ಪುದೀನಾ ಪನ್ನೀರ್ ರೈಸ್-ಬ್ರೇಕ್ ಫಾಸ್ಟ್ ರೆಸಿಪಿ

ಬೆಳಗಿನ ತಿಂಡಿಗೆ ಸುಲಭದಲ್ಲಿ ಮಾಡಬಹುದಾದ ರುಚಿಕರವಾದ ಅಡುಗೆ ಬಗ್ಗೆ ಯೋಚಿಸುತ್ತಿದ್ದರೆ ಇದೋ ನೋಡಿ ರೆಸಿಪಿ ಇಲ್ಲಿದೆ . ಇದು ಪುದೀನಾ ಪನ್ನೀರ್ ಪಲಾವ್ ರೈಸ್. ಈ ಪಲಾವ್ ಗೆ ಹೆಚ್ಚಿನ ತರಕಾರಿಗಳ ಅಗತ್ಯವಿಲ್ಲ, ಪನ್ನೀರ್ ಮತ್ತು ಪುದೀನಾ ಪ್ರಮುಖ ಸಾಮಾಗ್ರಿಗಳು.

ಪುದೀನಾ ಪನ್ನೀರ್ ಪಲಾವ್ ಮಾಡುವ ವಿಧಾನ

ಬೇಕಾಗುವ ಸಾಮಾಗ್ರಿಗಳು
ಅಕ್ಕಿ 2 ಕಪ್
ಬಟಾಣಿ
ಪನ್ನೀರ್ 200 ಗ್ರಾಂ
ಪುದೀನಾ 1 ಕಟ್ಟು
ಈರುಳ್ಳಿ 2
ಹಸಿ ಮೆಣಸಿನಕಾಯಿ 3-4
ಒಂದು ಇಂಚಿನಷ್ಟು ದೊಡ್ಡದಿರುವ ಶುಂಠಿ
ಬೆಳ್ಳುಳ್ಳಿ4
ಲವಂಗ 5
ನೀರು 4 ಕಪ್
ಎಣ್ಣೆ 2 ಚಮಚ

ತಯಾರಿಸುವ ವಿಧಾನ:

* ಬೆಳ್ಳುಳ್ಳಿ, ಶುಂಠಿ, ಪುದೀನಾವನ್ನು ಮಿಕ್ಸಿಯಲ್ಲಿ ಹಾಕಿ ಪೇಸ್ಟ್ ಮಾಡಿ ಇಡಿ.

* ಕುಕ್ಕರ್ ನಲ್ಲಿ ಎಣ್ಣೆ ಹಾಕಿ ಬಿಸಿ ಅದರಲ್ಲಿ ಚಕ್ಕೆ, ಲವಂಗವನ್ನು ಪುಡಿ ಮಾಡಿ ಹಾಕಿ, ನಂತರ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ. ನಂತರ ಅದರಲ್ಲಿ ಪನ್ನೀರ್ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ . ಈಗ ಹಸಿ ಮೆಣಸಿನಕಾಯಿ ಹಾಕಿ 2 ನಿಮಿಷ ಹುರಿಯಿರಿ.

* ನಂತರ ಪನ್ನೀರ್ ಹಾಕಿ, ಪನ್ನೀರ್ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಹುರಿದು, ನಂತರ ಬಟಾಣಿ ಹಾಕಿ, ಪುದೀನಾ ಪೇಸ್ಟ್ ಹಾಕಿ ಮತ್ತೆ 2 ನಿಮಿಷ ಹುರಿಯಿರಿ. ಈಗ ತೊಳೆದ ಅಕ್ಕಿಯನ್ನು ಹಾಕಿ ಸೌಟ್ ನಿಂದ ಎರಡು ನಿಮಿಷ ಆಡಿಸಿ, 4 ಕಪ್ ನೀರು ಸೇರಿಸಿ, ಉಪ್ಪು ಸೇರಿಸಿ ಕುಕ್ಕರ್ ಬಾಯಿ ಮುಚ್ಚಿ 2 ವಿಶಲ್ ಬರುವವರೆಗೆ ಬೇಯಿಸಿದರೆ ಪುದೀನಾ ಪನ್ನೀರ್ ರೈಸ್ ರೆಡಿ.