ಚಿತ್ರ ಮಾಹಿತಿ:ಪನ್ನೀರ್ ಕ್ಯಾಪ್ಸಿಕಂ ಪೆಪ್ಪರ್ ಡ್ರೈ

ಸ್ಟೆಪ್ 1

ಸಾಮಾಗ್ರಿಗಳಲ್ಲಿ ಈರುಳ್ಳಿ, ಪನ್ನೀರ್, ಕ್ಯಾಪ್ಸಿಕಂ ಇವುಗಳನ್ನು ಕತ್ತರಿಸಿ. ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಕರಿ ಮೆಣಸಿನ ಪುಡಿ, ಹಸಿ ಮೆಣಸು, ಉಪ್ಪು, ಮೆಂತೆ, ಹಿಂಗು ಇವುಗಳನ್ನು ಜೋಡಿಸಿ ಇಡಿ.

ಸ್ಟೆಪ್ 2

ಈಗ ಬಾಣಲೆಯನ್ನು ಉರಿಯಲ್ಲಿಟ್ಟು ಸ್ವಲ್ಪ ಎಣ್ಣೆ ಹಾಕಿ ಬಿಸಿ ಮಾಡಿ. ಅದಕ್ಕೆ ಕತ್ತರಿಸಿದ ಪನ್ನೀರ್ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿದು ಮತ್ತೊಂದು ಪಾತ್ರೆಯಲ್ಲಿ ಹಾಕಿಡಿ.

ಸ್ಟೆಪ್ 3

ಈಗ ಬಾಣಲಿಗೆ ಸ್ವಲ್ಪ ಎಣ್ಣೆ ಹಾಕಿ ಅದಕ್ಕೆ ಸ್ವಲ್ಪ ಮೆಂತೆ ಹಾಕಿ , ಹಸಿ ಮೆಣಸಿನಕಾಯಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ 2-3 ನಿಮಿಷ ಹುರಿಯಿರಿ.

ಸ್ಟೆಪ್ 4

ಸ್ವಲ್ಪ ಕರಿ ಬೇವಿನ ಎಲೆ, ಈರುಳ್ಳಿ ಹಾಕಿ ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ.

ಸ್ಟೆಪ್ 5

ಈಗ, ಫ್ರೈ ಮಾಡಿದ ಪನ್ನೀರ್ ಹಾಗೂ ಕರಿ ಮೆಣಸಿನ ಪುಡಿ ಹಾಕಿ.

ಸ್ಟೆಪ್ 6

ನಂತರ ದುಂಡು ಮೆಣಸಿನಕಾಯಿ ಹಾಕಿ, ಕರಿ ಮೆಣಸಿನ ಪುಡಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಚೆನ್ನಾಗಿ ಫ್ರೈ ಮಾಡಿದರೆ ಪನ್ನೀರ್ ಕ್ಯಾಪ್ಸಿಕಂ ಪೆಪ್ಪರ್ ಡ್ರೈ ರೆಡಿ. ಇದನ್ನು ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ.

ಸ್ಟೆಪ್ 7

ಈಗ ರೆಡಿಯಾದ ಕ್ಯಾಪ್ಸಿಕಂ ಅನ್ನು ಬಟ್ಟಲಿನಲ್ಲಿ ಹಾಕಿ ಮನೆಯವರಿಗೆ ಸವಿಯಲು ಕೊಡಿ.