ಅವಧಿಗೆ ಮುನ್ನ ಹೆರಿಗೆಯಾಗದಂತೆ ತಡೆಯುವುದು ಹೇಗೆ?

ವಿಟಮಿನ್ಸ್

ಕ್ಯಾಲ್ಸಿಯಂ, ವಿಟಮಿನ್ ಕೆ, ಫಾಲಿಕ್ ಈ ಪೋಷಕಾಂಶಗಳಿಗೆ ಕೊರತೆ ಉಂಟಾಗದಂತೆ ನೋಡಿಕೊಳ್ಳಬೇಕು. ಪೋಷಕಾಂಶಗಳ ಕೊರತೆ ಉಂಟಾದರೆ ಅವಧಿಗೆ ಮುನ್ನ ಮಗು ಹುಟ್ಟುತ್ತದೆ.

ಒಮೆಗಾ 3 ಕೊಬ್ಬಿನಂಶ

ಒಮೆಗಾ 3 ಸಮುದ್ರ ಆಹಾರಗಳಲ್ಲಿ ಹೆಚ್ಚು ಇರುತ್ತದೆ. ಒಮೆಗಾ 3 ಕೊಬ್ಬಿನಂಶ ದೇಹದಲ್ಲಿ ರಕ್ತ ಹೆಪ್ಪುಗಟ್ಟುವುದನ್ನು ತಡೆಯುತ್ತದೆ. ಇದು ಗರ್ಭದಲ್ಲಿರುವ ಮಗುವಿನ ಆರೋಗ್ಯವನ್ನು ಹೆಚ್ಚಿಸುತ್ತದೆ.

ಹಲ್ಲುಗಳಲ್ಲಿ ತೊಂದರೆ

ಗರ್ಭಿಣಿಯರಿಗೆ ಹಲ್ಲುಗಳಲ್ಲಿ ತೊಂದರೆ ಅಥವಾ ನೋವು ಕಾಣಿಸುವುದು ಅವಧಿಗೆ ಮುನ್ನ ಹೆರಿಗೆ ನೋವು ಕಾಣಿಸಿಕೊಳ್ಳುವುದರ ಲಕ್ಷಣವಾಗಿದೆ. ಆದ್ದರಿಂದ ಹಲ್ಲುಗಳಲ್ಲಿ ತೊಂದರೆ ಕಾಣಿಸಿದರೆ ಕೂಡಲೇ ವೈದ್ಯರ ಸಲಹೆ ಪಡೆಯಿರಿ.

ನೀರಿನಂಶ

ಗರ್ಭಿಣಿಯರು 8-9 ಗ್ಲಾಸ್ ನೀರು, ಜ್ಯೂಸ್ ಗಳನ್ನು ಕುಡಿಯಬೇಕು. ದೇಹದಲ್ಲಿ ನೀರಿನಂಶ ಕಡಿಮೆಯಾದರೆ ಅವಧಿಗೆ ಮುನ್ನ ಹೆರಿಗೆ ನೋವು ಕಾಣಿಸಿಕೊಳ್ಳುವುದು.

ಮೂತ್ರ ವಿಸರ್ಜನೆ

ಗರ್ಭಿಣಿಯರಿಗೆ ಆಗಾಗ ಮೂತ್ರ ವಿಸರ್ಜನೆಗೆ ಹೋಗಬೇಕೆಂದೆನಿಸುತ್ತದೆ. ಹೀಗೆ ಅನಿಸಿದ ತಕ್ಷಣ ಮೂತ್ರವಿಸರ್ಜನೆಗೆ ಹೋಗಿ. ಮೂತ್ರವನ್ನು ತಡೆ ಹಿಡಿಯುವುದು ಒಳ್ಳೆಯದಲ್ಲ. ಮೂತ್ರವನ್ನು ತಡೆ ಹಿಡಿಯುವ ಅಭ್ಯಾಸದಿಂದ ಅವಧಿಗೆ ಮುನ್ನ ಹೆರಿಗೆ ನೋವು ಕಾಣಿಸಿಕೊಳ್ಳುವುದು.

ಆಗಾಗ ತಿನ್ನಿ

ತುಂಬಾ ಹೊಟ್ಟೆ ಹಸಿದುಕೊಂಡು ಇರಬಹುದು. ಪೋಷಕಾಂಶವಿರುವ ಆಹಾರವನ್ನು ಮಿತಿಯಲ್ಲಿ ಆಗಾಗ ತಿನ್ನಿ. ಹೊಟ್ಟೆ ಹಸಿದುಕೊಂಡು ಇದ್ದರೆ ಯೂಟ್ರಸ್ ಮೇಲೆ ಒತ್ತಡ ಬಿದ್ದು ಹೆರಿಗೆ ನೋವು ಕಾಣಿಸಿಕೊಳ್ಳುತ್ತದೆ.

ಪಪ್ಪಾಯಿ

ಪಪ್ಪಾಯಿ, ಪೈನಾಪಲ್ ಹಣ್ಣುಗಳನ್ನು ಗರ್ಭಿಣಿಯರು ಮತಿನ್ನಬಾರದು. ಇವುಗಳಲ್ಲಿರುವ ರಾಸಾಯನಿಕಗಳು ಅವಧಿಗೆ ಮುನ್ನ ಹೆರಿಗೆ ನೋವು ಬರುವಂತೆ ಮಾಡುತ್ತವೆ. ಆದ್ದರಿಂದ ಗರ್ಭಿಣಿಯರು ಈ ಆಹಾರಗಳಿಂದ ದೂರವಿರಬೇಕು.

ಭಾರದ ವಸ್ತುಗಳನ್ನು ಎತ್ತಬೇಡಿ

ಭಾರದ ವಸ್ತುಗಳನ್ನು ಎತ್ತಿದಾಗ ಯೂಟ್ರಸ್ ಮೇಲೆ ಒತ್ತಡ ಬಿದ್ದು ಹೆರಿಗೆ ನೋವು ಕಾಣಿಸಿಕೊಳ್ಳುವುದು. ಆದ್ದರಿಂದ ಹೊಟ್ಟೆಯ ಮೇಲೆ ಒತ್ತಡ ಬೀಳುವಂತೆ ಯಾವುದೇ ಭಾರದ ವಸ್ತುಗಳನ್ನು ಎತ್ತಲು ಹೋಗಬಾರದು.

ಅಧಿಕ ತೂಕ

ಗರ್ಭಿಣಿಯಾದ ಮೇಲೆ ದೇಹದ ತೂಕ ಸ್ವಲ್ಪ ಹೆಚ್ಚಾಗುತ್ತದೆ. ಆದರೆ ಮಿತಿ ಮೀರಿ ದೇಹದ ತೂಕ ಹೆಚ್ಚಾಗದಂತೆ ನೋಡಿಕೊಳ್ಳಬೇಕು. ದೇಹದ ತೂಕ ಹೆಚ್ಚಾದರೆ ಅವಧಿ ಮುನ್ನ ಹೆರಿಗೆಯಾಗುವಿರಿ. ಆದ್ದರಿಂದ ಗರ್ಭಿಣಿಯರು ತಮ್ಮ ದೇಹದ ತೂಕದ ಕಡೆ ಕೂಡ ಗಮನ ಕೊಡಬೇಕು.