ ಫ್ಯಾರನ್ ಹೀಟ್ ಉಷ್ಣತೆಗೆ ಬಿಸಿ ಮಾಡಿರಬೇಕು.

8. ನಂತರ ಈ ಮಿಶ್ರಣವನ್ನು ಟಿನ್ ಕಪ್ ಗೆ ಬಟ್ಟರ್ ಪೇಪರ್ ಹಾಕಿ ಅದರ ಮೇಲೆ ಸುರಿದು ಬೇಯಿಸಬೇಕು. ಆ ಕೇಕ್ ಕಪ್ ನಿಂದ ಹೊರ ತೆಗೆಯುವಾಗ ಅಂಟದೆ ಸುಲಭವಾಗಿ ಬರುವಂತೆ ಬೇಯಿಸಬೇಕು.

ಈಗ ತಯಾರಾದ ಕೇಕ್ ಅನ್ನು ಅಂದದ ಬಟ್ಟಲಿನಲ್ಲಿ ಹಾಕಿ ನಿಮ್ಮ ಸಂಗಾತಿ ಜೊತೆ ಕೇಕ್ ಸವಿಯುತ್ತಾ ಪ್ರೇಮಿಗಳ ದಿನವನ್ನು ಸಂತೋಷದಿಂದ ಕಳಿಯಿರಿ.