ಬಿಸಿಬಿಸಿಯಾಗಿ ತಿನ್ನಲು ಆಲೂ ಪನ್ನೀರ್ ಟಿಕ್ಕಿ

Snacks

oi-Reena

By Hema S

Updated: Saturday, July 28, 2012, 18:15 [IST]

ಆಲೂಗೆಡ್ಡೆಯಿಂದ ತಯಾರಿಸಿದ ಟಿಕ್ಕಿ ರುಚಿ ನೋಡಿರಬಹುದು, ಪನ್ನೀರ್ ಟಿಕ್ಕಿ ರುಚಿ ನೋಡಿರಬಹುದು. ಆಲೂ ಮತ್ತು ಪನ್ನೀರ್ ಹಾಕಿ ತಯಾರಿಸಿದ ಆಲೂ ಪನ್ನೀರ್ ಟಿಕ್ಕಿ ರುಚಿ ನೋಡಿದ್ದೀರಾ? ಈ ಟಿಕ್ಕಿ ಬಲು ಸುಲಭವಾಗಿ ತಯಾರಿಸಬಹುದಾಗಿದ್ದು ಇದನ್ನು ತಯಾರಿಸುವ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಆಲೂಗಡ್ಡೆ 4
* ಜೋಳದ ಹಿಟ್ಟು ( ಕಾರ್ನ್ ಫ್ಲಾರ್) 1/2 ಕಪ್
* ರುಚಿಗೆ ತಕ್ಕಷ್ಟು ಉಪ್ಪು
* ಕರಿಯಲು ಎಣ್ಣೆ

ಹೂರಣಕ್ಕೆ:
* ಒಂದು ಚಮಚ ಎಣ್ಣೆ
* ಅರ್ಧ ಕಪ್ ಪನ್ನೀರ್
* ಎರಡು ದೊಡ್ಡ ಚಮಚ ನೆನಸಿದ ಕಡಲೆ ಬೇಳೆ
* ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್ ಒಂದೊಂದು ಚಮಚ
* ಹಸಿಮೆಣಸಿನ ಕಾಯಿ ಪೇಸ್ಟ್ ಒಂದು ಚಮಚ

ತಯಾರಿಸುವ ವಿಧಾನ:

1. ಬೇಯಿಸಿದ ಆಲೂಗಡ್ಡೆಯನ್ನು ಸಿಪ್ಪೆ ಸುಲಿದು ಅದನ್ನು ಚೆನ್ನಾಗಿ ಹಿಸುಕಿ ಅದಕ್ಕೆ ಜೋಳದ ಹಿಟ್ಟು ಮತ್ತು ಉಪ್ಪು ಸೇರಿಸಿ ಚಪಾತಿ ಹಿಟ್ಟಿನ ಹದಕ್ಕೆ( ನೀರು ಹಾಕದೇ) ಕಲೆಸಬೇಕು.

2. ನಂತರ ಬಾಣಲೆಯನ್ನು ಎಣ್ಣೆಗೆ ಬೆಳ್ಳುಳ್ಳಿ ಶುಂಠಿ ಪೇಸ್ಟ್ , ಹಸಿಮೆಣಸಿನ ಕಾಯಿ ಪೇಸ್ಟ್ ಹಾಕಿ ಕಡಲೆ ಬೇಳೆ ಹಾಕಿ ಸ್ವಲ್ಪ ಹೊತ್ತು ಹುರಿಯಬೇಕು. ನಂತರ ಪನ್ನೀರ್ ಅನ್ನು ಪುಡಿ ಮಾಡಿ ಅದಕ್ಕೆ ಸೇರಿಸಿ ಎರಡು ನಿಮಿಷದ ಬಿಸಿ ಮಾಡಿ ನಂತರ ಉರಿಯಿಂದ ತೆಗೆಯಬೇಕು. ತಣಿದ ಮೇಲೆ ಉಪ್ಪು ಸೇರಿಸಿ ಮಿಶ್ರ ಮಾಡಬೇಕು. ಹೀಗೆ ಮಾಡಿದರೆ ಹೂರಣ ರೆಡಿ.

3. ಆಲೂಗಡ್ಡೆಯ ಹಿಟ್ಟನ್ನು ಒಂದು ಪೂರಿಗಾಗುವಷ್ಟು ಕೈಯಲ್ಲಿ ತೆಗೆದುಕೊಂಡು ತಟ್ಟಿ ಅದರೊಳಗೆ ಒಂದೂವರೆ ಚಮಚ ಹೂರಣವನ್ನು ಹಾಕಿ ಉಂಡೆ ಕಟ್ಟಿ ನಂತರ ತಟ್ಟಿ ಚಪ್ಪಟೆ ಮಾಡಬೇಕು.

4. ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾಯಿಸಿ ಅದರಲ್ಲಿ ಈ ಟಿಕ್ಕಿ ಹಾಕಿ ಕಂದು ಬಣ್ಣ ಬರುವವರೆಗೆ ಕರಿದರೆ ಬಾಯಲ್ಲಿ ನೀರೂರಿಸುವ ರುಚಿಯ ಟಿಕ್ಕಿ ರೆಡಿ.

ಇದನ್ನು ಬಿಸಿಬಿಸಿಯಾಗಿ ಟೊಮೆಟೊ ಸಾಸ್ ಜೊತೆ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.