ಕೊಲೆಸ್ಟ್ರಾಲ್ ಕಡಿಮೆ ಮಾಡುವ 2 ಸೂಪರ್ ಜ್ಯೂಸ್

ಕೊಲೆಸ್ಟ್ರಾಲ್ ಹೆಚ್ಚಿನವರಲ್ಲಿ ಕಂಡು ಬರುವ ಸಮಸ್ಯೆಯಾಗಿದೆ. ಕೊಲೆಸ್ಟ್ರಾಲ್ ಬಂದರೆ ಆಹಾರದಲ್ಲಿ ತುಂಬಾ ಎಚ್ಚರಿಕೆಯಿಂದ ಇರಬೇಕು. ಅದರಲ್ಲೂ ಇಲ್ಲಿ ನಾವು ಎರಡು ಬಗೆಯ ಜ್ಯೂಸ್ ಕೊಡಲಾಗಿದೆ.

ಈ ಜ್ಯೂಸ್ ಅನ್ನು ಪ್ರತಿದಿನ ಕುಡಿದರೆ ಕೊಲೆಸ್ಟ್ರಾಲ್ ಕಡಿಮೆ ಮಾಡಬಹುದು, ದೇಹದ ಆರೋಗ್ಯವನ್ನು ಹೆಚ್ಚಿಸಿಕೊಳ್ಳಬಹುದು. ಕೊಲೆಸ್ಟ್ರಾಲ್ ಕಡಿಮೆ ಮಾಡುವ ಜ್ಯೂಸ್ ಗಳ್ನು ತಯಾರಿಸುವ ವಿಧಾನವನ್ನು ನೀಡಲಾಗಿದೆ ನೋಡಿ:

ರೆಸಿಪಿ 1

ಬೇಕಾಗುವ ಸಾಮಾಗ್ರಿಗಳು:

* ಬೀಟ್ ರೂಟ್ 1 (ಚಿಕ್ಕದಾಗಿ ಕತ್ತರಿಸಿದ್ದು)
* ಕ್ಯಾರೆಟ್ 1 ( ಚಿಕ್ಕದಾಗಿ ಕತ್ತರಿಸಿದ್ದು)
* ಸೇಬು 1
* ಅರ್ಧ ಇಂಚಿನಷ್ಟು ದೊಡ್ಡದಿರುವ ಶುಂಠಿ
* ಕರಿಮೆಣಸಿನ ಪುಡಿ 1 ಚಮಚ
* ರುಚಿಗೆ ತಕ್ಕ ಉಪ್ಪು
* ಐಸ್ ತುಂಡುಗಳು

ತಯಾರಿಸುವ ವಿಧಾನ:

ಕರಿಮೆಣಸಿನ ಪುಡಿ ಬಿಟ್ಟು ಉಳಿದೆಲ್ಲಾ ಸಾಮಾಗ್ರಿಗಳನ್ನು ಹಾಕಿ ಮಿಕ್ಸಿಯಲ್ಲಿ ಚೆನ್ನಾಗಿ ಅರೆಯಬೇಕು. ನಂತರ ಜರಡಿಯಾಡಿ ಕರಿಮೆಣಸಿನ ಪುಡಿಯನ್ನು ಉದುರಿಸಿ ಕುಡಿಯಬೇಕು. ಈ ರೀತಿ ಮಾಡಿ ಪ್ರತಿದಿನ ಕುಡಿದರೆ ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆಯಾಗುವುದು.

ರೆಸಿಪಿ 2:
ಬೇಕಾಗುವ ಸಾಮಾಗ್ರಿಗಳು
* ಕಿತ್ತಳೆ 2
* ಪಪ್ಪಾಯಿ 1 ಕಪ್
* ಬಾಳೆ ಹಣ್ಣು 2
* ಐಸ್ ತುಂಡುಗಳು

ತಯಾರಿಸುವ ವಿಧಾನ:

ಎಲ್ಲಾ ಸಾಮಾಗ್ರಿಗಳನ್ನು ಜೊತೆಗೆ ಹಾಕಿ ಮಿಕ್ಸಿಯಲ್ಲಿ ಅರೆಯಬೇಕು (ಬೇಕಿದ್ದರೆ ಸ್ವಲ್ಪ ನೀರು ಹಾಕಬಹುದ). ಈಗ ತಯಾರಾದ ಜ್ಯೂಸ್ ಅನ್ನು ಸೋಸಿ ಕುಡಿಯಿರಿ.

ಈ ಜ್ಯೂಸ್ ಪ್ರತಿದಿನ ಕುಡಿಯಿರಿ, ಕೊಲೆಸ್ಟ್ರಾಲ್ ಸಮಸ್ಯೆಯಿಂದ ದೂರವಿರಿ.