ಸಂಜೆಯ ಸ್ನ್ಯಾಕ್ಸ್ ರೆಸಿಪಿ: ಚಿಕನ್ ಈರುಳ್ಳಿ ಪಕೋಡಾ!

ಸಂಜೆಯ ಟೀಯೊಂದಿಗೆ ಆರೋಗ್ಯಕರವಾಗಿರುವ ಕುರುಕಲು ಟೀಯ ಸ್ವಾದವನ್ನು ಹೆಚ್ಚಿಸುತ್ತದೆ. ಬರೀ ಟೀ ಸಂಜೆಯ ವಾತಾವರಣವನ್ನು ಸಪ್ಪೆಯಾಗಿಸುವುದೂ ಖಂಡಿತ. ಆದರೆ ಲೈಟ್ ಆದ ಸ್ನ್ಯಾಕ್ಸ್ ಟೀ ಜೊತೆಗಿದ್ದರೆ ಅದರ ಮಜವೇ ಬೇರೆ ಅಲ್ಲವೇ...

ಅದಕ್ಕಾಗಿ ನಿಮ್ಮ ಇಂದಿನ ಸಂಜೆಯ ಸ್ವಾದವನ್ನು ಹೆಚ್ಚಿಸಲು ನಾವು ಬರುತ್ತಿದ್ದೇವೆ ಗರಿಗರಿಯಾದ ಚಿಕನ್ ಹಾಗೂ ಈರುಳ್ಳಿ ಪಕೋಡಾದೊಂದಿಗೆ. ಸುಲಭದಲ್ಲೇ ತಯಾರಿಸಬಹುದಾದ ಈ ಸ್ನ್ಯಾಕ್ಸ್ ಅನ್ನು ನಿಮ್ಮ ಮನೆಯವರು ಖಂಡಿತ ಇಷ್ಟಪಡುತ್ತಾರೆ.

ಪ್ರಮಾಣ: 4
ಸಿದ್ಧತಾ ಸಮಯ: 20 ನಿಮಿಷಗಳು
ಅಡುಗೆಗೆ ಬೇಕಾದ ಸಮಯ: 15 ನಿಮಿಷಗಳು

ನೀವು ಮಂಗಳೂರು ಬನ್ಸ್ ರೆಸಿಪಿಯ ರುಚಿ ನೋಡಿದಿರಾ?

ಸಾಮಾಗ್ರಿಗಳು:
. ಚಿಕನ್ (ಬೋನ್‌ಲೆಸ್) 200 ಗ್ರಾಂ (ಸಣ್ಣದಾಗಿ ಕತ್ತರಿಸಿದ್ದು)
.ಈರುಳ್ಳಿ ರಿಂಗ್‌ಗಳು - 100 ಗ್ರಾಂ
.ಹಸಿಮೆಣಸು - 4 (ಕತ್ತರಿಸಿದ್ದು)
.ಕೊತ್ತಂಬರಿ ಸೊಪ್ಪು - 2 ಎಸಳು (ಕತ್ತರಿಸಿದ್ದು)
.ಕಡಲೆ ಹಿಟ್ಟು - 1 ಕಪ್
.ಕಬಾಬ್ ಮಸಾಲಾ - 1 ಸ್ಪೂನ್
.ಫೆನ್ನಲ್ ಬೀಜಗಳು - 1/2 ಸ್ಪೂನ್
.ಉಪ್ಪು - ರುಚಿಗೆ ತಕ್ಕಷ್ಟು
.ಎಣ್ಣೆ - 3 ಕಪ್‌ಗಳು

ರುಚಿ ರುಚಿಯಾದ ಕಡ್ಲೆಬೇಳೆ ಆಂಬೋಡೆ ರೆಸಿಪಿ!

ಮಾಡುವ ವಿಧಾನ:
1. ಕಡಲೆಹಿಟ್ಟನ್ನು ನೀರು, ಉಪ್ಪು ಹಾಗೂ ಕಬಾಬ್ ಮಸಾಲಾದೊಂದಿಗೆ ಮಿಶ್ರ ಮಾಡಿಕೊಳ್ಳಿ.
2. ಚೆನ್ನಾಗಿ ಮಿಶ್ರ ಮಾಡಿಕೊಳ್ಳಿ ಮತ್ತು ಗಂಟುಗಳು ಇರದಂತೆ ನೋಡಿಕೊಳ್ಳಿ.
3. ನಂತರ ಹಸಿಮೆಣಸು, ಫೆನ್ನಲ್ ಸೀಡ್ಸ್ ಹಾಗೂ ಕೊತ್ತಂಬರಿ ಸೊಪ್ಪನ್ನು ಮಿಶ್ರಣಕ್ಕೆ ಹಾಕಿ.
4. ಕೊನೆಗೆ ಚಿಕನ್ ತುಂಡುಗಳು ಹಾಗೂ ಈರುಳ್ಳಿ ರಿಂಗ್ ಅನ್ನು ಹಿಟ್ಟಿಗೆ ಹಾಕಿ
5. ಬಾಣಲೆಗೆ ಎಣ್ಣೆ ಹಾಕಿ ಅದನ್ನು ಬಿಸಿ ಮಾಡಿ.
6. ಈಗ ಹಿಟ್ಟಿನಲ್ಲಿ ಅದ್ದಿದ ಚಿಕನ್ ತುಂಡುಗಳು ಮತ್ತು ಈರುಳ್ಳಿ ರಿಂಗ್ ಅನ್ನು ಎಣ್ಣೆಗೆ ಹಾಕಿ.
7. ಉರಿಯನ್ನು ಕಡಿಮೆಗೊಳಿಸಿ ಮತ್ತು ಪಕೋಡಾ ಚಿನ್ನ ಮಿಶ್ರಿತ ಕಂದು ಬಣ್ಣಕ್ಕೆ ತಿರುಗುವವರೆಗೆ ಕರಿಯಿರಿ.
8. ಈ ಗರಿಗರಿಯಾದ ಚಿಕನ್ ಈರುಳ್ಳಿ ಪಕೋಡಾವನ್ನು ಸಂಜೆಯ ಕಾಫಿ ಅಥವಾ ಟೀಯೊಂದಿಗೆ ನಿಮಗೆ ಸವಿಯಬಹುದು.