ಮಲಬಾರ್ ಶೈಲಿಯ ಮೀನಿನ ಫ್ರೈ

Non Vegetarian

oi-Reena

By Hema S

Updated: Thursday, December 13, 2012, 11:23 [IST]

ಯಾವ ಬಗೆಯ ಮೀನು? ಅದನ್ನು ತಯಾರಿಸುವ ವಿಧಾನ ಹೇಗೆ? ಇದರ ಮೇಲೆ ಮೀನಿನ ರುಚಿ ಭಿನ್ನವಾಗಿರುತ್ತದೆ. ಒಂದೇ ಬಗೆಯ ಮೀನನ್ನು ಅನೇಕ ರುಚಿಯಲ್ಲಿ ತಯಾರಿಸಬಹುದು. ದಿನಾ ಒಂದೇ ಶೈಲಿಯಲ್ಲಿ ಮೀನಿನ ಫ್ರೈ ಮಾಡುವ ಬದಲು ಮಲಬಾರ್ ಶೈಲಿಯ ಈ ಮೀನಿನ ಫ್ರೈ ಟ್ರೈ ಮಾಡಬಹುದು.

ಬೇಕಾಗುವ ಸಾಮಾಗ್ರಿಗಳು:
ಮೀನಿನ ತುಂಡುಗಳು 8
ಬೆಳ್ಳುಳ್ಳಿ 8 ಎಸಳು
ಹಸಿಮೆಣಸಿನಕಾಯಿ 4
ಅರಿಶಿಣ ಪುಡಿ ಕಾಲು ಚಮಚ
ಕರಿಮೆಣಸಿನ ಪುಡಿ 1 ಚಮಚ
ಕರಿಬೇವಿನ ಎಲೆ 5-10
ನಿಂಬೆ ರಸ 2 ಚಮಚ
ಎಣ್ಣೆ 2 ಚಮಚ (ಕೇರಳದ ಅಡುಗೆಯಲ್ಲಿ ತೆಂಗಿನೆಣ್ಣೆಯನ್ನು ಬಳಸಲಾಗುವುದು)
ಈರುಳ್ಳಿ 1
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಮೀನಿನ ತುಂಡುಗಳನ್ನು ಸ್ವಚ್ಛ ಮಾಡಿ ಉಪ್ಪು ಮತ್ತು ನಿಂಬೆರಸ ಹಾಕಿ ಇಡಬೇಕು.

2. ನಂತರ ಶುಂಠಿ, ಬೆಳ್ಳುಳ್ಳಿ, ಹಸಿಮೆಣಸಿನಕಾಯಿ, ಕೆಂಪು ಮೆಣಸಿನ ಪುಡಿ, ಕರಿಮೆಣಸಿನಪುಡಿ, ಅರಿಶಿಣಪುಡಿ ಇವುಗಳನ್ನು ಹಾಕಿ ಅರೆದು ಚೆನ್ನಾಗಿ ಮಿಶ್ರಣ ಮಾಡಿ ಆ ಪೇಸ್ಟ್ ಅನ್ನು ಮೀನಿನಲ್ಲಿ ಹಾಕಿ ಮಿಶ್ರಣ ಮಾಡಿ ಅರ್ಧ ಗಂಟೆ ಇಡಬೇಕು.

3. ನಂತರ ಫ್ರೈ ಮಾಡುವ ಪಾತ್ರೆಯನ್ನು ಬಿಸಿ ಮಾಡಿ ಒಂದು ಚಮಚ ಎಣ್ಣೆ ಹಾಕಿ ಉರಿಯನ್ನು ಕಡಿಮೆ ಮಾಡಬೇಕು. ಈಗ ಮೀನಿನ ತುಂಡುಗಳನ್ನು ಹಾಕಿ ಅದರ ಮೇಲೆ ಮತ್ತೊಂದು ಚಮಚ ಎಣ್ಣೆ ಸುರಿದು ಎರಡೂ ಬದಿಯನ್ನು ಚೆನ್ನಾಗಿ ಫ್ರೈ ಮಾಡಿದರೆ ಮಲಬಾರ್ ಶೈಲಿಯ ಮೀನಿನ ಫ್ರೈ ರೆಡಿ.

ಈಗ ರೆಡಿಯಾದ ಮೀನಿನ ಫ್ರೈಯನ್ನು ತಟ್ಟೆಯಲ್ಲಿ ಹಾಕಿ ಈರುಳ್ಳಿಯನ್ನು ವೃತ್ತಾಕಾರವಾಗಿ ಕತ್ತರಿಸಿಟ್ಟು ಸರ್ವ್ ಮಾಡಿ.