ಚಿಕನ್ ಚಾಪ್-ಬೆಂಗಾಳಿ ಶೈಲಿಯ ರೆಸಿಪಿ

ಚಿಕನ್ ಚಾಪ್ ಬೆಂಗಾಳಿ ಶೈಲಿಯ ಅಡುಗೆಯಾಗಿದೆ. ಇದನ್ನು ಚಿಕನ್ ನ ಲೆಗ್ ಪೀಸ್ ಮತ್ತು ಎದೆ ಭಾಗವನ್ನು ಹಾಕಿ ತಯಾರಿಸಿದರೆ ಮಾತ್ರ ಇದರ ರುಚಿ ಹೆಚ್ಚುವುದು.

ಇದನ್ನು ಗ್ರೇವಿ ರೀ ತಿಯಲ್ಲಿ ತಯಾರಿಸಿ. ಇದನ್ನು ತಯಾರಿಸುವುದು ದೊಡ್ಡ ಕಷ್ಟವೇನಿಲ್ಲ. ಈ ಚಿಕನ್ ಚಾಪ್ ಅನ್ನು ಬಿರಿಯಾನಿ, ತುಪ್ಪದನ್ನ, ಅನ್ನ ಇವುಗಳ ಜೊತೆ ತಿನ್ನಲು ರುಚಿಕರವಾಗಿರುತ್ತದೆ.

ಬೇಕಾಗುವ ಸಾಮಾಗ್ರಿಗಳು

ಚಿಕನ್ ಒಂದು ಕೆಜಿ
ಈರುಳ್ಳಿ4
ಬೆಳ್ಳುಳ್ಳಿ 8-1 ಎಸಳು
ಸ್ವಲ್ಪ ಶುಂಠಿ
ಹಸಿ ಮೆಣಸಿನಕಾಯಿ 2
ಮೊಸರು 1 ಕಪ್
ಖಾರದ ಪುಡಿ (ಖಾರಕ್ಕೆ ತಕ್ಕಷ್ಟು)
ಗರಂ ಮಸಾಲ 1 ಚಮಚ
ನಟ್ ಮಗ್ ಪುಡಿ 1 ಚಮಚ
ತೆಂಗಿನ ತುರಿ 1/4 ಕಪ್
ಸಾಸಿವೆ ಪುಡಿ ಅರ್ಧ ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

* ಚಿಕನ್ ಅನ್ನು ಚಿಕ್ಕ-ಚಿಕ್ಕ ತುಂಡುಗಳಾಗಿ ಕತ್ತರಿಸಿ ತೊಳೆಯಿರಿ.

* ತೆಂಗಿನ ತುರಿಗೆ ಖಾರದ ಪುಡಿ, ಅಡಿಶಿಣ ಪುಡಿ, ಶುಂಠಿ, ಬೆಳ್ಳುಳ್ಳಿ, ನಟ್ ಮಗ್ ಪುಡಿ ಹಾಕಿ ರುಬ್ಬಿ.

* ನಂತರ ರುಬ್ಬಿದ ಮಸಾಲೆಯನ್ನು ಹಾಕಿ ಮಿಶ್ರಣ ಮಾಡಿ 1 ಒಂದು ಗಂಟೆಕಾಲ ಇಡಿ.

* ಈಗ ಪಾತ್ರೆಯನ್ನು ಬಿಸಿ ಮಾಡಿ ಅದಕ್ಕೆ ಎಣ್ಣೆ ಹಾಕಿ , ಎಣ್ಣೆ ಬಿಸಿಯಾದಾಗ ಕತ್ತರಿಸಿದ, ಸಾಸಿವೆ ಪುಡಿ, ಈರುಳ್ಳಿ ಮತ್ತು ಹಸಿ ಮೆಣಸಿಕಾಯಿ ಹಾಕಿ ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ. ನಂತರ ಮಸಾಲೆಯಲ್ಲಿ ಮಿಶ್ರಣ ಮಾಡಿರುವ ಚಿಕನ್ ಹಾಕಿ 2-3 ನಿಮಿಷ ಸೌಟ್ ನಿಂದ ಆಡಿಸಿ.

* ನಂತರ ಮೊಸರು ಹಾಕಿ ಗರಂ ಮಸಾಲ ಹಾಕಿ . ರುಚಿಗೆ ತಕ್ಕ ಉಪ್ಪು ಸೇರಿಸಿ.

* ಕಡಿಮೆ ಉರಿಯಲ್ಲಿ ಬೇಯಿಸಿ. ಇದು ಸ್ವಲ್ಪ ಗ್ರೇವಿ ರೀತಿಯಲ್ಲಿ ಆದ ನಂತರ ಉರಿಯಿಂದ ಇಳಿಸಿದರೆ ರುಚಿಕರವಾದ ಚಿಕನ್ ಚಾಪ್ ರೆಡಿ.

ಸಲಹೆ: ಬೇಕಿದ್ದರೆ ಇದನ್ನು ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಬಹುದು.