ಪೂರಿ ಹಿಟ್ಟಿನಿಂದ ರುಚಿಕರ ಆಲೂ ಕಚೋರಿ

Snacks

oi-Reena

By Hema S

Published: Wednesday, March 7, 2012, 15:48 [IST]

ಖಾರ ಪ್ರಿಯರಿಗೆ ಆಲೂ ಕಚೋರಿ ಕಂಡರೆ ಬಾಯಲ್ಲಿ ನೀರೂರುವುದು ಗ್ಯಾರಂಟಿ. ತಿನ್ನಲು ತುಂಬಾ ರುಚಿಕರವಾಗಿರುವ ಈ ತಿಂಡಿಯನ್ನು ಮಾಡಲು ಹೆಚ್ಚಿನ ಸಮಯವೇನು ತೆಗೆದುಕೊಳ್ಳುವುದಿಲ್ಲ. ಆಲೂಕಚೋರಿ ಮಾಡುವ ಸುಲಭ ವಿಧಾನ ನೋಡಿ ಇಲ್ಲಿದೆ.
ಸೂಚನೆ: ಪೂರಿಯ ಮಿಶ್ರಣವನ್ನು ಮಾಡಿಡಬೇಕು.

ಬೇಕಾಗುವ ಸಾಮಾಗ್ರಿಗಳು:

1. ಆಲೂಗೆಡ್ಡೆ 8-10 (ಬೇಯಿಸಿದ್ದು)
2. ಆರ್ರೋರೂಟ್ 100 ಗ್ರಾಂ
3. ತುರಿದ ತೆಂಗಿನ ಕಾಯಿ 1 ಕಪ್
4. ಹೆಸರು ಬೇಳೆ (ರಾತ್ರಿಯಲ್ಲಿ ನೆನೆ ಹಾಕಿರಬೇಕು)
5. ಹಸಿಮೆಣಸಿ ಕಾಯಿ 5-6
6. ಒಣಗಿದ ಮಾವಿನ ಹಣ್ಣಿನ ಪುಡಿ 1 ಚಮಚ
7. ಚಿಟಿಕೆಯಷ್ಟು ಇಂಗು
8. ಎಣ್ಣೆ 1 ಕಪ್
9. ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಹೆಸರು ಬೇಳೆ ಮತ್ತು ಆಲೂಗೆಡ್ಡೆಯನ್ನು ಸ್ವಲ್ಪ ಉಪ್ಪು ಹಾಕಿ ಬೇಯಿಸಬೇಕು. ಈಗ ಆಲೂಗೆಡ್ಡೆಯನ್ನು ಸೌಟ್ ನಿಂದ ಹಿಸುಕಬೇಕು.

2. ಆರ್ರೋರೂಟ್ ಅನ್ನು 2 ಗ್ಲಾಸ್ ನೀರಿನಲ್ಲಿ ಕಲಿಸಿ ಅದರಲ್ಲಿ ಚೆನ್ನಾಗಿ ಹಿಸುಕಿದ ಆಲೂಗೆಡ್ಡೆ ಹಾಕಿ ಚಿಟಿಕೆಯಷ್ಟು ಇಂಗು ಹಾಕಿ ಚೆನ್ನಾಗಿ ಕಲೆಸಬೇಕು.

3. ಈಗ ತುರಿದ ತೆಂಗಿನ ಕಾಯಿಯನ್ನು ಬೇಯಿಸಿದ ಹೆಸರು ಬೇಳೆ ಜೊತೆ ಮಿಶ್ರ ಮಾಡಿ, ಹಸಿಮೆಣಸಿನ ಕಾಯಿ ಕತ್ತರಿಸಿ ಹಾಕಬೇಕು.

4. ಈಗ ಪೂರಿಯ ಮಿಶ್ರಣದಿಂದ ಚಿಕ್ಕ ಪೂರಿ ರೀತಿ ಮಾಡಿ ಅದಕ್ಕೆ ಆಲೂಗೆಡ್ಡೆ ಮಿಶ್ರಣವನ್ನು ಹಾಕಿ ಹರಡಬೇಕು, ನಂತರ ಒಂದು ಚಮಚದಷ್ಟು ಬೇಯಿಸಿದ ಬೇಳೆ ಮತ್ತು ತುರಿದ ತೆಂಗಿನಕಾಯಿ ಮಿಶ್ರಣವನ್ನು ಹಾಕಿ ಉಂಡೆ ಕಟ್ಟಬೇಕು.

5. ಬಾಣಲೆಯನ್ನು ಎಣ್ಣೆಯನ್ನು ಹಾಕಿ ಬಿಸಿ ಮಾಡಬೇಕು. ಎಣ್ಣೆ ಕುದಿ ಬರಲಾರಂಭಿಸಿದಾಗ ಅದರಲ್ಲಿ ಈ ಉಂಡೆಯನ್ನು ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

ಈಗ ರುಚಿಕರವಾದ ಆಲೂ ಕಚೋರಿ ರೆಡಿ. ಇದು ಬಿಸಿಯಾಗಿರುವಾಗ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.