ಸಣ್ಣಗಾಗಲು ಓಟ್ಸ್ ಮಸಾಲಾ ಇಡ್ಲಿ

ಓಟ್ಸ್ ಮಸಾಲಾ ಇಡ್ಲಿಗೆ ಬೇಕಾಗುವ ಪದಾರ್ಥ:
* 2 ಕಪ್ ಅಕ್ಕಿ
* 3/4 ಕಪ್ ಉದ್ದಿನ ಬೇಳೆ
* 1 ಕಪ್ ಓಟ್ಸ್
* ರುಚಿಗೆ ತಕ್ಕಷ್ಟು ಉಪ್ಪು
* 1 ಕಪ್ ಬೀನ್ ಮೊಳಕೆ
* ಈರುಳ್ಳಿ
* 2-3 ಹಸಿರು ಮೆಣಸಿನಕಾಯಿ
* ಕೊತ್ತಂಬರಿ
* 1 ಚಮಚ ಜೀರಿಗೆ

ಓಟ್ಸ್ ಮಸಾಲಾ ಇಡ್ಲಿ ತಯಾರಿಸುವ ವಿಧಾನ:
* ಮೊದಲು ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ಪ್ರತ್ಯೇಕ ಬಟ್ಟಲಿನಲ್ಲಿ 6-8 ಗಂಟೆ ನೆನೆಯಲು ಬಿಡಬೇಕು.
* ಈ ಮಿಶ್ರಣವನ್ನು ರುಬ್ಬುವ ಸಮಯದಲ್ಲಿ ಓಟ್ಸನ್ನು ನೀರಿನಲ್ಲಿ ನೆನೆಹಾಕಿ ತಕ್ಷಣವೇ ನೀರು ಬಸಿಯಬೇಕು.
* ಓಟ್ಸ್, ಉದ್ದಿನ ಬೇಳೆ ಅಕ್ಕಿಯ ಮಿಶ್ರಣವನ್ನು ರುಬ್ಬಿಕೊಳ್ಳಬೇಕು.
* ರುಚಿಗೆ ತಕ್ಕಷ್ಟು ಉಪ್ಪು ಬೆರೆಸಿ ರಾತ್ರಿಯಿಡೀ ಈ ಮಿಶ್ರಣ ಹುಳಿ ಬರಲು ಬಿಡಬೇಕು.
* ಇಡ್ಲಿ ಮಾಡುವಾಗ ಮೇಲೆ ತಿಳಿಸಿರುವ ಮಸಾಲಾ ಪದಾರ್ಥಗಳನ್ನು ಇಡ್ಲಿ ಹಿಟ್ಟಿಗೆ ಬೆರೆಸಿ ಚೆನ್ನಾಗಿ ತಿರುಗಿಸಬೇಕು.
* ಇಡ್ಲಿ ತಟ್ಟೆಗಳಿಗೆ ಎಣ್ಣೆ ಸವರಿ ಆ ತಟ್ಟೆಗಳಿಗೆ ಇಡ್ಲಿ ಹಿಟ್ಟನ್ನು ಹಾಕಿ 10 ನಿಮಿಷ ಬೇಯಲು ಬಿಡಬೇಕು. ಬೆಂದ ನಂತರ ಓಟ್ಸ್ ಮಸಾಲಾ ಇಡ್ಲಿ ತಿನ್ನಲು ರೆಡಿಯಿರುತ್ತೆ. ಇದನ್ನು ಸಾಂಬಾರ್ ಅಥವಾ ಚಟ್ನಿಯೊಂದಿಗೆ ನೆಂಜಿಕೊಂಡು ತಿನ್ನಬಹುದು.