ಗರ್ಭಿಣಿಯರಲ್ಲಿ ಹಿಮ್ಮಡಿ ಗಂಟಿನ ನೋವು ನಿವಾರಣೆ

Pre Natal

oi-Reena

By Hema S

Published: Saturday, December 10, 2011, 17:42 [IST]

ಗರ್ಭಿಣಿಯಾದಾಗ ದೇಹದಲ್ಲಿ ಅನೇಕ ಬದಲಾವಣೆಗಳಾಗುತ್ತವೆ, ದೇಹದ ತೂಕ ಹೆಚ್ಚಾಗುತ್ತದೆ. ದೇಹದಲ್ಲಿ ಅನೇಕ ಹಾರ್ಮೋನ್ ಗಳ ಬದಲಾವಣೆಯಾಗುತ್ತದೆ, ಆಗ ಕಾಲು ನೋವು, ಸೊಂಟ ನೋವು ಮುಂತಾದ ಸಮಸ್ಯೆಗಳು ಕಂಡು ಬರುತ್ತದೆ. ಈ ಸಂದರ್ಭದಲ್ಲಿ ಹಿಮ್ಮಡಿಯ ಗಂಟಿನಲ್ಲಿ ನೋವು ಕೂಡ ಕಂಡುಬರುತ್ತದೆ, ಈ ನೋವನ್ನು ಈ ಕೆಳಗಿನ ಸಲಹೆಗಳಿಂದ ಹೋಗಲಾಡಿಸಬಹುದು.

1. ಗರ್ಭಿಣಿಯರು ಹೆಚ್ಚು ಹೊತ್ತು ನಿಲ್ಲಬಾರದು. ಹೆಚ್ಚು ಹೊತ್ತು ನಿಲ್ಲವುದರಿಂದ ಕಾಲಿನ ಮೇಲೆ ಹೆಚ್ಚಿನ ಒತ್ತಡ ಉಂಟಾಗಿ ಕಾಲು ನೋವು ಬರುತ್ತದೆ.

2. ಕಾಲು ನೋವು ಕಾಣಿಸಿಕೊಂಡರೆ ಹದ ಬಿಸಿ ನೀರಿನಲ್ಲಿ ಕಾಲನ್ನು 30 ನಿಮಿಷಗಳ ಕಾಲ ಇಡಬೇಕು. ಈ ರೀತಿ ಮಾಡಿದರೆ ಕಾಲು ನೋವು ಕಡಿಮೆಯಾಗುವುದು.

3.ಮಲಗುವಾಗ ಎಡಭಾಗಕ್ಕೆ ತಿರುಗಿ ಮಲಗಬೇಕು, ಇದರಿಂದ ಕಾಲಿನ ಮೇಲೆ ಬೀಳುವ ಒತ್ತಡ ಕಡಿಮೆಯಾಗುವುದು.

4. ಹೈ ಹೀಲ್ಡ್ ಚಪ್ಪಲಿಯನ್ನು ಧರಿಸಬಾರದು ಮತ್ತು ತುಂಬಾ ಬಿಗಿಯಾದ ಅಥವಾ ಜಾರುವಂತಹ ಚಪ್ಪಲಿಯನ್ನು ಧರಿಸಬಾರದು.

5. ನೋವಿನಿಂದ ಕಾಲುಗಳು ಊದಿಕೊಂಡರೆ ಮುಲಾಮುಗಳನ್ನು ಹಚ್ಚಿಕೊಳ್ಳಬೇಕು.

6. ಕಾಲು ನೋವಿದ್ದರೆ ತುಂಬಾ ದೂರ ನಡೆಯದೆ ವಿಶ್ರಾಂತಿಯನ್ನು ತೆಗೆದು ಕೊಳ್ಳಬೇಕು.