ಸ್ಪೆಷಲ್ ಮಸಾಲೆ ಹಾಕಿ ಮಾಡಿದ ರಾಜ್ಮಾ ಗ್ರೇವಿ

ಎಷ್ಟಾದರೂ ಮನೆಯಲ್ಲಿ ಮಾಡಿದ ಮಸಾಲೆಯಷ್ಟು ರುಚಿ, ರೆಡ್ ಮೇಡ್ ಮಸಾಲೆಗೆ ಬರಲು ಸಾಧ್ಯವಿಲ್ಲ. ದಿನಾಲೂ ರೆಡಿ ಮೇಡ್ ಮಸಾಲೆ ಬಳಸಿ ಅಡುಗೆ ಮಾಡುತ್ತಿದ್ದರೆ, ಫಾರ್ ಎ ಚೇಂಜ್ ನೀವೇ ಮಸಾಲೆ ಪುಡಿ ತಯಾರಿಸಿ, ಈ ರಾಜ್ಮಾ ಗ್ರೇವಿ ತಯಾರಿಸಿ ನೋಡಿ, ನೀವು ಮಾಮೂಲಿ ಮಾಡುವ ಅಡುಗೆಗಿಂತ ಟೇಸ್ಟಿಯಾಗಿದೆ ಎನ್ನದಿದ್ದರೆ ಮತ್ತೆ ಕೇಳಿ.

ಬನ್ನಿ ಈ ಗ್ರೇವಿ ಮಾಡುವುದು ಹೇಗೆ ಎಂದು ನೋಡೋಣವೇ?

ಬೇಕಾಗುವ ಸಾಮಾಗ್ರಿಗಳು

ರಾಜ್ಮಾ 1 ಕಪ್
ಈರುಳ್ಳಿ 2
ಶುಂಠಿ 1 ಚಿಕ್ಕ ಪೀಸ್
ಬೆಳ್ಳುಳ್ಳಿ 4-5ಎಸಳು
ಟೊಮೆಟೊ 2
ಜೀರಿಗೆ 1 ಚಮಚ
ರುಚಿಗೆ ತಕ್ಕ ಉಪ್ಪು
ನೀರು 2 ಕಪ್
ಎಣ್ಣೆ 2 ಚಮಚ

ಮಸಾಲ ಮಾಡಲು

1 ಇಂಚಿನಷ್ಟು ದೊಡ್ಡದಿರುವ ಚಕ್ಕೆ
ಏಲಕ್ಕಿ 1
ಒಣ ಮೆಣಸು 4-5
ಕೊತ್ತಂಬರಿ ಬೀಜ 1 ಚಮಚ
ಲವಂಗ 3
ಕರಿ ಮೆಣಸು 4-5
ನಟ್ ಮಗ್ 1
ಸ್ವಲ್ಪ ಜಾಯಿಕಾಯಿ
ಈ ಎಲ್ಲಾ ಮಸಾಲೆಯನ್ನು 3-4 ನಿಮಿಷ ರೋಸ್ಟ್ ಮಾಡಿ ಪುಡಿ ಮಾಡಿ ಇಡಿ.

ತಯಾರಿಸುವ ವಿಧಾನ:

* ರಾಜ್ಮಾವನ್ನು 4-5 ಗಂಟೆಗಳ ಕಾಲ ನೀರಿನಲ್ಲಿ ನೆನೆ ಹಾಕಿ.

* ನಂತರ ತೊಳೆದು ಕುಕ್ಕರ್ ನಲ್ಲಿ ಹಾಕಿ 2 ಕಪ್ ನೀರು ಸೇರಿಸಿ, ಅರ್ಧ ಚಮಚ ಪುಡಿ ಉಪ್ಪು ಸೇರಿಸಿ 3 ವಿಶಲ್ ಬರುವವರೆಗೆ ಬೇಯಿಸಿ.

* ಈಗ ಪಾತ್ರೆಗೆ ಎಣ್ಣೆ ಹಾಕಿ ಬಿಸಿ ಮಾಡಿ ನಂತರ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ, ಈಗ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ.

* ನಂತರ ಟೊಮೆಟೊ ಹಾಕಿ ಮೆತ್ತಗಾಗುವವರೆಗೆ ಹುರಿಯಿರಿ, ಈಗ ಜೀರಿಗೆ, ಮಾಡಿದ ಗರಂ ಗರಂ ಮಸಾಲ, ರುಚಿಗೆ ತಕ್ಕ ಉಪ್ಪು ಹಾಕಿ 2 ನಿಮಿಷ ಸೌಟ್ ನಿಂದ ಉರಿಯಿರಿ.

* ಈಗ ಬೇಯಿಸಿದ ರಾಜ್ಮಾ ಹಾಕಿ ಮಿಕ್ಸ್ ಮಾಡಿ 10 ನಿಮಿಷ ಬೇಯಿಸಿ, ಕೊನೆಗೆ ಉಪ್ಪು ಸರಿಯಾಗಿದೆಯೇ ಎಂದು ನೋಡಿ ಉರಿಯಿಂದ ಇಳಿಸಿದರೆ ರಾಜ್ಮಾ ಗ್ರೇವಿ ರೆಡಿ.