ಮಕ್ಕಳಿಗೆ ಇಷ್ಟ ಈ ಡ್ರೈ ಫ್ರೂಟ್ ಮಿಲ್ಕ್ ಶೇಕ್

ಮಕ್ಕಳ ಆರೋಗ್ಯಕ್ಕೂ ಪೂರಕವಾಗಿರುವ ಮತ್ತು ಅವರಿಗೆ ಪ್ರಿಯವಾಗುವ ಈ ಮಿಲ್ಕ್ ಶೇಕ್ ಮಾಡೋದು ಹೇಗೆ ಎಂದು ತಿಳಿದುಕೊಳ್ಳೋಣ.

ಬೇಕಾಗುವ ಸಾಮಾಗ್ರಿಗಳು:
* 1 ಕಪ್ ಕರ್ಜೂರ
* 4 ಅಂಜೂರ (ನೆನೆಸಿದ್ದು)
* 1/2 ಕಪ್ ಬಾದಾಮಿ (ನೆನೆಸಿ ಸಿಪ್ಪೆ ತೆಗೆದಿರಬೇಕು)
* 1/2 ಕಪ್ ಪಿಸ್ತ (ಸಿಪ್ಪೆ ತೆಗೆದದ್ದು)
* 1/2 ಕಪ್ ಗೋಡಂಬಿ
* 5 ಒಣದ್ರಾಕ್ಷಿ
* 1 ಕಪ್ ಕೆನೆ ತೆಗೆದ ಹಾಲು / ವೆನಿಲ್ಲಾ ಐಸ್ ಕ್ರೀಂ
* 2-3 ಚಮಚ ಜೇನು
* ಸ್ವಲ್ಪ ಏಲಕ್ಕಿ

ಡ್ರೈ ಫ್ರೂಟ್ ಮಿಲ್ಕ್ ಶೇಕ್ ತಯಾರಿಸುವುದು ಹೇಗೆ?
1. ಮೇಲೆ ತಿಳಿಸಿದ ಡ್ರೈ ಫ್ರೂಟ್ಸ್, ಜೇನು, ಐಸ್ ಕ್ರೀಂ ಅನ್ನು ಮಿಕ್ಸಿಯಲ್ಲಿ ಹಾಕಿ ತರಿತರಿಯಾಗಿ ರುಬ್ಬಿಕೊಳ್ಳಬೇಕು.
2. ರುಬ್ಬಿದ ಮಿಶ್ರಣಕ್ಕೆ ಏಲಕ್ಕಿ ಪುಡಿ ಬೆರೆಸಬೇಕು.
3. ಈ ಮಿಲ್ಕ್ ಶೇಕ್ ಅನ್ನು ಒಂದು ಗಂಟೆ ಫ್ರಿಡ್ಜ್ ನಲ್ಲಿಟ್ಟು ನಂತರ ಕುಡಿಯಬಹುದು.
4. ಮಿಲ್ಕ್ ಶೇಕ್ ಮಾಡುವುದು ಸಾಧ್ಯವಾಗದಿದ್ದರೆ, ಡ್ರೈ ಫ್ರೂಟ್ಸ್ ಗಳನ್ನು ಪುಡಿ ಮಾಡಿಕೊಂಡು, ಬೇಕೆನಿಸಿದಾಗ ಅಂಜೂರ, ಕರ್ಜೂರ ಮತ್ತು ಹಾಲಿನೊಂದಿಗೆ ಬೆರೆಸಿಯೂ ಕುಡಿಯಬಹುದು.