ಹಿಮೋಗ್ಲೋಬಿನ್ ಹೆಚ್ಚಿಸುವ 11 ಸೂಪರ್ ಫುಡ್ಸ್

Updated: Monday, June 17, 2013, 15:05 [IST]

ದೇಹದಲ್ಲಿ ರಕ್ತಕಣಗಳು ಕಮ್ಮಿಯಾದಾಗ ರಕ್ತಹೀನತೆ ಉಂಟಾಗುವುದು. ಅದರಲ್ಲೂ ಹೆಚ್ಚಿನ ಗರ್ಭಿಣಿಯರಲ್ಲಿ ಕಬ್ಬಿಣದಂಶ, ವಿಟಮಿನ್ ಬಿ12, ಫೋಲೆಟ್ ಕೊರತೆ ಕಾಣಿಸಿಕೊಳ್ಳುವುದು. ಇವುಗಳ ಕೊರತೆ ಕಾಣಿಸಿಕೊಂಡರೆ ರಕ್ತಹೀನತೆ ಉಂಟಾಗುವುದು. ರಕ್ತ ಹೀನತೆ ಉಂಟಾದರೆ ಹೆರಿಗೆಯಲ್ಲಿ ತೊಂದರೆ ಕಾಣಿಸಿಕೊಳ್ಳುವುದು, ಅವಧಿಗೆ ಮುನ್ನ ಹೆರಿಗೆಯಾಗಬಹುದು, ಹುಟ್ಟುವ ಮಗುವಿನ ತೂಕ ತುಂಬಾ ಕಮ್ಮಿಯಾಗಿರುವುದು. ಆದ್ದರಿಂದ ರಕ್ತಹೀನತೆ ಸಮಸ್ಯೆ ಉಂಟಾಗದಂತೆ ಒಳ್ಳೆಯ ಆಹಾರಗಳನ್ನು ತಿನ್ನಬೇಕು.

ಇಲ್ಲಿ ನಾವು ದೇಹದಲ್ಲಿ ಹಿಮೋಗ್ಲೋಬಿನ್ ಹೆಚ್ಚಿಸಿ ರಕ ಕಣಗಳನ್ನು ಹೆಚ್ಚು ಮಾಡುವ ಆಹಾರಗಳ ಬಗ್ಗೆ ಹೇಳಿದ್ದೇವೆ. ಗರ್ಭಿಣಿಯರು ಇವುಗಳನ್ನು ತಿಂದರೆ ರಕ್ತಹೀನತೆ ಸಮಸ್ಯೆ ಬರದಂತೆ ತಡೆಯಬಹುದು.

ಬಾಳೆಹಣ್ಣು

ಇದರಲ್ಲಿ ಕಬ್ಬಿಣದಂಶ ಮತ್ತು ಇತರ ಖನಿಜಾಂಶವಿದ್ದು ದೇಹದಲ್ಲಿ ರಕ್ತಕಣಗಳನ್ನು ಹೆಚ್ಚಿಸುತ್ತದೆ.

ಖರ್ಜೂರ

ಖರ್ಜೂರ ದೇಹದಲ್ಲಿ ರಕ್ತಕಣಗಳನ್ನು ಹೆಚ್ಚಿಸುತ್ತದೆ. ಪ್ರತೀದಿನ 2-3 ಖರ್ಜೂರ ತಿನ್ನುವುದು ಒಳ್ಳೆಯದು.

ನಟ್ಸ್

ನಟ್ಸ್ ನಲ್ಲಿ ಕಬ್ಬಿಣದಂಶ ಅಧಿಕವಿರುತ್ತದೆ. ಗರ್ಭಿಣಿಯರಿಗೆ ಆಗಾಗ ಏನಾದರೂ ತಿನ್ನಬೇಕೆನಿಸುತ್ತದೆ. ಆಗ ಕುರುಕುಲು ತಿಂಡಿ ಬಾಯಿಗೆ ಹಾಕುವ ಬದಲು ಆರೋಗ್ಯಕರ ನಟ್ಸ್ ತಿನ್ನುವುದು ಒಳ್ಳೆಯದು.

ಬ್ರೊಕೋಲಿ

ಗರ್ಭಿಣಿಯರು ಬ್ರೊಕೋಲಿಯನ್ನು ತಮ್ಮ ಆಹಾರಕ್ರಮದಲ್ಲಿ ಸೇರಿಸುವುದು ಒಳ್ಳೆಯದು. ಇದರಲ್ಲಿ ಕಬ್ಬಿಣದಂಶ, ವಿಟಮಿನ್ಸ್ ಮತ್ತು ಫೋಲೆಟ್ ಅಧಿಕವಿದೆ.

ಸೊಪ್ಪು

ಪ್ರತೀದಿನ ಸೊಪ್ಪಿನಿಂದ ಮಾಡಿದ ಆಹಾರಗಳನ್ನು ತಿನ್ನುವುದು ಒಳ್ಳೆಯದು. ಸೊಪ್ಪಿನಲ್ಲಿ ಕಬ್ಬಿಣದಂಶ ಅಧಿಕವಿರುವುದರಿಂದ ದೇಹದಲ್ಲಿ ರಕ್ತ ಕಣಗಳು ಹೆಚ್ಚಾಗುವುದು.

ದಾಳಿಂಬೆ

ದಾಳಿಂಬೆಯನ್ನು ಪ್ರತೀದಿನ ತಿನ್ನಿ, ದಾಳಿಂಬೆ ತಿಂದರೆ ರಕ್ತಹೀನತೆ ಸಮಸ್ಯೆ ಉಂಟಾಗುವುದಿಲ್ಲ, ರಕ್ತ ಹೀನತೆ ಸಮಸ್ಯೆ ಇದ್ದವರಿಗೂ ದೇಹದಲ್ಲಿ ರಕ್ತಕಣಗಳು ಹೆಚ್ಚಾಗಿ ಆರೋಗ್ಯ ಹೆಚ್ಚುವುದು.