ಸೀಮೆ ಬದನೆಕಾಯಿ ಚಟ್ನಿ

Chutney

oi-Staff

By * ಮೇಘನಾ ಪಾಂಡವಪುರ

Published: Monday, December 14, 2009, 19:23 [IST]

ನಾನಾ ವಿಧದ ತರಕಾರಿಗಳನ್ನ ಬಳಸಿ ಬಗೆಬಗೆ ರುಚಿಯ ಚಟ್ನಿಗಳನ್ನು ತಯಾರಿಸಬಹುದು. ಸಾಮಾನ್ಯವಾಗಿ ಹೀರೇಕಾಯಿ ಚಟ್ನಿಯನ್ನು ಅನೇಕರು ಮಾಡುತ್ತಾರಾದರೂ ಸೀಮೆ ಬದನೆಕಾಯಿ ಚಟ್ನಿ ಅಷ್ಟು ಪ್ರಚಲಿತವಿಲ್ಲ. ಇದು ತುಂಬಾ ರುಚಿ ಮತ್ತು ಸುಲಭ ಅಡುಗೆ. ಮಾಡೋಣ.

ಸೀಮೆ ಬದನೆ ಸಿಪ್ಪೆಯನ್ನು ಪೀಲ್ ಮಾಡಿಕೊಂಡು ಸಣ್ಣಸಣ್ಣ ಹೋಳುಗಳಾಗಿ ಹೆಚ್ಚಿಕೊಳ್ಳಿ. ಪ್ಯಾನ್ ಮೇಲೆ ನೀರು ಇಟ್ಟು ಬೇಯಲು ಹಾಕಿ. ಇದರ ಜತೆಗೇನೇ ಹುಣಿಸೆಹಣ್ಣು, ಸ್ವಲ್ಪ ಬೆಲ್ಲ, ಕೊತ್ತಂಬರಿ ಸೊಪ್ಪು ಹಾಕಿ ಬೇಯಲು ಬಿಡಿ. ಸೀಮೆಬದನೆ ತುಂಬಾ ಮೃದುವಾದ ತರಕಾರಿ ಆಗಿರುವುದರಿಂದ ಬೇಗ ಬೆಂದು ಬಿಡುತ್ತದೆ. ನೀರು ಪ್ಯಾನ್ ನಲ್ಲಿಯೇ ಆವಿಯಾಗುವತನಕ ಬೇಯಬೇಕು.

ಬೆಂದ ಪದಾರ್ಥವನ್ನು ವಿಕ್ಸಿಗೆ ಹಾಕಿ ರುಬ್ಬಿರಿ. ಮಿಕ್ಸಿಗೆ ನೀರು ಹಾಕಬಾರದು. ಇದಕ್ಕೆ ಸಾಸಿವೆ ಕರಿಬೇವು ಕಡಲೆಬೇಳೆ ಒಗ್ಗರಣೆ ಕೊಟ್ಟು ಉಪ್ಪು ಬೆರೆಸಿದರೆ ಚಟ್ನಿ ರೆಡಿ. ಚಪಾತಿಗೆ ಜತೆಗೆ ಈ ಚಟ್ನಿ ರುಚಿ ತುಂಬಾ ಚೆನ್ನಾಗಿ ಹೊಂದುತ್ತದೆ.