ದೇಹಕ್ಕೆ ಶಕ್ತಿ ನೀಡುತ್ತೆ ಬಾಳೆಹಣ್ಣಿನ ಮಿಲ್ಕ್ ಶೇಕ್

Drinks

oi-Sumalatha

By Sumalatha

Published: Tuesday, January 3, 2012, 10:16 [IST]

ಸೇಬು ಮತ್ತು ಬಾಳೆಹಣ್ಣು ದೈಹಿಕ ಶಕ್ತಿಯ ಮಟ್ಟವನ್ನು ಹೆಚ್ಚಾಗಿಸುತ್ತೆ. ಕೃತಕ ಪಾನೀಯಗಳನ್ನು ಸೇವಿಸುವುದಕ್ಕಿಂತ ಮನೆಯಲ್ಲೇ ಬಾಳೆಹಣ್ಣು ಮತ್ತು ಸೇಬನ್ನು ಬಳಸಿಕೊಂಡು ಮಿಲ್ಕ್ ಶೇಕ್ ತಯಾರಿಸಬಹುದು. ಮಕ್ಕಳಿಗೆ ಈ ಮಿಲ್ಕ್ ಶೇಕ್ ನೀಡುವುದರಿಂದ ಶಕ್ತಿಯೂ ವೃದ್ಧಿಸುತ್ತದೆ, ಆರೋಗ್ಯವೂ ಹೆಚ್ಚಾಗುತ್ತದೆ. ಸೇಬು ಬಾಳೆಹಣ್ಣಿನ ಮಿಲ್ಕ್ ಶೇಕ್ ಮಾಡುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಮಿಲ್ಕ್ ಶೇಕ್ ಗೆ ಬೇಕಾಗುವ ಪದಾರ್ಥ:
* 1-2 ಸೇಬು (ಸಿಪ್ಪೆ ತೆಗೆದು ಕತ್ತರಿಸಿರಬೇಕು)
* 2 ಬಾಳೆಹಣ್ಣು
* 2 ಕಪ್ ತಣ್ಣಗಿನ ಹಾಲು
* 2 ಚಮಚ ಸಕ್ಕರೆ
* ಸ್ವಲ್ಪ ಸ್ಟ್ರಾಬೆರಿ ಅಥವಾ ಬಾಳೆಹಣ್ಣು (ಚಿಕ್ಕದಾಗಿ ಕತ್ತರಿಸಿದ್ದು)

ಸೇಬು ಬಾಳೆಹಣ್ಣಿನ ಮಿಲ್ಕ್ ಶೇಕ್ ತಯಾರಿಸುವ ವಿಧಾನ:
* ಸೇಬು ಮತ್ತು ಬಾಳೆಹಣ್ಣನ್ನು ಹಾಲಿನೊಂದಿಗೆ ಸೇರಿಸಿ ಸಕ್ಕರೆಯನ್ನು ಬೆರೆಸಿ ಮಿಕ್ಸಿ ಜಾರ್ ನಲ್ಲಿ ಮೆತ್ತಗೆ ಮತ್ತು ಕ್ರೀಂನಂತೆ ಆಗುವವರೆಗೂ ರುಬ್ಬಬೇಕು.

* ತಣ್ಣಗಿರುವ ಮಿಲ್ಕ್ ಶೇಕನ್ನು ನೀವು ಬಯಸುವುದಾದರೆ ಐಸ್ ಕ್ಯೂಬ್ ಗಳನ್ನು ಸೇರಿಸಿ ರುಬ್ಬಬಹುದು.

* ಈ ಮಿಶ್ರಣವನ್ನು ಲೋಟಕ್ಕೆ ಬಗ್ಗಿಸಿ ಅದರ ಮೇಲೆ ಕತ್ತರಿಸಿದ ಸ್ಟ್ರಾಬೆರಿ ಅಥವಾ ಬಾಳೆಹಣ್ಣನ್ನು ಹಾಕಿದರೆ ಸೇಬು ಮತ್ತು ಬಾಳೆಹಣ್ಣಿನ ಮಿಲ್ಕ್ ಶೇಕ್ ಕುಡಿಯಲು ಸಿದ್ಧವಾಗಿರುತ್ತೆ.