ಮಕ್ಕಳಿಗೆ ಇಷ್ಟ ಗರಿ ಗರಿ ಬ್ರೆಡ್ ಚೀಸ್ ಬಾಲ್

Snacks

oi-Sumalatha

By Sumalatha

Published: Friday, December 16, 2011, 11:56 [IST]

ಮಕ್ಕಳಿಗೆ ಗರಿ ಗರಿ ತಿಂಡಿಗಳೆಂದರೆ ತುಂಬಾ ಇಷ್ಟ. ಅದರಲ್ಲೂ ಚೀಸ್ ಬಾಲ್ ಅವರಿಗೆ ಅಚ್ಚುಮೆಚ್ಚಾಗುವುದರಲ್ಲಿ ಸಂಶಯವೇ ಇಲ್ಲ. ಬ್ರೆಡ್ ನೊಂದಿಗೆ ಚೀಸ್ ಬಾಲ್ ಸುಲಭವಾಗಿ ತಯಾರಿಸಬಹುದು. ಕ್ರಿಸ್ಮಸ್ ಗೂ ಈ ತಿಂಡಿಯನ್ನು ಮಾಡಬಹುದು. ಬ್ರೆಡ್ ಚೀಸ್ ಬಾಲ್ ತಯಾರಿಸಲು ಹೆಚ್ಚು ಸಾಮಗ್ರಿಗಳೂ ಬೇಕಿಲ್ಲ. ಬ್ರೆಡ್ ಚೀಸ್ ಬಾಲ್ ಮಾಡುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಬ್ರೆಡ್ ಚೀಸ್ ಬಾಲ್ ಗೆ ಬೇಕಾಗುವ ಸಾಮಗ್ರಿ:
* 1 ಕಪ್ ಚೀಸ್ (ತುರಿದಿರಬೇಕು)
* 2 ಚಿಕ್ಕ ಈರುಳ್ಳಿ (ಕತ್ತರಿಸಿದ್ದು)
* ಬ್ರೆಡ್ ತುಂಡು
* ಕತ್ತರಿಸಿದ ಹಸಿರು ಮೆಣಸಿನಕಾಯಿ
* ಮೆಣಸಿನ ಪುಡಿ
* ಉಪ್ಪು
* ಕೊತ್ತಂಬರಿ, ಎಣ್ಣೆ

ಬ್ರೆಡ್ ಚೀಸ್ ಬಾಲ್ ತಯಾರಿಸುವ ವಿಧಾನ:
1. ಮೊದಲು ಚೀಸ್, ಈರುಳ್ಳಿ, ಮೆಣಸಿನಕಾಯಿ, ಉಪ್ಪು, ಮೆಣಸಿನ ಪುಡಿ ಮತ್ತು ಕೊತ್ತಂಬರಿಯನ್ನು ಬಟ್ಟಲಿನಲ್ಲಿ ಚೆನ್ನಾಗಿ ಬೆರೆಸಬೇಕು.
2. ಬ್ರೆಡ್ ತುದಿಯನ್ನು ತೆಗೆದು, ಚಮಚದ ಸಹಾಯದಿಂದ ಚೀಸ್ ಮಿಶ್ರಣವನ್ನು ಬ್ರೆಡ್ ಮಧ್ಯೆ ಹಾಕಿ ಚಿಕ್ಕ ಚೆಂಡಿನಂತೆ ಸುತ್ತಬೇಕು. ಬೇಕೆಂದರೆ ನೀರನ್ನೂ ಬಳಸಬಹುದು.
3. ಬ್ರೆಡ್ಡನ್ನು ಹೀಗೆ ಬಾಲ್ ನಂತೆ ಮಾಡಿಕೊಂಡ ನಂತರ ಬಾಣಲೆಯಲ್ಲಿ ಎಣ್ಣೆ ಕಾಯಿಸಬೇಕು. ಬ್ರೆಡ್ ಸ್ವಲ್ಪ ಕೆಂಪಗಾಗುವವರೆಗೂ ಹುರಿದು ಪೇಪರ್ ಮೇಲೆ ಎಣ್ಣೆ ಹೀರಿಕೊಳ್ಳಲು ಬಿಡಬೇಕು.

ಈಗ ಬ್ರೆಡ್ ಚೀಸ್ ಬಾಲ್ ತಿನ್ನಲು ರೆಡಿಯಾಗಿರುತ್ತೆ. ಇದರೊಂದಿಗೆ ಚಿಲ್ಲಿ ಸಾಸ್ ಅಥವಾ ಟೊಮೆಟೊ ಕೆಚಪ್ ಇನ್ನೂ ರುಚಿ ನೀಡುತ್ತೆ.