ರೊಟ್ಟಿಗೆ ತುಪ್ಪದೊಂದಿಗೆ ಚಟ್ನಿ ಪುಡಿಯೂ ಇರಲಿ

Chutney

oi-Sumalatha

By Sumalatha

Published: Saturday, December 10, 2011, 15:28 [IST]

ಚಪಾತಿ, ರೊಟ್ಟಿಗೆ ತುಪ್ಪದೊಂದಿಗೆ ಸ್ವಲ್ಪ ಚಟ್ನಿ ಪುಡಿಯಿದ್ದರೆ ಅದರ ರುಚಿಯೇ ಬೇರೆ. ಅದರಲ್ಲೂ ಈ ಚಳಿಗಾಲದಲ್ಲಿ ಸಂಜೆ ಹೊತ್ತು ಹಪ್ಪಳದೊಟ್ಟಿಗೆ ಚಟ್ನಿ ಪುಡಿ ಇನ್ನೂ ರುಚಿ ನೀಡುತ್ತೆ. ಆದರೆ ಚಟ್ನಿ ಪುಡಿಯನ್ನು ಅಂಗಡಿಯಲ್ಲಿ ಕೊಂಡುಕೊಳ್ಳುವ ಬದಲು ಮನೆಯಲ್ಲೇ ಮಾಡಿ ರುಚಿ ನೋಡಬಹುದು. ಚಟ್ನಿ ಪುಡಿ ತಯಾರಿಸೋದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಚಟ್ನಿ ಪುಡಿಗೆ ಬೇಕಾಗುವ ಸಾಮಗ್ರಿ:
* 1 ಬಟ್ಟಲು ಉದ್ದಿನಬೇಳೆ
* 1 ಬಟ್ಟಲು ಕಡಲೆಬೇಳೆ
* 1 ಕಪ್ ಒಣಕೊಬ್ಬರಿ ತುರಿ
* ಒಣ ಮೆಣಸಿನ ಕಾಯಿ
* ಸ್ವಲ್ಪ ಹುಣಸೇ ಹಣ್ಣು
* ಬೆಲ್ಲ ಸ್ವಲ್ಪ
* ಜೀರಿಗೆ, ಕರಿಬೇವು
* ಉಪ್ಪು

ಚಟ್ನಿ ತಯಾರಿಸುವ ವಿಧಾನ:
ಉದ್ದಿನಬೇಳೆ ಮತ್ತು ಕಡಲೆಬೇಳೆಯನ್ನು ಸ್ವಲ್ಪ ಕೆಂಪಾಗುವವರೆಗೆ, ಹಸಿ ವಾಸನೆ ಹೋಗುವವರೆಗೆ ಹುರಿದುಕೊಳ್ಳಿ. ಮೆಣಸಿನಕಾಯಿ, ಕರಿಬೇವು, ಹುಣಸೇಹಣ್ಣನ್ನು ಹುರಿದುಕೊಳ್ಳಬೇಕು.

ಕೊಬ್ಬರಿಯನ್ನು ಹುರಿದುಕೊಂಡು ಹುರಿದಿಟ್ಟ ಎಲ್ಲಾ ಸಾಮನುಗಳನ್ನು ಸೇರಿಸಿ ಅದರ ಜೊತೆ ಬೆಲ್ಲ ಮತ್ತು ಉಪ್ಪು ಹಾಕಿ ತರಿ ತರಿಯಾಗಿ ಪುಡಿ ಮಾಡಿಕೊಂಡರೆ ರುಚಿಕರ ಚಟ್ನಿ ಪುಡಿ ತಿನ್ನಲು ಸಿದ್ಧ. (ಕೃಪೆ: ಅಡಿಗೆ ಸವಿರುಚಿ)