ತೆಂಗಿನೆಣ್ಣೆ ಹಾಕಿ ಮಾಡುವ ಮೀನಿನ ಫ್ರೈ

ನೀವು ತೆಂಗಿನೆಣ್ಣೆ ಬಳಸಿ ಮೀನು ಫ್ರೈ ಮಾಡಿದ್ದೀರಾ? ಇಲ್ಲ ಅಂದರೆ ತಡಮಾಡಬೇಡಿ, ಈ ಮೀನು ಫ್ರೈ ಮಾಡಿ ನೋಡಿ. ಸಾಮಾನ್ಯವಾಗಿ ಮೀನು ಫ್ರೈಗೆ ಬಳಸುವ ಸಾಮಾಗ್ರಿಗಳನ್ನೇ ಈ ಮೀನು ಫ್ರೈಗೆ ಬಳಸಿ, ಆದರೆ ನೀವು ತೆಂಗಿನೆಣ್ಣೆಯಲ್ಲಿ ಫ್ರೈ ಮಾಡುವುದರಿಂದ ರುಚಿ ಮಾತ್ರ ಭಿನ್ನವಾಗಿರುತ್ತದೆ.

ಸವಿರುಚಿಯ ಮೀನು ಫ್ರೈ ರುಚಿ ನೋಡಲು ನೀವು ಮಾಡಬೇಕಾದದು ಇಷ್ಟೇ:

ಮೊದಲು ಈ ಸಾಮಾಗ್ರಿಗಳನ್ನು ಜೋಡಿಸಿ
ಮೀನು
ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ 2 ಚಮಚ
ಖಾರದ ಪುಡಿ 2 ಚಮಚ
ಕರಿ ಮೆಣಸಿನ ಪುಡಿ ಅರ್ಧ ಚಮಚ
ಅರಿಶಿಣ ಪುಡಿ 1/4 ಚಮಚ
ಗರಂ ಮಸಾಲ 1 ಚಮಚ
ಜೀರಿಗೆ ಪುಡಿ ಅರ್ಧ ಚಮಚ
ನಿಂಬೆ ರಸ ಒಂದೂವರೆ ಚಮಚ
ರುಚಿಗೆ ತಕ್ಕ ಉಪ್ಪು

ಇತರ ಸಾಮಾಗ್ರಿಗಳು
ತೆಂಗಿನ ಎಣ್ಣೆ 3-4 ಚಮಚ
ಸ್ವಲ್ಪ ಕರಿಬೇವು

ತಯಾರಿಸುವ ವಿಧಾನ

* ಮೀನನ್ನು ಸ್ವಚ್ಛ ಮಾಡಿ, ಅದಕ್ಕೆ ಮಸಾಲೆ ಪದಾರ್ಥಗಳನ್ನು ಹಾಕಿ ಮಿಕ್ಸ್ ಮಾಡಿ ಅರ್ಧ ಗಂಟೆ ಇಡಿ.

* ಪ್ಯಾನ್ ಗೆ ಎಣ್ಣೆ ಹಾಕಿ ಬಿಸಿ ಮಾಡಿ, ಕರಿ ಬೇವಿನ ಎಲೆ ಹಾಕಿ ನಂತರ ಮೀನಿನ ತುಂಡುಗಳನ್ನು ಹಾಕಿ 10 ನಿಮಿಷದ ಬಳಿಕ ಅದನ್ನು ಮಗುಚಿ ಹಾಕಿ ಮತ್ತೆ 10 ನಿಮಿಷ ಫ್ರೈ ಮಾಡಿ. ಇಷ್ಟು ಮಾಡಿದರೆ ಮೀನಿನ ಫ್ರೈ ರೆಡಿ.