ರುಚಿಯಾದ ಪ್ರಾನ್ ಚಿಲ್ಲಿ ರೆಸಿಪಿ

Non Vegetarian

oi-Reena

By Hema S

Updated: Thursday, December 13, 2012, 11:05 [IST]

ಸೀಗಡಿ ಮೀನಿನಿಂದ ಅನೇಕ ಬಗೆಯ ಅಡುಗೆಗಳನ್ನು ತಯಾರಿಸಬಹುದು. ಇದರಿಂದ ಸ್ಟ್ರಾಟರ್ಸ್ ಮಾಡಬೇಕೆಂದು ಬಯಸುವವರು ಪ್ರಾನ್ ಚಿಲ್ಲಿ ತಯಾರಿಸಬಹುದು. ಇದನ್ನು ಮನೆಯಲ್ಲಿಯೇ ಮಾಡಬಹುದಾಗಿದ್ದು ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ರುಚಿಕರವಾದ ಪ್ರಾನ್ ಚಿಲ್ಲಿಯ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* 1 ಕೆಜಿ ಸೀಗಡಿ ಮೀನು (ಪ್ರಾನ್)
* ಒಂದು ಇಂಚಿನಷ್ಟು ದೊಡ್ಡದಿರುವ ಶುಂಠಿ
* 2 ಈರುಳ್ಳಿ
* 2 ದುಂಡು ಮೆಣಸಿನಕಾಯಿ
* ಹಸಿ ಮೆಣಸಿನ ಕಾಯಿ 1-2
* 2 ಚಮಚ ಕರಿಮೆಣಸಿನ ಪುಡಿ
* 1 ಚಮಚ ಸೋಯಾ ಸಾಸ್
* ಒಂದು ಚಿಕ್ಕ ಈರುಳ್ಳಿ
* 4 ಚಮಚ ಮೈದಾ
* 4 ಚಮಚ ಜೋಳದ ಹಿಟ್ಟು
* 4-6 ಎಸಳು ಬೆಳ್ಳುಳ್ಳಿ
* 2 ಮೊಟ್ಟೆ
* ಚಿಟಿಕೆಯಷ್ಟು ಅಜೈನ್
* ರುಚಿಗೆ ತಕ್ಕ ಉಪ್ಪು
* ಕರಿಮೆಣಸಿನ ಪುಡಿ
* ಎಣ್ಣೆ

ತಯಾರಿಸುವ ವಿಧಾನ:

1. ಈರುಳ್ಳಿ, ದುಡು ಮೆಣಸಿನಕಾಯಿ, ಹಸಿಮೆಣಸಿನಕಾಯಿ, ಬೆಳ್ಳುಳ್ಳಿ, ಮತ್ತು ಶುಂಠಿ ಇವುಗಳನ್ನು ಚಿಕ್ಕದಾಗಿ ಕತ್ತರಿಸಬೇಕು.

2. ಸೀಗಡಿ ಮೀನನ್ನು ಶುಚಿ ಮಾಡಬೇಕು.

3. ಮೈದಾ, ಜೋಳದ ಹಿಟ್ಟು, ಕರಿಮೆಣಸಿನ ಪುಡಿ, ಮೊಟ್ಟೆ ಹಾಕಿ ಚೆನ್ನಾಗಿ ಕದಡಬೇಕು.

4. ಶುಚಿ ಮಾಡಿದ ಸೀಗಡಿ ಮೀನನ್ನು ಮೈದಾ, ಮೊಟ್ಟೆ , ಜೋಳದ ಹಿಟ್ಟು ಹಾಕಿ ತಯಾರಿಸಿದ ಮಿಶ್ರಣದಲ್ಲಿ ಹಾಕಬೇಕು.

5. ಒಂದು ಬಾಣಲೆಗೆ ಅರ್ಧದಷ್ಟು ಎಣ್ಣೆ ಹಾಕಿ ಅದರಲ್ಲಿ ಮಿಶ್ರಣಕ್ಕೆ ಹಾಕಿದ ಮೀನನ್ನು ಕಾದ ಎಣ್ಣೆಗೆ ಹಾಕಬೇಕು.

6. ನಂತರ ಅದನ್ನು ಕಂದು ಬಣ್ಣ ಬರುವವರೆಗೆ ಹುರಿದು ನಂತರ ಒಂದು ಪಾತ್ರೆಯಲ್ಲಿ ಹಾಕಿಡಬೇಕು.

7. ನಂತರ ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಅದಕ್ಕೆ ಕತ್ತರಿಸಿದ ಶುಂಠಿ, ಹಸಿ ಮೆಣಸಿನ ಕಾಯಿ, ಈರುಳ್ಳಿ, ದುಂಡು ಮೆಣಸಿನಕಾಯಿ, ಬೆಳ್ಳುಳ್ಳಿ ಚೆನ್ನಾಗಿ ಹುರಿಯಬೇಕು. ನಂತರ ಹುರಿದ ಸೀಗಡಿ ಮೀನನ್ನು ಅದರಲ್ಲಿ ಹಾಕಬೇಕು. ನಂತರ ರುಚಿಗೆ ತಕ್ಕ ಉಪ್ಪು, ಕರಿಮೆಣಸಿನ ಪುಡಿ, ಚಿಟಿಕೆಯಷ್ಟು ಅಜ್ವೈನ್ ಮತ್ತು ಸೋಯಾ ಸಾಸ್ ಚೆನ್ನಾಗಿ ಮಿಶ್ರ ಮಾಡಿ ಹುರಿಯಿಂದ ತೆಗೆದರೆ ಪ್ರಾನ್ ಚಿಲ್ಲಿ ರೆಡಿ.