ತೆಂಗಿನ ಹಾಲಿನಲ್ಲಿ ಮಾಡುವ ಅಲಸಂದೆ ಪಲ್ಯ!

ಈ ಪಲ್ಯವನ್ನು ಮೊಳಕೆ ಬರಿಸಿದ ಅಲಸಂದೆ ಹಾಕಿ ತಯಾರಿಸಿದರೆ ತುಂಬಾ ರುಚಿಕರವಾಗಿರುತ್ತದೆ. ಸಾಮಾನ್ಯವಾಗಿ ಪಲ್ಯಗಳಿಗೆ ತುರಿದ ತೆಂಗಿನ ಕಾಯಿ ಹಾಕಿ ತಯಾರಿಸುತ್ತೇವೆ, ಆದರೆ ಈ ಪಲ್ಯವನ್ನು ತೆಂಗಿನ ಹಾಲಿನಲ್ಲಿ ತಯಾರಿಸುವುದರಿಂದ ಪಲ್ಯ ಮತ್ತಷ್ಟು ರುಚಿಕರವಾಗಿರುತ್ತದೆ. ಈ ಅಲಸಂದೆ ಪಲ್ಯ ಮಾಡುವ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಮೊಳಕೆ ಬರಿಸಿದ ಅಲಸಂದೆ 250 ಗ್ರಾಂ
* 2 ಚಮಚ ಬೆಣ್ಣೆ
* 2 ಚಿಕ್ಕ ಗಾತ್ರದ ಈರುಳ್ಳಿ (ಕತ್ತರಿಸಿದ್ದು)
* ಕತ್ತರಿಸಿದ ಟೊಮೆಟೊ 1
* 2 ಚಮಚ ಶುಂಠಿ ಪೇಸ್ಟ್
* 1 ಚಮಚ ಬೆಳ್ಳುಳ್ಳಿ ಪೇಸ್ಟ್
* ಒಂದೂವರೆ ಚಮಚ ಹಸಿ ಮೆಣಸಿನ ಕಾಯಿ ಪೇಸ್ಟ್
* ಅರ್ಧ ಕಪ್ ತೆಂಗಿನ ಹಾಲು
* 1/4 ಚಮಚ ಅರಿಶಿಣ
* ಒಂದೂವರೆ ಚಮಚ ಪುಡಿ ಉಪ್ಪು
* 2 ಚಮಚದಷ್ಟು ಚಿಕ್ಕದಾಗಿ ಕತ್ತರಿಸಿದ ಕೊತ್ತಂಬರಿ ಸೊಪ್ಪು

ತಯಾರಿಸುವ ವಿಧಾನ:

1. ಪಾತ್ರೆಯನ್ನು ಬಿಸಿ ಮಾಡಿ ಅದರಲ್ಲಿ ಕತ್ತರಿಸಿ ಈರುಳ್ಳಿ ಹಾಕಿ ಕಂದು ಬಣ್ಣಕ್ಕೆ ಬರುವವರೆಗೆ ಹುರಿಯಬೇಕು.

2. ನಂತರ ಶುಂಠಿ, ಹಸಿಮೆಣಸಿನ ಕಾಯಿ, ಬೆಳ್ಳುಳ್ಳಿ ಇವುಗಳ ಪೇಸ್ಟ್ ಹಾಕಿ 2 ನಿಮಿಷ ಬಿಸಿ ಮಾಡಬೇಕು.

3. ಈಗ ಅಲಸಂದೆಯನ್ನು ಸೇರಿಸಿ, 3-4 ನಿಮಿಷ ಹುರಿಯಬೇಕು. ನಂತರ ಟೊಮೆಟೊ, ಉಪ್ಪು ಮತ್ತು ಅರಿಶಿಣ ಪುಡಿ ಹಾಕಿ , ಟೊಮೆಟೊ ಮೆತ್ತಗಾಗುವವರೆಗೆ ಹುರಿದು, ನಂತರ ತೆಂಗಿನ ಹಾಲನ್ನು ಹಾಕಿ ಪಾತ್ರೆಯ ಬಾಯಿ ಮುಚ್ಚಿ ಅಲಸಂದೆಯನ್ನು ಬೇಯಿಸಬೇಕು.

4. ಅಲಸಂದೆ ಬೆಂದ ನಂತರ ಅದನ್ನು ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಬೇಕು.

ಇದನ್ನು ಅನ್ನ ಅಥವಾ ಚಪಾತಿ ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.