ಪಾಲಾಕ್ ಪನ್ನೀರ್ ಗ್ರೇವಿ ರೆಸಿಪಿ

Rasam

oi-Reena

By Hema S

Updated: Wednesday, September 12, 2012, 9:17 [IST]

ಪಾಲಾಕ್ ಪನ್ನೀರ್ ಗ್ರೇವಿ ರೊಟ್ಟಿ ಅಥವಾ ಚಪಾತಿ ಜೊತೆ ಸವೆಯಲು ತುಂಬಾ ರುಚಿಕರವಾಗಿರುತ್ತದೆ ಹಾಗೂ ಆರೋಗ್ಯಕ್ಕೂ ಒಳ್ಳೆಯದು. ಈ ಪಾಲಾಕ್ ಪನ್ನೀರ್ ಗ್ರೇವಿಯನ್ನು ಸುಲಭವಾಗಿ ತಯಾರಿಸಬಹುದಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು:

ಪನ್ನೀರ್ 1 ಕಪ್
ಪಾಲಾಕ್ ಸೊಪ್ಪು ಒಂದು ಕಟ್ಟು
ಈರುಳ್ಳಿ 2
ಟೊಮೆಟೊ 2
ಜೀರಿಗೆ ಒಂದು ಚಮಚ
ಮೆಣಸಿನ ಪುಡಿ 2 ಟೀ ಚಮಚ
ಗರಂ ಮಸಾಲೆ ಪುಡಿ 1 ಟೀ ಚಮಚ
ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್ ಒಂದೊಂದು ಟೀ ಚಮಚ
ರುಚಿಗೆ ತಕ್ಕ ಉಪ್ಪು
ಎಣ್ಣೆ

ಮಾಡುವ ವಿಧಾನ:

ಸೂಚನೆ: ಬಾಣಲೆಗೆ ಎಣ್ಣೆ ಹಾಕಿ ಎಣ್ಣೆ ಬಿಸಿಯಾದಾಗ ಪಾಲಾಕ್ ಸೊಪ್ಪನ್ನು ಚೆನ್ನಾಗಿ ಹುರಿದು ನಂತರ ಅದನ್ನು ಮಿಕ್ಸಿಯಲ್ಲಿ ನುಣ್ಣಗೆ ಅರೆಯಬೇಕು.

1. ಒಂದು ಬಾಣಲೆಯಲ್ಲಿ ಎಣ್ಣೆ ಹಾಕಿ ಬಿಸಿ ಮಾಡಬೇಕು. ಎಣ್ಣೆ ಬಿಸಿಯಾದಾಗ ಜೀರಿಗೆ ಹಾಕಿ ನಂತರ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

2. ನಂತರ ಟೊಮೆಟೊ ಹಾಕಿ ಮೆತ್ತಗಾಗುವವರೆಗೆ ಹುರಿಯಬೇಕು. ನಂತರ ಗರಂ ಮಸಾಲೆ ಪುಡಿ, ಮೆಣಸಿನ ಪುಡಿ, ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್ ಹಾಕಿ 2-3 ನಿಮಿಷ ಹುರಿಯಬೇಕು. ಅದಕ್ಕೆ ಪನ್ನೀರ್ ಹಾಕಿ ಮತ್ತೆ 2-3 ನಿಮಿಷ ಹುರಿದು ನುಣ್ಣಗೆ ಅರೆದ ಪಾಲಾಕ್ ಅನ್ನು ಹಾಕಿ ರುಚಿಗೆ ತಕ್ಕ ಉಪ್ಪು ಹಾಕಿ ಕುದಿಸಿದರೆ ಚಪಾತಿ ಜೊತೆ ನೆಚ್ಚಿಕೊಂಡು ತಿನ್ನಲು ಪನ್ನೀರ್ ಪಾಲಾಕ್ ಗ್ರೇವಿ ರೆಡಿ.