ಈ ಸಲದ ಸಂಕ್ರಾಂತಿ ಹಬ್ಬಕ್ಕೆ ಹೆಸರುಕಾಳಿನ ಲಡ್ಡು ಟ್ರೈ ಮಾಡಿ

ಹಬ್ಬ ಅಂದ್ರೆ, ಸಿಹಿತಿಂಡಿ ಇರಲೇಬೇಕು. ಇಲ್ಲವಾದಲ್ಲಿ ಹಬ್ಬ ಅಪೂರ್ಣ ಎನಿಸಿಕೊಳ್ಳುವುದು. ಆ ಸಿಹಿತಿಂಡಿಗಳನ್ನು ಹೊರಗಿನಿಂದ ತರುವುದಕ್ಕಿಂತ ನಾವೇ ಸ್ವತಃ ಮನೆಯಲ್ಲಿಯೇ ತಯಾರಿಸಿದರೆ, ಹಬ್ಬದ ಸಂಭ್ರಮ ಮತ್ತಷ್ಟು ಹೆಚ್ಚಾಗುವುದು. ಅದಕ್ಕಾಗಿ ನಾವಿಂದು ಬಹಳ ಸುಲಭ ಹಾಗೂ ಬೇಗನೇ ತಯಾರಿಸಬಹುದಾದಂತಹ ಲಡ್ಡು ಮಾಡುವ ವಿಧಾನವನ್ನು ತಿಳಿಸಲಿದ್ದೇವೆ. ಇನ್ನೇನು ಕೆಲವೇ ದಿನಗಳಲ್ಲಿ ಮಕರಸಂಕ್ರಾಂತಿ ಬೇರೆ ಇದೆ. ಆ ದಿನದಂದು ಈ ಹೆಸರುಬೇಳೆಯ ಲಡ್ಡು ತಯಾರಿಸಿ, ನಿಮ್ಮ ಮನೆಯವರಿಗೆ ಬಡಿಸಿ.

ಹೆಸರುಕಾಳಿನ ಲಡ್ಡು ತಯಾರಿಸುವ ವಿಧಾನವನ್ನು ಈ ಕೆಳಗೆ ನೀಡಲಾಗಿದೆ:

ಈ ಸಲದ ಸಂಕ್ರಾಂತಿ ಹಬ್ಬಕ್ಕೆ ಹೆಸರುಕಾಳಿನ ಲಡ್ಡು ಟ್ರೈ ಮಾಡಿ

Prep Time

5 Mins

Cook Time

30M

Total Time

35 Mins

Recipe By: Shreeraksha

Recipe Type: Snacks

Serves: 2

Ingredients

ಬೇಕಾಗುವ ಪದಾರ್ಥಗಳು:

1 ಕಪ್ ಹೆಸರುಬೇಳೆ

¼ ಕಪ್ ತುಪ್ಪ

½ ಕಪ್ ಸಕ್ಕರೆ

3 ಏಲಕ್ಕಿ

2 ಚಮಚ ಗೋಡಂಬಿ

2 ಚಮಚ ಬಾದಾಮಿ

7 ಪಿಸ್ತಾ

How to Prepare

ತಯಾರಿಸುವ ವಿಧಾನ:

ಮೊದಲನೆಯದಾಗಿ, ಬಾಣಲೆಯಲ್ಲಿ 1 ಕಪ್ ಹೆಸರುಬೇಳೆಯನ್ನು ಕಡಿಮೆ ಉರಿಯಲ್ಲಿ ಹುರಿದುಕೊಳ್ಳಿ.

ಹಸಿವಾಸನೆ ಹೋಗುವವರೆಗೂ ಹುರಿದುಕೊಂಡು, ಸಂಪೂರ್ಣವಾಗಿ ತಣ್ಣಗಾಗಿಸಿ, ಉತ್ತಮವಾಗಿ ಪುಡಿ ಮಾಡಿ.

ಇದನ್ನು ಒಂದು ಕಡಾಯಿಗೆ ಹಾಕಿ, ಅದಕ್ಕೆ ¼ ಕಪ್ ತುಪ್ಪ ಸೇರಿಸಿ, ಲೋ ಫ್ಲೇಮ್‌ನಲ್ಲಿ ಗೋಲ್ಡನ್ ಬ್ರೌನ್ ಆಗುವವರೆಗೆ ಹುರಿಯಿರಿ. ಇದು ಸುಮಾರು 10 ನಿಮಿಷಗಳನ್ನು ತೆಗೆದುಕೊಳ್ಳಬಹುದು.

ಇದನ್ನು ಒಂದು ಬಟ್ಟಲಿಗೆ ಹಾಕಿ, ಸ್ವಲ್ಪ ತಣ್ಣಗಾಗಲು ಬಿಡಿ.

ಈಗ ½ ಕಪ್ ಸಕ್ಕರೆ ಮತ್ತು 3 ಏಲಕ್ಕಿಯನ್ನು ಪುಡಿ ಮಾಡಿಕೊಳ್ಳಿ.

ಇದನ್ನು ಹೆಸರುಕಾಳಿನ ಮಿಶ್ರಣಕ್ಕೆ ಹಾಕಿ, ಚೆನ್ನಾಗಿ ಮಿಶ್ರಣ ಮಾಡಿ, ಇದರಿಂದ ಉಂಡೆ ಕಟ್ಟಿ, ಪಿಸ್ತಾದಿಂದ ಅಲಂಕರಿಸಿದರೆ, ಲಡ್ಡು ಸವಿಯಲು ಸಿದ್ಧ.

Instructions

Nutritional Information