ಟು ಇನ್ ಒನ್ ರೆಸಿಪಿ- ಕ್ಯಾಪ್ಸಿಕಂ ಬುರ್ಜಿ

ಈ ಕ್ಯಾಪ್ಸಿಕಂ ಬುರ್ಜಿಯನ್ನು ತಯಾರಿಸುವುದು ತುಂಬಾ ಸುಲಭ. ಈ ಬುರ್ಜಿ ಚಪಾತಿ ಅಥವಾ ಅನ್ನದ ಜೊತೆ ತಿನ್ನಲು ತುಂಬಾ ರುಚಿಯಾಗಿರುತ್ತದೆ. ಇದರಿಂದ ಸ್ನ್ಯಾಕ್ಸ್ ಕೂಡ ತಯಾರಿಸಬಹುದು, ಹೇಗೆಂದರೆ ಈ ಬುರ್ಜಿ ತಯಾರಿಸಿ, ಚಪಾತಿ ಒಳಗೆ ತುಂಬಿ ರೋಲ್ ಮಾಡಿದರೆ ಸೂಪರ್ ಕ್ಯಾಪ್ಸಿಕಂ ರೋಲ್ ರೆಡಿ.

ಈ ಕ್ಯಾಪ್ಸಿಕಂ ಬುರ್ಜಿ ಸರಳ ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು
ಕ್ಯಾಪ್ಸಿಕಂ2-3 (ಕತ್ತರಿಸಿ)
ಈರುಳ್ಳಿ1 (ಕತ್ತರಿಸಿ)
ಜೀರಿಗೆ ಅರ್ಧ ಚಮಚ
ಜೀರಿಗೆ ಪುಡಿ ಅರ್ಧ ಚಮಚ
ಖಾರದ ಪುಡಿ ಅರ್ಧ ಚಮಚ
ಕೊತ್ತಂಬರಿ ಪುಡಿ ಅರ್ಧ ಚಮಚ
ಕಡಲೆ ಹಿಟ್ಟು 1 ಚಮಚ
ಎಣ್ಣೆ 1 ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

* ಪ್ಯಾನ್ ಗೆ ಎಣ್ಣೆ ಹಾಕಿ ಉರಿ ಮೇಲೆ ಇಡಿ. ಎಣ್ಣೆ ಬಿಸಿಯಾದಾಗ ಜೀರಿಗೆ ಹಾಕಿ ನಂತರ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.

* ನಂತರ ಕ್ಯಾಪ್ಸಿಕಂ, ಖಾರದ ಪುಡಿ, ಜೀರಿಗೆ ಪುಡಿ, ಕೊತ್ತಂಬರಿ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ ಸಾಧರಣ ಉರಿಯಲ್ಲಿ 2 ನಿಮಿಷ ಫ್ರೈ ಮಾಡಿ, ಹಾಗೇ ಬೇಯಲು ಬಿಟ್ಟು, ಮತ್ತೊಂದು ಕಪ್ ನಲ್ಲಿ ಸ್ವಲ್ಪ ನೀರು ಹಾಕಿ ಅದರಲ್ಲಿ ಕಡಲೆ ಹಿಟ್ಟು ಹಾಕಿ ಕಲೆಸಿ. ಪೇಸ್ಟ್ ಗಟ್ಟಿಯಾಗಿರಲಿ.

* ನಂತರ ಆ ಪೇಸ್ಟ್ ಅನ್ನು ಕ್ಯಾಪ್ಸಿಕಂ ಜೊತೆ ಹಾಕಿ ಮಿಕ್ಸ್ ಮಾಡಿ, ಕ್ಯಾಪ್ಸಿಕಂ ಬೇಯುವವರೆಗೆ ಫ್ರೈ ಮಾಡಿದರೆ ರುಚಿ-ರುಚಿಯಾದ ಕ್ಯಾಪ್ಸಿಕಂ ಬುರ್ಜಿ ರೆಡಿ.