ದಪ್ಪ ಮೆಣಸಿನಕಾಯಿ ಬದನೇಕಾಯಿ ಗೊಜ್ಜು

* ಭಾರತಿ ಎಚ್ಎಸ್, ಬೆಂಗಳೂರು

ಬೇಕಾಗುವ ಸಾಮಾನುಗಳು;

ದಪ್ಪ ಮೆಣಸಿನಕಾಯಿ 4
ಬದನೇಕಾಯಿ 4
ಎಣ್ಣೆ 1/2 ಬಟ್ಟಲು
ಸಾಸಿವೆ 1 ಚಮಚ
ಕರಿಬೇವು 8 ಎಸಳು
ಈರುಳ್ಳಿ 1 ಉದ್ದಕ್ಕೆ ಹೆಚ್ಚಿದ್ದು

ಮಸಾಲೆ ರುಬ್ಬಲು ಸಾಮಾನುಗಳು;

ಈರುಳ್ಳಿ 2
ಬೆಳ್ಳುಳ್ಳಿ 8 ಎಸಳು
ಬ್ಯಾಡಗಿ ಮೆನಸಿನಕಾಯಿ 4 ಅಥವಾ ಅಚ್ಚಮೆಣಸಿನಪುಡಿ 1 ಚಮಚ
ದನಿಯಾ ಪುಡಿ 2 ಚಮಚ
ಸಾರಿನ ಪುಡಿ 1 ಚಮಚ
ಚಕ್ಕೆ 2
ಲವಂಗ 3
ಶುಂಠಿ 1 ಇಂಚು
ತೆಂಗಿನತುರಿ 1 ಬಟ್ಟಲು
ಕಡಲೆ 1 ಚಮಚ
ಗಸಗಸೆ 1/4 ಚಮಚ
ರುಚಿಗೆ ಉಪ್ಪು

ಮಾಡುವ ವಿಧಾನ;

ಮೊದಲಿಗೆ ಮಸಾಲೆ ಸಾಮಾನುಗಳನ್ನೆಲ್ಲ ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಬೇಕು. ರುಬ್ಬಿಟ್ಟು ಕೊಂಡ ಮಿಶ್ರಣವನ್ನು ಎಣ್ಣೆಗಾಯಿ ಪಲ್ಯ ಮಾಡುವಾಗ ಕತ್ತರಿಸುವಂತೆ ದೊಡ್ಡ ಮೆಣಸಿನಕಾಯಿ ಮತ್ತು ಬದನೆಕಾಯಿಗಳನ್ನು ಕತ್ತರಿಸಿ ಅವುಗಳಲ್ಲಿ ತುಂಬಿಟ್ಟು ಕೊಳ್ಳಬೇಕು.

ಸಣ್ಣ ಕುಕ್ಕರ್ ನಲ್ಲಿ ಎಣ್ಣೆ ಹಾಕಿ ಸಾಸಿವೆ, ಕರಿಬೇವು, ಈರುಳ್ಳಿ ಹಾಕಿ ತಾಳಿಸಿರಿ. ಈರುಳ್ಳಿ ಕಂದುಬಣ್ಣಕ್ಕೆ ಬಂದನಂತರ ಮಸಾಲೆ ತುಂಬಿದ ಕಾಯಿಗಳನ್ನು ಹಾಕಿ ಮತ್ತೊಮ್ಮೆ ತಾಳಿಸಿ ನಿಮಗೆ ಬೇಕಾಗುವ ಹದಕ್ಕೆ ನೀರು ಹಾಕಿ.

ಕುಕ್ಕರ್ ಒಂದೇ ಒಂದು ಬಾರಿ ಸೀಟಿ ಹೊಡೆದರೆ ಸಾಕು ರುಚಿಕಟ್ಟಾದ ಗೊಜ್ಜು ಸಿದ್ದವಾಗಿರುತ್ತದೆ. ಈ ಗೊಜ್ಜನ್ನು ಚಪಾತಿ, ಪೂರಿ ಮತ್ತು ರೊಟ್ಟಿಯೊಂದಿಗೆ ತಿನ್ನಬಹುದು. ಬಿಸಿಬಿಸಿ ಅನ್ನ, ತುಪ್ಪದೊಡನೆಯೂ ಗೊಜ್ಜನ್ನು ಹೊಟ್ಟೆಗಿಳಿಸಬಹುದು.