ಹೆರಿಗೆಯ ನಂತರ ಬೊಜ್ಜು ಕರಗಿಸುವುದು ಹೇಗೆ?

Post Natal

oi-Reena

By Hema S

Published: Tuesday, April 17, 2012, 17:28 [IST]

ಹೆರಿಗೆಯ ನಂತರ ಹೆಚ್ಚಿನ ಮಹಿಳೆಯರಿಗೆ ಬೊಜ್ಜು ಹೊಟ್ಟೆ ಬರುತ್ತದೆ. ಆ ಹೊಟ್ಟೆಯನ್ನು ಕರಗಿಸದಿದ್ದರೆ ಆಕರ್ಷಕ ಮೈಕಟ್ಟು ಪಡೆಯಲು ಸಾಧ್ಯವಿಲ್ಲ. ಗರ್ಭಿಣಿಯಾಗಿದಾಗ ಯೂಟ್ರಸ್ ದೊಡ್ಡದಾಗಿ ಹೆರಿಗೆಯ ನಂತರ ಕೂಡ ಹೊಟ್ಟೆ ಸ್ವಲ್ಪ ದಪ್ಪವಾಗಿ ಕಾಣುತ್ತದೆ. ಆದರೆ ಈ ರೀತಿ ಹೊಟ್ಟೆಯನ್ನು ವ್ಯಾಯಾಮ ಮಾಡುವುದರಿಂದ ಕರಗಿಸಿ ಆಕರ್ಷಕ ಮೈಕಟ್ಟು ಪಡೆಯಬಹುದು.

ಹೆರಿಗೆಯ ನಂತರದ ವ್ಯಾಯಾಮ:

ಹೆರಿಗೆಯಾಗಿ 3 ತಿಂಗಳು ವಿಶ್ರಾಂತಿ ಪಡೆದ ಬಳಿಕ ಈ ಕೆಳಗಿನಂತೆ ವ್ಯಾಯಾಮ ಮಾಡಿದರೆ ಬೊಜ್ಜು ಹೊಟ್ಟೆ ಕರಗಿ ಆಕರ್ಷಕ ಮೈಕಟ್ಟು ನಿಮ್ಮದಾಗುವುದು.

1. ನೇರವಾಗಿ ನಿಂತು ಹೊಕ್ಕಳು ಒಳ ಬರುವಂತೆ ಉಸಿರು ಎಳೆದುಕೊಂಡು ನಂತರ ನಿಧಾನಕ್ಕೆ ಉಸಿರಾಡಬೇಕು. ಈ ರೀತಿ 5 ನಿಮಿಷ ಮಾಡಬೇಕು.

2. ನೆಲದ ಮೇಲೆ ಬೆನ್ನು ನೆಲಕ್ಕೆ ತಾಗುವಂತೆ ಮಲಗಬೇಕು. ಪಾದಗಳು ನೆಲಕ್ಕೆ ಮುಟ್ಟಿರುವಂತೆ ಕಾಲುಗಳನ್ನು ಮಡಚಬೇಕು. ನಂತರ ಮೆಲ್ಲನೆ ತಲೆಯನ್ನು ಎತ್ತಿ ಮೊಣಕಾಲಿಗೆ ತಾಗಿಸಬೇಕು.

3. ಕಾಲುಗಳನ್ನು ಹಿಂದೆಕ್ಕೆ ಇಟ್ಟು ಬೆನ್ನು ನೆಲಕ್ಕೆ ತಾಗುವಂತೆ ಮಲಗಬೇಕು. ಕೈಗಳನ್ನು ತಲೆಯ ಹಿಂದೆ ಇಟ್ಟುಕೊಳ್ಳಬೇಕು. ಈಗ ದೇಹವನ್ನು ಸ್ವಲ್ಪ ಮೇಲಕ್ಕೆ ಎತ್ತಿ ಎಡ ಕೈಯಿಂದ ಬಲಭಾಗದ ಮೊಣಕಾಲನ್ನು ಮುಟ್ಟಬೇಕು.ಬಲ ಕೈಯಿಂದ ಎಡಭಾಗದ ಮೊಣಕಾಲನ್ನು ಮುಟ್ಟಬೇಕು.

4. ನೆಲಕ್ಕೆ ಬೆನ್ನು ತಾಗುವಂತೆ ಮಲಗಿ ಕೈಗಳನ್ನು ಸೊಂಟಕ್ಕೆ ಬಲ ಸಿಗುವಂತೆ ಇಟ್ಟು ಕಾಲುಗಳನ್ನು 10 ಇಂಚು ಎತ್ತಿ ಸ್ವಲ್ಪ ಹೊತ್ತು ಹಾಗೇ ಹಿಡಿಯಬೇಕು. ನಂತರ ಎಂದು ಕಾಲನ್ನು ನಿಧಾನಕ್ಕೆ ಕೆಳಕ್ಕೆ ಇಳಿಸುವಾಗ ಮತ್ತೊಂದು ಕಾಲನ್ನು ಮೇಲಕ್ಕೆ ಎತ್ತುವ ವ್ಯಾಯಾಮವನ್ನು 5 ನಿಮಿಷ ಮಾಡಬೇಕು.

ಈ ರೀತಿಯ ವ್ಯಾಯಾಮ ಮಾಡಿದರೆ ಬೊಜ್ಜು ಹೊಟ್ಟೆ ಕರಗಿ ಹಿಂದಿನ ಆಕರ್ಷಕ ಮೈಕಟ್ಟು ನಿಮ್ಮದಾಗುವುದು.