ನುಗ್ಗೆಸೊಪ್ಪಿನ ಚಟ್ನಿಪುಡಿ

ನುಗ್ಗೆಕಾಯಿ, ನುಗ್ಗೆಸೊಪ್ಪು ಎಲ್ಲವೂ ರುಚಿಯೇ. ನುಗ್ಗೆಸೊಪ್ಪಿನಿಂದ ಚಟ್ನಿಪುಡಿ ಸಹಾ ಮಾಡಬಹುದು. ಕೇಳಿ; ಹೇಳುತ್ತೇನೆ.

• ಆರ್.ಸವಿತಾ

ಸಾಮಗ್ರಿ :

ನುಗ್ಗೆಸೊಪ್ಪು(1 ಬಟ್ಟಲು)
ಉದ್ದಿನಬೇಳೆ (1/4 ಬಟ್ಟಲು)
ಕಡ್ಲೆಬೇಳೆ(1/4 ಬಟ್ಟಲು)
ಒಣಕೊಬ್ಬರಿ(1/4 ಬಟ್ಟಲು)
ಹುಣಸೇಹಣ್ಣು(ಗೋಲಿ ಗಾತ್ರದಷ್ಟು)
ಒಣಮೆಣಸು(5)
ಉಪ್ಪು(ರುಚಿಗೆ ತಕ್ಕಷ್ಟು)
ಇಂಗು(2 ಚಿಟಿಕೆ)
ಎಣ್ಣೆ(4 ಚಮಚ)

ವಿಧಾನ :

ನುಗ್ಗೆಸೊಪ್ಪನ್ನು ಚೆನ್ನಾಗಿ ತೊಳೆದು ಬಸಿದು ನೆರಳಲ್ಲಿಡಿ. ನೀರು ಆರಿದ ನಂತರ ಸೊಪ್ಪನ್ನು ಗರಿಗರಿಯಾಗುವಂತೆ ಹುರಿಯಿರಿ.

ಉದ್ದಿನಬೇಳೆ, ಕಡಲೆಬೇಳೆಗಳನ್ನು 1ಚಮಚ ಎಣ್ಣೆಯಲ್ಲಿ ಹದವಾಗಿ ಹುರಿದುಕೊಳ್ಳಿ. ಉಳಿದೆಲ್ಲವನ್ನೂ ಬೇಳೆಗಳ ಜೊತೆ ಸೇರಿಸಿ ತರಿಯಾಗುವಂತೆ ಪುಡಿ ಮಾಡಿ. ಕೊನೆಯಲ್ಲಿ ಹುರಿದ ಸೊಪ್ಪನ್ನು ಸೇರಿಸಿ ಪುಡಿ ಮಾಡಿ. ಬಿಸಿ ಅನ್ನ, ಚಪಾತಿ ಜತೆ ತಿನ್ನಲು ರುಚಿ.

ನುಗ್ಗೆ ಸೊಪ್ಪಿನ ಚಟ್ನಿ ಹೇಗಿತ್ತು ತಿಳಿಸಿ.. ಸದ್ಯದಲ್ಲಿಯೇ ನುಗ್ಗೆ ಸೊಪ್ಪಿನ ರೊಟ್ಟಿ ಬಗ್ಗೆ ಹೇಳ್ತೇನೆ. ಬರ್ಲಾ.. ಬಾಯ್..